Matìyò 13:25 - Ikan feg

²⁵ Aneg mɔ̀ʼɔ, anyumə̀ ne bəd məjìm yaya gwḛ, wə̀d ìpàb məd ya ghò nwḭ̀ ifog inga mben kyì ze nɔ̀ʼ ghò yi.

Meta’

²⁵ Ənɨ bə̂d nyaʼə gwenə, wə̀d pə̀n məd nyaʼa wò kon ɨfu əkaʼ kywɨ̀ te, nɔ̀ʼ wò i.

Matìyò 13:25 교차 참조

Matìyò 13:24

Yeso ya ywìrì ghàm ìngam məgri ndəŋ abə mə̀mə̀nənùg məd gha, “Anug ìfɔ̀n ikaŋ ya icheg wə̀d ne ya nyɔ̀ʼi ngwèd kyì chɔm ibo a mben.

Matìyò 13:26

Anyumə̀ ne kyì te ya màʼi tisaki se ko, bəd ya si bàd ifog we kyèri.

Matìyò 13:27

Bəd mbe ne fàʼà inga mben ze ya pè bàd ifog we ane, si ghò bìri abə ìwɔb mbaʼ àfàʼì gha, ‹Masà, imbə̀ʼ àghò ya nyɔ̀ʼ ngwèd kyì chɔm ine inga mben? Ifog gho̰ kə si nɔ̀ʼ ayeg inga?›

Matìyò 13:29

Wì ya ywìtì inɔb gha, ‹Indèʼ! Mbə̰ mə̀ ghò ni chɔʼri ifog, mbə̰ mbe tì mbə̰ chè chɔ̀ʼri tìtḭ kyì abɔ̀ʼ ifog.

Matìyò 13:30

Mbə̀ saŋa mbe fɔrɔ kwèghe inɔn ghò pè ane nyumə̀ ne mbe mòʼò kyì. Anyumə̀ we, mə biri ghà abə bəd ne mòʼò kyì gha mbe fə bi chɔʼ ifog we fèti, kɔd abiŋ abiŋ, tɔ̀n, si mòʼ kyì ghò nɔ̀ŋì inga ìmə ngən.› ”

Matìyò 13:39

Wə̀d ìpàb we ne ya nyɔ̀ʼi ifog ya Debrə̀. Nyùmə̀ we ne mbe mòʼò kyì ya nyumə̀ we ne isəg biri nwḭ̀yḛ̀. Bəd mbe ne mòʼò kyì ya mbè angirə̀ Ŋwiye.

Matìyò 25:5

Icheg ne mbaʼ igən we ya ta̰ ni yeʼe, ngwḛ ya chìŋə̀ bɔn àyi mbe mbɔb məjìm, mbi fen angwḛ.

Gàlesìyà 2:4

Anug ni ŋwed bəd ya ko imbə̀ʼ icheg ne məfi mɔ̀ʼɔ ne yaʼi bəd inug ako ya nyaʼ nyi abɔ̀ʼ ina. Mbi yaya kə̀bə̀ ni kyeri icheg ne ìwa ifɔti tì Yeso Kristo chi awa ane mə̀nɔ̀ʼɔ̀ Muse. Mbi yaya kə̀bə̀ ni kyeri ane si ywìrì chè ane mə̀nɔ̀ʼɔ̀ mbe ghì tì yaʼ icheg ìbòʼì ne fàʼà aton mə̀nɔ̀ʼɔ̀ Muse.

Mə̀Hibrù 12:15

Mbə̀ bə kìrə ika ni gha imbə̀ʼ wə̀d mɔ̀ʼɔ nɔ̀ʼ sam ìchɔ̀mì Ŋwiye. Imbə̀ʼ mbə̰ saŋa awən gha ngwèd tibɔ̀ŋ kweg inən inga fìŋ si ko inug tibɔ̀ŋ.

1 Pità 5:8

Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.

2 Pità 2:1

Bədkə̀n ne ghà inug ako ya yaʼ abɔ̀ʼ bəd Ŋwiye a mbègtog. À ya ane ne mə̀chwitinùg ako biri bə̀ yaʼ abɔ̀ʼ inən. Mbɔb biri chì tiwe chwìti inug ako ne chìkə̀ bəd Kristo. Mbɔb biri ton awɔb fɔrɔ Anɔŋisəg we ne zeri awɔb. Mbi biri ghì ane, ngəʼ kyen nyi igun inɔb.

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

Ɨnû 13:14

Zì ya tambi bəd məjìm igun isəg ane iyeti inug ne zì yaya ghìyə̀ icheg ne nyam kyen mbègtog ze ya nàʼi ika ibo. Nyam kyen ze ya ghà inɔb mbi tangi aghi-ŋwiye nɔ̀ŋì ni ghumni nyam kyen ze ne mbi ya zì ana̰ igun məd ane ibeg ibid, si ya gha chəyi zì ya ku.

Ɨnû 2:20

Si ya gha, mə beri anug mɔ̀ʼɔ imbə̀ʼ awe. Anug ze ya gha, chəyi àghò chɔ̀ʼri inug ìmbi àyi we ne mbe kàrà ane Jesebè. Məd we gha zìye ya wə̀dkə̀n àyi. Məd we chwìte inug ni fèbrì ìmbum bəd àfàʼì gha mbe ghi ifanì inug bə̀ ghì gha mbe jəg tijəg te ne mbe nàʼà ane ighi àfàtì abə mə̀ŋwiye.