Mə̀Hibrù 6:17 - Ikan feg

¹⁷ Ŋwiye ya kə̀b ni chwi abə bəd mbe ne wì ya kàʼi anug inɔb gha chəyi wì biri kɔpi ìzi fìŋ. À ya aton ne wì ya ghàmi, zɔ̀m ane ìwi ikum.

Meta’

¹⁷ Ənɨ Ŋwìə̀ nyaʼa kəb ghɨ zɨə zeŋ əmbɨ ə bə̂d mbe nɨ wɨ̀ nyaʼa kaʼ mɨ̀mə̌d ni chəi tə bɨrɨ nɔ kwepɨ ənû ze nɨ tə nyaʼa fə nuŋɨ, wɨ̀ nyaʼa nɨŋ i ɨkum kàn əŋgu.

Mə̀Hibrù 6:17 교차 참조

Jn 10:10

Iji ya yèʼe ni ji, kə̀ ni zweti, kə̀ ni nimni njə̀g. Mə yèʼe gha, mbə̀ jəg ìtḛ̀, ne ya kwàʼ ìtḛ̀ ne chəyi wi cheʼi aghi mɔ̀ʼɔ ka.”

Rm 11:29

À ya ane imbə̀ʼ icheg ne Ŋwiye fə mə̀ chɔʼ wə̀d mɔ̀ʼɔ ane ìwi, fə bə̀ ghì ìchɔ̀mì abə tengàŋ, chəyi məd Ŋwiye we ywìrè kɔ̀pɔ ìzi fìŋ ka.

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

Gàlesìyà 3:29

Icheg ne mbə̀ yaʼi ane anug amɔʼ tì Kristo, ane ya gha, mbə̰ ya inəbi ìwi Abràham. Ane, ineʼi we ne Ŋwiye ya kàʼi ni nàʼ abə aghaŋ inəbi Abràham ya bə̀ ìwən.

Efesùs 1:11

Ŋwiye chɔʼ awa nɔ̀ŋì gha tì yaʼ bəd məd icheg ne tì yaʼi ane ifɔti tì Kristo. Wì ya fàʼà inug ijìm icheg ne wì ya fə chuʼri nɔ̀ŋì gha mbi biri yaʼ.

Mə̀Hibrù 11:7

À ya ibḛfiŋ ya ghi Nwa̰ zugri Ŋwiye anyumə̀ ne Ŋwiye ya pati aməd imbə̀ʼ ighi ne chəyi məd ya kyeri. Ane, Nwa̰ ya tangi abaŋ igyi ne ya chi aməd tì inəbi məd inga ngəʼ. À ya ibḛfiŋ ìwi Nwa̰ ya ghi Ŋwiye zi isaʼi igun bəd mbe igun isəg. Anjìm ibḛfiŋ ìwi Nwa̰, Ŋwiye ya niŋ aməd ane wə̀d ne təmi kòʼ.

Mə̀Hibrù 11:9

À ya ibḛfiŋ ya ghi wì ghò chùghi inga asiŋi tìsɔ̀ʼ ze ne Ŋwiye ya kàʼi ibo icheg wə̀d tìsɔ̀ʼ. Abràham ya chughi inga izuŋ. Azìg tì Jàkɔb ya bə̀ chùghi inga izuŋ icheg məd. Ane, mbɔb məjìm ya bə̀ jəg ighi mbe ne Ŋwiye ya kàʼi abə Abràham.

Mə̀Hibrù 6:12

Ane, chəyi tì kəbi gha wə̀d mɔ̀ʼɔ abɔ̀ʼ inən yaʼ igwed. Mbə̰ ya fàʼà inug icheg bəd mbe ne fə che anjìm ìwɔb ibḛfiŋ fɔrɔ ìwɔb inyimbifiŋ jəg anug ze ne Ŋwiye ya kàʼi inɔb.

Mə̀Hibrù 6:16

Bəd ya zɔ̀mɔ̀ nyɔd ane ikum wə̀d ne chè awɔb. Mbi ya mə̀ zɔ̀m ane, chəyi mbe ywìrè tàŋà anug ze.

Mə̀Hibrù 6:18

Ŋwiye fə kàʼ anug bə̀ zɔ̀m. Inug mbo̰ ibe chəyi mbe kɔ̀pɔ imbə̀ʼ icheg ne chəyi tì Ŋwiye ghàm anug ako. Ane, mba mbe ne noro ghò nə̀mbì awa aton aməd, inug mbo̰ ibe taŋ nàʼ ika ina gha tì təm, ghɔ̀m, bə̀ nɔŋi ikɔndi igun aghi ze ne yaʼi ina imbìghè.

Jems 1:17

Tineʼi chɔm ne bɔŋi mànì ya nɔ̀ʼɔ̀ abə Ŋwiye. Ti ya nɔ̀ʼɔ̀ abə Ŋwiye we ne tangi ighi mbe ne zùʼə ikaŋ àbɔ̀ŋɔ. Chəyi məd we kɔ̀pɔ kə̀ ghàbra nyɔd icheg achwi ni ghì gha isiŋi fin.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

1 Pità 1:3

Tì nàʼ ighumni abə Ŋwiye. Məd ya Mbaʼ abə ìwa Anɔŋisəg Yeso Kristo. Wì taŋ bèrì àsɔ̀mnəfiŋ igun ina, ghì gha tì jəg ìtḛ̀ feg icheg ne wì ghi Yeso Kristo zwème ane iwu. Anug azo̰ ghì gha tì nɔŋɔ ikɔndi ghɔ̀m inug mbe ne Ŋwiye kàʼi ina.

1 Pità 3:7

Mbaŋà, à ya bə̀ ane ne mbə̀ beri ni chughi ane ikuchèg ne koʼi tì ìmbən mə̀yi, ya nyìmbe fìŋ tì inɔb. Mbə̀ ya ghìyə̀ ane imbə̀ʼ icheg ne mbə̰ kyeri gha mbɔb bɔd chè awən. Mbə̀ ghumni awɔb imbə̀ʼ icheg ne mbɔb bə̀ bèrì ati abɔ̀ʼ inən ni jəg ìtḛ̀ we ne Ŋwiye ghi ìchɔ̀mì nàʼ. Mbə̀ ya ghìyə̀ ane ni gha imbə̀ʼ anug mɔ̀ʼɔ nɔ̀ʼ kən ìwən ichaʼri Ŋwiye.