Mə̀Hibrù 6:9 - Ikan feg

⁹ Ìmbum mə̀sə̀ʼ ne mə̀ kɔŋi, ka tì ya ghàmà inən anìŋ, tè kyèri gha mbə̰ biri bèrì ighi ne bɔŋi chè ne Ŋwiye biri nàʼ inən icheg ne Ŋwiye pùmni awən.

Meta’

⁹ Bɔŋgɔb nɨ tɨ̀ ghaʼi kwàʼ rɨŋgəʼ, ka tɨ̀ yeʼə ghà a əne, tɨ̀ kàŋ kyerɨ ənɨ rəsìʼ ɨmbə̀ʼ əwən ni mbə berɨ ɨghɨ nɨ bɔŋɨ chè, nɨ yeʼ ɨghɨ mbe nɨ bɨrɨ ghɨ mbə̀ jwɨ rəŋgəʼ.

Mə̀Hibrù 6:9 교차 참조

Mk 16:16

Wə̀d ne bḛ, niŋ mənib, wì biri pum. Àsi wə̀d ne chəyi wì bḛ, Ŋwiye biri zì isaʼi igun məd.

Ɨ̀fàʼì 11:18

Anyumə̀ ne mə̀Ju mbe ya zughi ane, chəyi mbi ya ywirì bìri anug mɔ̀ʼɔ abə Pità. Mbi ya se ghùmnə Ŋwiye gha, “Ane, à ya kwàʼ tesiʼ gha Ŋwiye fə nàʼ apan abə bəd ne kayi mə̀Ju gha mbe bəŋə fìŋ sìkì inug tibɔ̀ŋ, jəg ìtḛ̀.”

Ɨ̀fàʼì 20:21

Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

1 Kɔrèn 10:14

Icheg ne ze yaʼ ane, ìmbum mə̀sə̀ʼ ne mə̀ taŋ kɔ̀ŋ, mbə̀ to̰ awən anug ni ghumni mə̀ŋwiye.

2 Kɔrèn 12:19

Mbə kə anìŋ kɔ̀ndɔ gha tì ya tàŋà ìwa nyɔd inən imbìghè? Indèʼ! Tì ya ghàmà anug ne koʼi abə Ŋwiye icheg ne tì yaʼi ane ifɔti tì Kristo. Ìmba mə̀sə̀ʼ ne tì taŋ kɔ̀ŋ, inug ijìm ne te ghìyə̀ ya ni wètì awən gha mbə̀ təm kà.

2 Kɔrèn 7:1

Ìmbum mə̀sə̀ʼ ne mə̀ taŋ kɔ̀ŋ, icheg ne Ŋwiye kàʼi ni fàʼ inug mbo̰ ina, tè chiye ìwa nyɔd fɔrɔ àza azwighi ane inug ijìm mbe ne ghìyə̀ ghà wə̀d ghiyə inug tibɔ̀ŋ se fàʼà inug ijìm inga ìzḛzḛ bə̀ bɔ Ŋwiye.

2 Kɔrèn 7:10

Tesiʼ ya gha, àsɔ̀mnì ze ne Ŋwiye ghi ya ni ghì gha bəd bəŋə ìtɔb fìŋ sìkì inug tibɔ̀ŋ si pum. Ane, chəyi kyere mɔ̀ʼɔ inga iku àsɔ̀mnì we. Àsi àsɔ̀mnì ne à ya wə̀d-aku ghi, ze ya ghìyə̀ wə̀d kùyə.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Mə̀Hibrù 10:34

Mbə̰ ya bə̀ sɔ̀mnɔ̀ igun məfi mbe ne ya yaʼi inga nəb ndəŋ . Anyumə̀ ne mbi ya bə̰ ìmbən ighi, mbə̰ ya bə̀ sàŋì nè gyènde imbə̀ʼ icheg ne mbə̰ kyèri àzən aghi gha mbə bèrì aghi ne bɔŋi chè ne biri bə yaʼ ane ighə̀m imɔʼ.

Mə̀Hibrù 10:39

Chəyi tì yaʼi abɔ̀ʼ bəd mbe ne nìme imbə̀ʼ icheg ne mbi bə̀ndi anjìm. Mba ya abɔ̀ʼ bəd mbe ne pùmə imbə̀ʼ icheg ne tì nɔŋi ibḛfiŋ igun Ŋwiye.

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Mə̀Hibrù 5:9

Ŋwiye ya ghì aməd wì bɔ̀ŋ mànì, bə̀ ghì gha məd yaʼ wə̀d ne pùmnə wə̀d ijìm ne zùgrə aməd ane ighə̀m imɔʼ.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

1 Pità 2:11

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ ya bəd tìsɔ̀ʼ inga isəg gho̰ ne bə yaʼ mə̀nɔʼɔ. Ane, mə we bòʼo ibo inən gha mbə̀ chìye ìfən ifeg ane inug tibɔ̀ŋ mbe ne nyàmnyɔd ze ghə̀ʼrə̀. À ya inug tibɔ̀ŋ mbe ya màʼà ibid inən inga fìŋ.

2 Pità 3:1

Ìmbum məfi fɔrɔ ìtum njàbi ne mə̀ taŋ kɔ̀ŋ, àŋwàʼrì azo̰ ne mə̀ ŋwàʼri inən anìŋ ya àŋwàʼrì ne pè ane ibe. Inga ìŋwàʼrì mbo̰ ibe, mə fə kirə ika ni nɔ̀rì ìwən ikɔndi ni ghì gha mbə̀ wendi inug ijìm mbe ne mbə̀ ya fə bi kyèri ane fìŋ zḛ zḛ.

1 Jɔn 2:7

Ìmbum mə̀sə̀ʼ ne mə̀ taŋ kɔ̀ŋ, ikə gho̰ ne mə ŋwàʼrà inən anìŋ ya kayi ikə feg. À ya ikə anun ne mbi ya fə chwiti inən anyumə̀ ne mbə̀ ya bḛ Kristo. À ya ikə anun we ne mbə̀ ya fə zughi.

Jûd 1:3

Ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mə̀ ya nɔŋi fìŋ ni ŋwàʼrì inug inən imbə̀ʼ icheg ne tì fɔrɔ pum, mə̀ ya ywìrì bàd gha, ze bɔ̀ŋ gha mə ŋwaʼra inug ndəŋ ni nəri ìtən fìŋ. Mbə̀ che imbìghè taŋ nyìmi inug imbə̀ʼ ibḛfiŋ we ne Ŋwiye nàʼi abə ìmbi bəd ane ighə̀m imɔʼ.