Mə̀Hibrù 8:6 - Ikan feg

⁶ Ane, àfàʼì ze ne Ŋwiye nàʼi abə Yeso ya àfàʼì ne che àze bəd mbàn Ŋwiye. À ya bə̀ icheg ne məd təmi inga ìsàn abə Ŋwiye tì bəd Ŋwiye chùʼri ikan ne faŋi chè ikan nun. Ikan we təm igun inug mbe ne bɔŋ chè, ne Ŋwiye ya kàʼi.

Meta’

⁶ Àyɨə tɨ̀nîn ə̀fàʼì ze nɨ Ŋwìə̀ naʼ əmbɨ Yeso ə chè əzɨ mɨ̀mə̌d, àmei ɨchî nɨ fɨso fe nɨ məd yeʼe mbɨ fɨwən bə chè fɨso ə nun, ɨmbə̀ʼ ɨghəm nɨ fɨso fe ə berɨ ɨnû nɨ bɔŋ chè mbe nɨ yeʼ ɨŋga fɨso ənun.

Mə̀Hibrù 8:6 교차 참조

Lk 22:20

Anyumə̀ ne mbi ya jəghi, wì ya bə̀ niŋ itoʼ mənoʼ ze, si gha, “Itoʼ ìzo̰ ya ikan feg ne Ŋwiye wàri tì inən ane àmə anəm ze ne tuyə imbə̀ʼ awən.

Rm 9:4

Mbɔb ya mə̀Izre. À ya mbɔb ne Ŋwiye ya be niŋ ane ìmbi bəd. À ya inɔb ne Ŋwiye ya be chwi ìwe ìzḛzḛ. À ya mbɔb ya wàd ikan tì Ŋwiye. À ya inɔb ne Ŋwiye ya nàʼi ìmbi mə̀nɔ̀ʼɔ̀. À ya mbɔb ne Ŋwiye ya ghì mbɔb se ghùmnə aməd. À ya mbɔb ne wì ya bə̀ kàʼ inug nɔʼ nɔʼ inɔb.

Efesùs 2:12

À ya yaʼ anyumə̀ we, chəyi mbə̰ ya yaʼi ane ifɔti tì Kristo. Chəyi mbə̰ ya bə yaʼ bəd Izre. Chəyi mbə̰ ya beri apan ane ikan we ne Ŋwiye ya kàʼi abə ìmbi bəd. Chəyi mbə̰ ya bə yaʼ bəd Ŋwiye. Mbə̰ ya yaʼ igun isəg aŋa ne chəyi mbə̀ ya nɔŋi ikɔndi igun Ŋwiye.

1 Timotì 2:5

Ŋwiye ya məyi imɔʼ. À ya bə̀ məyi wə̀d imɔʼ ne fɔ̀tɔ bəd ane anug amɔʼ tì Ŋwiye. Məd ya Yeso Kristo.

Tayitùs 1:2

Tesiʼ gho̰ biri ghì tì nɔ̀ŋì ìta tikɔndi se ghɔ̀mɔ̀ ìtḛ̀ ighə̀m imɔʼ we ne Ŋwiye kaʼi. Chəyi Ŋwiye we kàʼà anug ze chè ako. Wì ya fə kàʼ anug azo̰ bɔŋ se tànga isəg.

Mə̀Hibrù 12:24

Mbə fə yeʼe abə Yeso, məd we ne ya yeʼe tì ikan feg. Mbə yèʼe abə anəm Yeso ze ne mbi ya tuti ne ghàmà inug ne bɔŋi chè inug mbe ne anəm àzi Abè ze ghà.

Mə̀Hibrù 7:22

Icheg ne Ŋwiye ya zɔ̀mi ane, Yeso fə ghì gha Ŋwiye wara ikan tì ina ne bɔŋi chè.

2 Pità 1:4

Wì ya chè anjìm ika we nàʼ tineʼi te ne wì ya kàʼi ina. À ya tineʼi ne taŋ kà inun bə̀ taŋ bɔ̀ŋ. Wì ya ghì ane ni gha anjìm tineʼi te mbə̰ mbe tì mbə̰ yaʼ icheg Ŋwiye ane ikuchèg, si waʼ inug tibɔ̀ŋ mbe ne bəd inga isəg mbe ghə̀ʼrə̀.