Mə̀Hibrù 6:4 - Ikan feg

⁴ Bəd mbe ne chəyi tì mbi ywìrì bə̀ŋì ìtɔb fìŋ ya bəd mbe ne kweʼì kyèri tesiʼ imbə̀ʼ Ŋwiye, bə̀ kweʼì fàʼ inug ane tineʼi tè ne Ŋwiye we nàʼà, Azwighi Ŋwiye bə̀ nyi inɔb inga fìŋ.

Meta’

⁴ Zɨə kàŋ seə nɨ wɨrɨ ghɨ ni bə̂d bèŋ tə fîŋ bə̀ndɨ̀ wò əmbɨ ə Ŋwiə̀ əwù ze nɨ mbɨ kweʼ zə ɨzeŋɨ zeŋɨ Ŋwiə̀, kweʼ zweʼrɨ ɨghɨ rɨkaŋ mbe nɨ wɨ̀ neʼ əwa əŋgu, Əzwî ə Zeŋɨ ə nyɨ ɨŋga mɨ̀mə̌d,

Mə̀Hibrù 6:4 교차 참조

Matìyò 12:45

ze ya bə̀ndə̀ ghò nìŋə izwighi tibɔ̀ŋ ndəŋ ìsàmbe ne taŋ bə chè aməd, mbi si yèʼe nyi chùghi inga nəb ze. Wə̀d we biri si bə chè icheg ne wì ya bi yaʼ. À ya bə̀ icheg ne ze biri yaʼ tì iwaŋ bəd tibɔ̀ŋ gho̰.”

Matìyò 5:13

Yeso ya chè imbìghè gha, “Mbə̰ ya icheg fìngwaŋ abə bəd ne yaʼi igun isəg. Si ya gha, fìngwaŋ kə mə̀ fə tu, mbi kə ywìri ghənə ni ghì gha fe ywirì nə̀m? Chəyi aghi ne tì mbi ywìrì ghì tì fìngwaŋ fe chèyi ni tù aseg, bəd se chè tə̀ʼə̀ yḛ̀ igun.

Jn 15:6

Wə̀d ne chəyi wì chughi ane anug amɔʼ tì inum, tengàŋ ya icheg fìtab fə ne mbi sɔbi waʼ, fi zɔm. Iku tìtab te ya mbe gwe, màʼà inga iywid, ìto̰.

Jn 3:27

Jɔn ya ywìtì inɔb gha, “Chəyi wə̀d ya bèrè aghi mɔ̀ʼɔ kirənde à ya Ŋwiye nàʼi ibo.

Jn 4:10

Yeso ya ywìtì ibo gha, “Àkə aghi ne àghò kyèri ineʼi we ne Ŋwiye we nàʼà bə̀ kyèri wə̀d we ne bìre mənib ine, nji à ya àghò bìri ibo, wì si nàʼ mənib ne nàʼà ìtḛ̀ ine.”

Jn 6:32

Yeso ya ghà inɔb gha, “Mə gha tesiʼ inən, kayi Muse ya nàʼi ngə̀ŋ ze ne nɔ̀ʼi ikaŋ àbɔ̀ŋɔ, à ya ìmə Mbaʼ we nàʼà ngə̀ŋ ze ne yaʼi kwàʼ ìze tesiʼ ne nɔ̀ʼɔ̀ ikaŋ àbɔ̀ŋɔ.

Ɨ̀fàʼì 10:45

Anug ze ya chè mə̀Ju mbe ne ya bḛ Kristo, ne ya bə nɔ̀ʼ a Jopà bèni abɔ̀ʼ Pità. Mbi ya yeti imbə̀ʼ icheg ne mbi ya bàd gha Ŋwiye fə bə̀ nàʼ ineʼi we ne yaʼi Azwighi Ŋwiye abə bəd mbe ne kayi mə̀Ju.

Ɨ̀fàʼì 11:17

Icheg ne Ŋwiye fə nàʼi ineʼi we ne ya Azwighi məd inɔb kwàʼ icheg ne wì ya bə nàʼ ina, mba mbe ne ya nɔŋi ibḛfiŋ igun Anɔŋisəg Yeso Kristo, mo kayi wə̀d ne tì mə kɔndi gha mə təm ni kən àfàʼì ne Ŋwiye we fàʼà.”

Ɨ̀fàʼì 15:8

Ane, Ŋwiye ne kyeri fìŋ abə bəd məjìm fə chwi gha zìye fə bə̀ chɔʼ awɔb icheg ne we bə̀ nàʼà àzi Azwighi inɔb kwàʼ icheg ne wì ya bə nàʼ ina.

Ɨ̀fàʼì 8:20

Si ya gha, Pità ya ywìtì ibo gha, “Àghò nim tì ìwe ikab icheg ne àghò kɔ̀ndi gha àghò we tì àghò zon ineʼi ne Ŋwiye we nàʼà abə bəd ane ikab!

