Mə̀Hibrù 6:18 - Ikan feg

¹⁸ Ŋwiye fə kàʼ anug bə̀ zɔ̀m. Inug mbo̰ ibe chəyi mbe kɔ̀pɔ imbə̀ʼ icheg ne chəyi tì Ŋwiye ghàm anug ako. Ane, mba mbe ne noro ghò nə̀mbì awa aton aməd, inug mbo̰ ibe taŋ nàʼ ika ina gha tì təm, ghɔ̀m, bə̀ nɔŋi ikɔndi igun aghi ze ne yaʼi ina imbìghè.

Meta’

¹⁸ Ɨnû nɨ chəi ənɨ tɨ mbɨ kwepɨ mbɨ ɨbe nɨ chəi Ŋwìə̀ bɨrɨ nɔ gha mɨghab ɨmbə̀ʼ mbɨwən. Əne mbà mbe nɨ fə norɨ wo nə̀mbɨ̀ əton məd mbe tɨ rɨ̀ yim fîŋ ɨmbə̀ʼ berɨ ənû ze nɨ tɨə nùŋ rɨkɔndɨ wòmə̀.

Mə̀Hibrù 6:18 교차 참조

Matìyò 24:35

Ikaŋ àbɔ̀ŋɔ tì isəg biri chè, si ya gha, chəyi ìmə ìngam biri nɔ̀ʼɔ chè ako.”

Matìyò 3:7

Àsi anyumə̀ ne wì ya bàri mə̀Farìsi nɔʼ nɔʼ tì mə̀Sadùsi nɔʼ nɔʼ ne yaya yèʼe gha wì naʼa mənib inɔb, wì ya ghà inɔb gha, “Mbə̰ ya kwàʼ ifighi! Àkə we pati awən gha mbə̀ nòrò abə ngəʼ kyen ze ne yèʼe?

Lk 2:25

Anyumə̀ we, wə̀d mɔ̀ʼɔ ya yaʼ a Jèrusalèm ne ikum məd ya Simìyòn. Wì ya yaʼ wə̀d ne ghìyə̀ inug ne koʼi bə̀ bèrì ibɔ Ŋwiye. Wì yaya bə̀ ghɔ̀mɔ̀ nyùmə̀ ne Ŋwiye biri ghì gha bəd Izre pum. Azwighi Ŋwiye ya yaʼ igun məd.

Rm 15:5

Ŋwiye we ne nə̀rə ìta fìŋ bə̀ ghìyə̀ gha tì beri inyimbifiŋ, wì bə ghì mbə̀ chughi ane ichug imɔʼ tì ìmbən məfi fɔrɔ ìtən njàbi icheg bəd ne bène abɔ̀ʼ Yeso Kristo.

Rm 3:25

Ŋwiye ya chà aməd icheg aghi àfàtì ina atog ni ghì gha anəm məd so ìmba inug tibɔ̀ŋ. Ane ya anjìm icheg ne tì nɔŋi ìwa ibḛfiŋ igun Yeso. Ŋwiye ya chwi anjìm inyimbifiŋ gha zìye we ghìyə̀ inug ne koʼi imbə̀ʼ icheg ne anyumə̀ ne chəyi wì ya kiri naʼi mə̀nɔ̀ʼɔ̀, chəyi wì ya chə bəd mbe ne yaya bə̀ ghìyə̀ inug tibɔ̀ŋ.

Rm 3:4

Indèʼ ka! Icheg ne bəd məjìm ya bəd inug ako, Ŋwiye ya kà fàʼà yaʼ anug ze ne wì ya gha. À ya icheg ne mbi ŋwaʼri inga Àŋwàʼrì Ŋwiye gha, “Àghò mə ghàm, ìwe ìngam mənyìʼ du ane tesiʼ. Chəyi anug ako mɔ̀ʼɔ inga ìwe ìngam.”

Rm 5:5

Ikɔndi chɔm we ne tì nɔŋi ni ghɔ̀m, chəyi wi biri ghì gha tì bere tìnìrètog imbə̀ʼ icheg ne Ŋwiye fə zì àzi àkɔ̀ŋì inga ìta fìŋ anjìm Azwighi məd ze ne wì nàʼi ina.

Fìlipì 2:1

Ŋwiye we nə̀rə ìtən fìŋ icheg ne mbə̀ yaʼi ane ifɔti tì Kristo. Icheg ne Kristo kɔ̀ŋi awən, a ze ghìyə̀ ìtən fìŋ zùtə̀. Mbə̰ mbe ane ifɔti tì Azwighi Ŋwiye. Mbə̰ mbe ghìyə̀ ìchɔ̀mì abə ìmbən məfi fɔrɔ ìtən njàbi. Mbə̰ mbe chwìye àsɔ̀mnəfiŋ igun bəd.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

Kòlosè 1:27

Ŋwiye ya kə̀b gha bəd məd kyeri gha anug kyen ze ne yaʼi inə̀mbi ya fɔrɔ abə bəd mbe ne kayi mə̀Ju. Anug ze ya gha, Kristo we inga inən, mbə̰ mbe ne kayi mə̀Ju. Ane ya gha, mbə̰ biri bə nyi inga kə̀tə̀d məd.

