Matìyò 13:3 - Ikan feg

³ Wì ya mə̀tì inug nɔʼ nɔʼ inɔb inga tìngam məgri. Wì ya ghà inɔb gha: “Wə̀d mɔ̀ʼɔ ne fàʼà a mben ya dù ghò ni nwḭ̀ fitam ngwèd.

Meta’

³ Wɨ̀ nyaʼa ghà ɨnû nɔnɔʼ əmbɨ mɨ̀mə̌d ənɨ ɨnû mɨgɨ ni, “Mbə̀ zwetɨ! Mbaŋə̀ mɔʼɔ nɨə fàʼə̀ mbeŋ nyaʼa jwɨ̀ wo kon mbi ɨghɨ.

Matìyò 13:3 교차 참조

Matìyò 13:4

Icheg ne wì yaya nwḭ̀yḛ̀ fitam ngwèd fe, ìti mɔ̀ʼɔ ya fendi igun inɔnjì, tìnən yèʼe gwe mèrì.

Matìyò 13:53

Anyumə̀ ne Yeso ya màni ni ghàm tìngam məgri ìto̰, wì ya nɔ̀ʼ asiŋi ze jəg inɔnjì ibo aben.

Matìyò 22:1

Yeso ya ywìrì ghàm abə itog bəd mbe ane ìngam məgri.

Matìyò 24:32

Yeso ya chè imbìghè ghà abə mə̀mə̀nənùg məd gha, “Mbə̀ mənə anug azo̰ abə azed fig: Mbə̰ ya mə̀ bàd tifuʼ feg te dùwə̀ ane tìtab bɔd, mbə kyeri gha ichi fə tinde.

Mk 12:1

Yeso ya si nɔ̀ʼ ko ghà tìngam məgri abə bəd mbe ne ya tangi inug inga aben mə̀Ju gha, “Mbaŋà mɔ̀ʼɔ ya kon mben vayìn, kɔd ikam chè kad, tɔŋ ibighi bɔm asiŋi ne mbi biri se mḭ̀yḛ̀ mənoʼ inga. Wì ya bə̀ bɔm nəb ikaŋ ne wə̀d biri chùghi inga se kyèʼrè mben ze. Wì ya ghì ane nàʼ mben ze abə bəd mɔ̀ʼɔ gha mbe nyimi ghi fàʼ inga. Wì ya nàʼ ane, nɔ̀ʼ ghò inga aben ndəŋ.

Mk 12:12

Itog bəd inga aben mə̀Ju ya zug ane, se kə̀bə̀ ni gwì aməd imbə̀ʼ icheg ne mbi ya kyeri gha wì ya ghàmà ìngam məgri we imbə̀ʼ awɔb. Si ya gha, mbi yaya bɔ inɔ̰ bəd we. Ane, mbi ya sàŋì aməd nɔ̀ʼ ghò awɔb.

Mk 3:23

Anyumə̀ ne mbi ya gha ane, wì ya kàrì awɔb abɔ̀ʼ məd, ghà inɔb ane ìngam məgri gha, “Sàtàn kə ywìrè kàmà yi zìye chìyè inga bəd iye?

Mk 4:13

Yeso ya biri inɔb gha, “Àkə chəyi mbə̀ kyeri aton ane ìngam məgri gho̰? Mbə̀ kə si chè iye ni kyeri aton ane tìngam məgri ndəŋ?

Mk 4:33

Yeso ya ghàm Ìngam Ŋwiye abə bəd ane tìngam məgri nɔʼ nɔʼ icheg ìto̰. Wì yaya ghàmà ane icheg ne tì bəd zug kyèri.

Lk 12:41

Pità ya biri abə Yeso gha, “Anɔŋisəg, ìngam məgri gho̰ kə àghò ghàmi məyi ina kə̀ abə bəd məjìm?”

Lk 8:10

Wì ya ywìtì inɔb gha, “Ŋwiye fə fìʼì àzən atog ni kyeri inug imbə̀ʼ anug ìfɔ̀n ikaŋ. Àsi abə mbin tì bəd, mə ya ghàmà yaʼ ìngam məgri inɔb. Anìŋ ya ni ghì gha, ‹Mbi biri nèn, chəyi mbi biri bàd. Mbi biri bə zug, chəyi mbi biri bə kyeri.›

Jn 16:25

Yeso ya chè imbìghè ni ghà inɔb gha, “Ka mə jiʼì ghà inug mbo̰ inən ane ìngam məgri, mbə̀ kyeri gha, nyùmə̀ we yèʼe ne chəyi mə̀ biri ywiri ghàm inən ane ìngam məgri. Mə biri ghà inug inən asaŋ asaŋ imbə̀ʼ ìmə Mbaʼ.