Rm 1:11

Mə ya bòʼo ibo ibo ane imbə̀ʼ icheg ne mə̀ kɔ̀ŋ ni bàd awən ni ghì gha mbə̀ bere ineʼi we ne Azwighi Ŋwiye ze nàʼà imbə̀ʼ təm kà.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Gàlesìyà 3:2

Mə biri kɔ̀ŋ ni kyeri anug amɔʼ inən; Ŋwiye kə̀ ya nàʼ àzi Azwighi inən imbə̀ʼ icheg ne mbə̀ ya nɔŋi mə̀nɔ̀ʼɔ̀ kə̀ imbə̀ʼ icheg ne mbə̀ ya zughi ikən chɔm imbə̀ʼ Kristo, bḛ?

Gàlesìyà 3:5

Ŋwiye kə nàʼà àzi Azwighi inən bə̀ ghìyə̀ iyeti inug inən imbə̀ʼ icheg ne mbə̀ ya nɔ̀ŋɔ̀ mə̀nɔ̀ʼɔ̀ kə̀ imbə̀ʼ icheg ne mbə̀ zùghə ikən chɔm, bḛ?

Efesùs 1:18

Mə we bə̀ chàʼrà Ŋwiye gha wì ghiyə ìmbən itog zen imbə̀ʼ mbə̀ kyere aghi ze ne wì kàri awa gha tì nɔŋɔ ikɔndi ghɔ̀m. À ya ìchɔ̀mì kyen we ne wì ya kàʼi abə bəd məd

Efesùs 2:8

Icheg ne mbə̀ nɔŋi ibḛfiŋ igun Kristo, Ŋwiye fə ghì ìchɔ̀mì inən, pumni awən. Kayi mbə̰ ghi anug azo̰. À ya ineʼi ne nɔʼi abə Ŋwiye.

Efesùs 3:7

Mə ya fàʼà ni ghà ikən chɔm gho̰ anjìm ìchɔ̀mì Ŋwiye we ne wì che anjìm ika məd nàʼ inum.

Efesùs 4:7

Kristo ghì ìchɔ̀mì ina nàʼ tineʼi ina icheg ne məd kə̀bi. Ane, wə̀d imɔʼ imɔʼ bèrì ìwi ineʼi ne koʼi ibo.

1 Timotì 4:14

Imbə̀ʼ àghò waʼra awe ineʼi we ne Ŋwiye nàʼi ine. Ŋwiye ya nàʼ ineʼi ine anjìm Azwighi məd anyumə̀ ne bədkə̀n Ŋwiye ya gha inug imbə̀ʼ awe, itog bəd Kristo bə̀ nɔŋi ìmbɔb ibo igun ine, chàʼra Ŋwiye ine.

2 Timotì 2:25

Wì mənyìʼ ya chwìte inug ane àbɔrɔ̀bɔd abə bəd mbe ne to̰ inug mbe ne məd we chwìte. Wì ya ghìyə̀ ane nè nɔ̀ŋɔ̀ ikɔndi gha, Ŋwiye biri ghì mbi bə̀ŋə̀ ìtɔb fìŋ sìkì inug tibɔ̀ŋ, bə̀ ghì mbi kyeri tesiʼ we ne yaʼi inga Ìngam Ŋwiye.

2 Timotì 4:14

Àlèzandà we ne tànga ighi ane itə̰, wì fàʼ anug tibɔ̀ŋ ne che ibo inum. Anɔŋisəg biri nàʼ chùd ibo ane àfàʼì ze ne wì fàʼi.

Mə̀Hibrù 10:32

Mbə̀ kɔndi ineg mbe ne ya fə che ne mbə̀ ya kyeri tesiʼ imbə̀ʼ Yeso Kristo. Mbə̀ bə kɔ̀ndi icheg ne mbə̰ ya nyìʼi inug bə̀ kiri nɔŋi ìwən ibḛfiŋ igun Ŋwiye anyumə̀ ne mbi ya kwàʼri awən ghì mbə zə̰ ngəʼ nɔʼ nɔʼ.

Mə̀Hibrù 2:4

Ŋwiye zìye ini ya chwi ineni nɔʼ nɔʼ bə̀ fàʼ iyeti inug kyen kyen ni chwi gha inug ijìm mbe ne mbɔb yaya ghà ya tesiʼ. Ane, Azwighi Ŋwiye yaya bə̀ ghàpà tineʼi abə bəd icheg ne Ŋwiye kɔ̀ŋi.

1 Jɔn 5:16

Wə̀d mɔ̀ʼɔ mə̀ bàd ìwi ifi ne we ghìyə̀ anug tibɔ̀ŋ ze ne chəyi ze biri ghì gha wì ku nim, wì chaʼra Ŋwiye gha wì naʼa ìtḛ̀ ibo. Mə ya ghà yaʼ bəd ne ghìyə̀ inug tibɔ̀ŋ mbe ne chəyi mbe ghìyə̀ gha wə̀d ku nim. Anug tibɔ̀ŋ ze angu ne ghìyə̀ gha bəd ku nim. Chəyi mə gha wì chaʼra Ŋwiye igun bəd ne ghìyə̀ iku anug tibɔ̀ŋ we.