Kòlosè 1:5

Ìwən ibḛfiŋ fɔrɔ àzən àkɔ̀ŋì ya imbə̀ʼ icheg ne mbə̀ nɔŋi ikɔndi ni ghɔ̀m inug mbe ne Ŋwiye kàʼi ni nàʼ inən ikaŋ àbɔ̀ŋɔ. À ya inug mbe ne mbə̀ fə zughi inga ìngam tesiʼ we ne yaʼi ikən chɔm imbə̀ʼ Kristo.

1 Tèsàlonikà 1:10

Mbɔb mbe mə̀tə̀ icheg ne mbə̰ mbe se ghɔ̀mɔ̀ Ŋwan Ŋwiye we ne biri nɔ̀ʼ ikaŋ àbɔ̀ŋɔ yèʼe. Ŋwan Ŋwiye we ya Yeso we ne Ŋwiye ya ghi wì zwème ane iwu. À ya məd ya chi awa inga ngəʼ ze ne Ŋwiye biri gaŋ, si sɔb isaʼi zì igun bəd inug tibɔ̀ŋ.

1 Timotì 1:1

À ya mo Pɔl ŋwàʼri àŋwàʼrì azo̰. Mə ya ŋwàʼrà anìŋ icheg wə̀dtɔm Kristo ne Ŋwiye ne yaʼi ìwa Mbaʼ ne pùmnə awa tì Yeso Kristo ne tì nɔŋi ìwa ikɔndi igun, mbi chɔʼi amə.

1 Timotì 6:12

Àghò taŋ zɔ̀ŋ icheg chɔm ni tàŋì ibḛfiŋ we ne àghò nɔŋi igun Kristo imbə̀ʼ jəg ìtḛ̀ ighə̀m imɔʼ. Ŋwiye ya kàrì awe gha àghò jəg ìtḛ̀ we anyumə̀ ne àghò ya gha imbìghè abə bəd nɔʼ nɔʼ gha àghò bḛ Kristo.

2 Timotì 2:13

Tì mə to̰ awa ni nɔ̀ŋì ibḛfiŋ igun məd, wì biri kiri kɔ̀ŋ awa imbə̀ʼ icheg ne chəyi tì wì ton anug ze ne wì fə nɔŋi ni fàʼ.

Tayitùs 1:2

Tesiʼ gho̰ biri ghì tì nɔ̀ŋì ìta tikɔndi se ghɔ̀mɔ̀ ìtḛ̀ ighə̀m imɔʼ we ne Ŋwiye kaʼi. Chəyi Ŋwiye we kàʼà anug ze chè ako. Wì ya fə kàʼ anug azo̰ bɔŋ se tànga isəg.

Mə̀Hibrù 11:7

À ya ibḛfiŋ ya ghi Nwa̰ zugri Ŋwiye anyumə̀ ne Ŋwiye ya pati aməd imbə̀ʼ ighi ne chəyi məd ya kyeri. Ane, Nwa̰ ya tangi abaŋ igyi ne ya chi aməd tì inəbi məd inga ngəʼ. À ya ibḛfiŋ ìwi Nwa̰ ya ghi Ŋwiye zi isaʼi igun bəd mbe igun isəg. Anjìm ibḛfiŋ ìwi Nwa̰, Ŋwiye ya niŋ aməd ane wə̀d ne təmi kòʼ.

Mə̀Hibrù 3:11

Mə ya gaŋ si zɔ̀m gha, ‹Chəyi mbɔb biri nɔ̀ʼ nyi inga asiŋi àzwètì ze ne mə̀ ya nàʼi inɔb.› ”

Mə̀Hibrù 3:6

Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

Mə̀Hibrù 6:17

Ŋwiye ya kə̀b ni chwi abə bəd mbe ne wì ya kàʼi anug inɔb gha chəyi wì biri kɔpi ìzi fìŋ. À ya aton ne wì ya ghàmi, zɔ̀m ane ìwi ikum.

Mə̀Hibrù 7:19

Chəyi anug mɔ̀ʼɔ ne mə̀nɔ̀ʼɔ̀ Muse ya ghi ze bɔ̀ŋ mànì. Ane, anug ne tì nɔŋi fìŋ igun amad anìŋ ze bɔ̀ŋ chè anug ze ne tì ya bì nɔ̀ŋì fìŋ igun. À ya anjìm àzewən ne te tìnde iban Ŋwiye.

Mə̀Hibrù 7:21

Ŋwiye ya zɔ̀m anyumə̀ ne wì yaya nɔ̀ŋɔ̀ Yeso ane wə̀d mbàn Ŋwiye, ghà ibo gha, “Anɔŋisəg fə zɔ̀m. Chəyi wì biri kɔpi ìzi fìŋ. Àghò ya wə̀d mbàn Ŋwiye ane ighə̀m imɔʼ.”

1 Jɔn 1:10

Tì mə gha chəyi tì kweʼì ghì anug tibɔ̀ŋ, ane ya gha tì ya kàrà Ŋwiye ane wə̀d inug ako. Ane, chəyi tì bə̀ bḛ ìngam məd ne ya tesiʼ.

1 Jɔn 5:10

Wə̀d ne bḛ Ŋwan Ŋwiye fə bə̀ bḛ anug ze ne Ŋwiye gha. Wə̀d ne chəyi wì bḛ anug ne Ŋwiye gha imbə̀ʼ ìwi Ŋwan, tengàŋ we ghà gha Ŋwiye ya wə̀d inug ako. À ya ane imbə̀ʼ icheg ne chəyi məd bḛ anug ze ne Ŋwiye gha imbə̀ʼ ìwi Ŋwan.