Mə̀Hibrù 9:11 - Ikan feg

¹¹ Kristo ya yèʼe icheg atog wə̀d igun bəd mbàn Ŋwiye igun ighi chɔm mbe ne fə yaʼi. Azuŋ ze ne məd ya nyi inga ya àze ne beri ati chè azin bə̀ təm kòʼ, ne kayi bəd ya tangi; ne kayi bə̀ abɔ̀ʼ ighi mbe ne Ŋwiye ya tangi igun isəg gho̰.

Meta’

¹¹ Kristo nyaʼa yeʼe ɨghabɨ ətu ɨgwɨ ə bə̂d mbàn Ŋwìə̀ ənɨ ɨghɨ chɔ̀m mbe nɨ fə sɨ əgha. Ɨŋwenɨ we nɨ məd ə fàʼ ɨŋga ə bɔ̀ŋ màànɨ̀. À yɨə bə̀ ɨŋwenɨ nɨ chè mɨŋwenɨ jìm. Kaʼi bə̂d nyaʼa kod ɨŋwenɨ we, əne yɨ ni, kaʼ ɨŋwenɨ we yɨ i əba rɨ ənɨ ɨsɨg wɔ̂.

Mə̀Hibrù 9:11 교차 참조

Matìyò 11:3

gha mbe gho bìri ibo gha, “Àghò kə wə̀d we ne bədkə̀n ya gha wì biri yeʼe, kə̀ tì wa ghɔ̀mɔ wə̀d ndəŋ?”

Matìyò 2:6

‹Àghò Betèlèhem ne yaʼi inga aba aben ze a Judà, Àghò kayi asiŋi ne kə chè isiŋi ijìm mbe ne məfɔn mbe a Judà mbe tùmbə̀, imbə̀ʼ icheg ne Wə̀d ne pùmnə bəd biri dù inga ine, ne biri tùmbì ìmbum bəd mə̀Izre.› ”

Mk 14:58

“Tì ya zug we ghà gha, ‹Mə biri sàʼ Mbàn Ŋwiye ìzo̰ ne mbi bɔmi ane ibo, ywìrì niŋ ineg itad kɔd ìzi ndəŋ ne kayi mbi bɔmi ane ibo.›”

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 4:25

Àyi we ya si gha, “Mə kyèri gha Wə̀d we ne Ŋwiye zɔ̀ʼi ne mbe kàrà ane Kristo we yèʼe. Wì biri pè tòʼrì inug ijìm ina.”

Ɨ̀fàʼì 7:48

Si ya gha, chəyi Ŋwiyekɔʼ we chùghə inga nəb ne bəd bɔmi. À ya icheg ne wə̀dkə̀n Ŋwiye Àzayà ya gha gha:

2 Kɔrèn 4:18

Ane, chəyi tì zi ìta fìŋ igun ighi ne te bàrà. Tè zì ìta fìŋ yaʼ igun ighi ne chəyi te bàrà. Aton ya gha, ighi mbe ne te bàrà, chəyi mbe tàndà. Àsi ighi mbe ne chəyi te bàrà, à ya ighi ne yaʼi ane ighə̀m imɔʼ.

2 Kɔrèn 5:1

Tè kyèri gha ìta nəb te ne tì yaʼi inga igun isəg aŋa, ne ya ìta nyàmnyɔd, ti mə̀ bùʼə, Ŋwiye biri nàʼ ìti feg ina ikaŋ àbɔ̀ŋɔ ne biri tèn ane ighə̀m imɔʼ. À ya nəb ne məd kɔri kwàʼ zìye zìye.

Kòlosè 2:11

Mbi ya fə ŋwed awən icheg ne mbə̀ yaʼi ane ifɔti tì Kristo. Si ya gha, àŋwerì azo̰ ya kayi bəd faʼi ane ibo. Àŋwerì azo̰ ya icheg we ne Kristo kɔ̀pi ìtən fìŋ, chì ikuchèg tibɔ̀ŋ we ne ìtən nyàmnyɔd te ghə̀ʼrə̀.

Mə̀Hibrù 10:1

Mə̀nɔ̀ʼɔ̀ Muse ya məyi àzìŋə ane ighi chɔm mbe ne kiri yeʼe. Mbi yaya nàʼà ighi àfàtì tituʼ tijìm icheg ne mə̀nɔ̀ʼɔ̀ Muse gha. Si ya gha chəyi tì ighi àfàtì mbe ghì bəd mbe ne ghùmnə Ŋwiye mbi zen mànì.

Mə̀Hibrù 12:27

Ìngam we ne gha, “ighəm ndəŋ” ya chwìte gha mbi biri chì ighi mbe ne mbi tangi ne tì mbi ghùd ni gha ighi mbe ne chəyi tì mbi ghùd biri si bùʼ.

Mə̀Hibrù 13:14

Icheg ne chəyi tì beri aben ne yaʼi ane ighəm imɔʼ igun isəg gho̰, tì ya nḛ̀ imbìghè ni ghò nyi yaʼ inga aben feg ze ne yèʼe.

Mə̀Hibrù 2:17

À ya aton ne wì ya kòʼi ni yaʼ icheg məfi fɔrɔ njàbi məd ane inug ijìm, ni gha wì biri yaʼ atog wə̀d igun bəd mbàn Ŋwiye ne fàʼà abə Ŋwiye ane ìzi fìŋ ijìm, bə̀ bèrè àsɔ̀mnəfiŋ igun bəd, si nàʼ ìwi nyɔd ane aghi àfàtì ni ghì gha Ŋwiye waʼ inug tibɔ̀ŋ bəd.

Mə̀Hibrù 3:1

Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.

Mə̀Hibrù 4:15

Tè bèrì atog wə̀d kyen igun bəd mbàn Ŋwiye ne tì wì sɔmnɔ̀ igun ina anyumə̀ ne te bɔ̀rɔ ane ìwa ibḛfiŋ igun Ŋwiye. À ya ane imbə̀ʼ icheg ne Sàtàn ya kwàʼrì aməd ane mənɔnjì nɔʼ nɔʼ icheg ne Sàtàn we bə̀ kwàʼrà awa, si ya gha, chəyi wì ya gùghi anug.

Mə̀Hibrù 7:1

Mèkisedèg gho̰ ya yaʼ ifɔn a Salèm. Məd ya yaʼ wə̀d mbàn Ŋwiyekɔʼ. Anyumə̀ ne Abràham yaya bə̀ndə̀ ane ibid we ne wì ya màʼi chè məfɔn məkwè, Mèkisedèg ya bɔ̀mbì tì məd, zì àbɔrɔ̀bɔd igun məd.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

2 Jɔn 1:7

Bəd nɔʼ nɔʼ ne tàmba bəd fə sàkà igun isəg. Chəyi mbɔb mbe bḛ gha Yeso Kristo ya yeʼe igun isəg icheg wə̀d-aku. Tiku bəd te ya bəd mbe ne tàmba bəd. Mbɔb ya bəd ìpàb Kristo.