Matìyò 1:1 - Ikan feg

¹ Aŋa ya iwaŋ inəbi ìwi Yeso Kristo ŋwan ifɔn Dèvid ni ko ane Abràham:

Meta’

¹ Wɔ̂ yɨ ɨwaŋ tɨ̀ghə̀m rɨ mɨ̀mbǎʼ Yeso Kristo rəŋwe. Yeso Kristo yɨə wan tɨ ənɨ əghaŋ ə Dèvîd we nɨ nyaʼə wan tɨ ənɨ əghaŋ ə Abràham.

Matìyò 1:1 교차 참조

Matìyò 1:18

Aŋa ya icheg ne mbi ya gwi Yeso Kristo angu: Jòseb ya fə nyi igun Mèri we ne yaʼi ngɔb Yeso ni nam. Si ya gha, bɔŋ mbɔb ya se nàma, Azwighi Ŋwiye ya fə ghì Mèri si tìbùmə̀.

Matìyò 1:2

Abràham ya yaʼ mbaʼ ìwi Azìg. Azìg ya yaʼ mbaʼ ìwi Jàkɔb. Jàkɔb ya yaʼ mbaʼ ìwi Judà tì məfi məd.

Matìyò 15:22

Àyi mɔ̀ʼɔ a Kanàn ne yaya chùghə aba aben ze ya ghò iban Yeso pè kyen ane gì ka ka gha, “Masà! Ŋwan ifɔn Dèvid, dìgre igun inum! Azwighi tibɔ̀ŋ fə nyi inga ìmə ŋwan ne ya ŋwan àyi. Azwighi ze ze chə aməd kwàʼ ako.”

Matìyò 3:16

Anyumə̀ ne Yeso ya fə niŋi mənib, wì ya dù inga igyi we. Kwàʼ ati ati, ikaŋ àbɔ̀ŋɔ ya fìʼè, wì bàd Azwighi Ŋwiye ne ya swiʼi yèʼe icheg bupə pè nàŋa igun məd.

Matìyò 9:27

Anyumə̀ ne Yeso ya nɔ̀ʼi ane asiŋi ze ko ni ghò yi, mbaŋà mɔ̀ʼɔ tibe ne yaʼi məfəg ya beni ibo anjìm, se nè kyḛ kàrà aməd gha, “Ŋwan ifɔn Dèvid! Àghò bere àsɔ̀mnəfiŋ igun ina.”

Lk 1:33

Məd biri yaʼ ifɔn igun aghaŋ inəbi àzi Jàkɔb ane ighə̀m imɔʼ. Chəyi anug ìfɔ̀n məd biri nɔʼ nwḭ̀yḛ̀.”

Jn 7:42

Imbə̀ʼ Àŋwàʼrì Ŋwiye gha Wə̀d we ne Ŋwiye zɔ̀ʼi biri yaʼ wə̀d inga inəbi ifɔn Dèvid, ne nɔ̀ʼi a Betèlèhem, asiŋi ze ne mbi ya gwi ifɔn Dèvid angu?”

Ɨ̀fàʼì 2:30

Icheg ne ifɔn Dèvid ya yaʼi wə̀dkə̀n Ŋwiye, wì ya kyeri gha, Ŋwiye ya fə kàʼ bə̀ zɔ̀m ane ìwi ikum gha zìye biri nɔ̀ŋì ŋwan ane aghaŋ inəbi Dèvid gha wì jəg atən ifɔn Dèvid.

Rm 1:3

Ikən chɔm gho̰ ya imbə̀ʼ Ŋwan məd. Icheg wə̀d-aku, mbi ya gwi aməd inga inəbi fɔn Dèvid.

Rm 4:13

Kayi imbə̀ʼ icheg ne Abràham yaya nɔ̀ŋɔ̀ mə̀nɔ̀ʼɔ̀ Muse ne Ŋwiye ya kàʼi gha məd tì bɔn ane aghaŋ inəbi məd biri jəg ighi igun isəg. À ya anjìm ibḛfiŋ məd ne Ŋwiye ya niŋi aməd ane wə̀d ne təmi kòʼ.

Rm 9:5

Mbɔb ya bəd inga inəbi mə̀mbaʼ mbe te aneg. Mbi ya gwi Wə̀d we ne Ŋwiye zɔ̀ʼi inga inəbi bəd Izre. Məd ya Ŋwiye abə bəd məjìm. Tì ghumnə Ŋwiye ane ighə̀m imɔʼ. À ya ane!

Gàlesìyà 3:16

Anug ze ne Ŋwiye ya ghum kàʼ ya abə Abràham tì ŋwan ne biri ghum yaʼ ane aghaŋ inəbi məd. Chəyi Ìngam Ŋwiye gha à ya abə bɔn ane aghaŋ inəbi məd. Anug ze ya kayi abə bɔn nɔʼ nɔʼ. Ane ya gha, à ya abə wə̀d imɔʼ. Wə̀d we ya Kristo.

1 Timotì 2:5

Ŋwiye ya məyi imɔʼ. À ya bə̀ məyi wə̀d imɔʼ ne fɔ̀tɔ bəd ane anug amɔʼ tì Ŋwiye. Məd ya Yeso Kristo.

2 Timotì 2:8

Àghò wendi Yeso Kristo ne yaʼi ŋwan ane aghaŋ inəbi ifɔn Dèvid, Ŋwiye ya ghì wì zwème ane iwu. À ya ikən chɔm ne mə chètè we.

Ɨnû 22:16

Mo Yeso, mə chà ìmə angirə̀ gha wì chete inug mbo̰ inən inga tifeti bəd Ŋwiye. Mo ya aghaŋ inga inəbi ifɔn Dèvid. Mo ya icheg Fitəm-məg fe ne zùʼə ane achəg ituʼ.