Mə̀Hibrù 6:12 - Ikan feg

¹² Ane, chəyi tì kəbi gha wə̀d mɔ̀ʼɔ abɔ̀ʼ inən yaʼ igwed. Mbə̰ ya fàʼà inug icheg bəd mbe ne fə che anjìm ìwɔb ibḛfiŋ fɔrɔ ìwɔb inyimbifiŋ jəg anug ze ne Ŋwiye ya kàʼi inɔb.

Meta’

¹² Chəi tɨ̀ kəb ni mbə̀ ghɨ ɨgwed. Mbə̀ ghɨ yeʼ ɨnû mbe nɨ bə̂d mbe nɨ ənjìm ɨbenɨ fɔrɨ ənjìm ɨyim fîŋ nyaʼə ghɨ̀ə̀. Mbɨ nyaʼə ghɨ̀ əne ɨmbə̀ʼ jɨg ɨghɨ mbe nɨ Ŋwìə̀ nyaʼa kaʼi.

Mə̀Hibrù 6:12 교차 참조

Matìyò 22:32

Wì ghà inən gha, ‹Mo ya Ŋwiye ìwi Abràham tì Ŋwiye ìwi Azìg tì Ŋwiye ìwi Jàkɔb.› Məd kayi Ŋwiye abə iwu bəd. Məd ya Ŋwiye abə bəd ne yaʼi izɔm.”

Matìyò 25:26

Mbaʼ àfàʼì məd we ya ywìtì ibo gha, ‹Àghò ya kwàʼ wə̀d àfàʼì tibɔ̀ŋ, bə̀ yaʼ igwed! Àghò kyèri gha mə kɔ̀ŋ ni niŋ ighi ane asiŋi ne chəyi mə̀ nyɔ̀ʼi, bə̀ fèti ighi ane asiŋi ne chəyi mə̀ nwḭ ighi angu, kə̀ kayi ane?

Lk 16:22

Nyùmə̀ ya kòʼ, Lazaròs, wə̀d ifum we, wì ku. Mbè angirə̀ ya yeʼe bèʼì aməd ghò a asiŋi chɔm iban Abràham. Wə̀d ikab we ya bə̀ ku, mbi twəŋi aməd.

Lk 8:15

Titam te ne ya fendi igun ìseg chɔm ya chwìye bəd mbe ne beri fìŋ chɔ̀m. Mbɔb ya zùghə Ìngam Ŋwiye, nìŋə nyìme icheg chɔm, nyìʼè fìŋ ni fàʼ anug ne Ìngam Ŋwiye gha.”

Rm 12:11

Wə̀d ijìm taŋ zì atog ni fàʼ. Imbə̀ʼ wə̀d mɔ̀ʼɔ si ghìyə̀ yi igwed. Wə̀d ya fàʼà abə Anɔŋisəg ane ìzi fìŋ ifibì.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

Rm 4:12

Abràham ya bə̀ mbaʼ mbègtog fɔrɔ abə bəd mbe ne mbi ŋweri awɔb ne bə̀ ghìyə̀ inug anjìm icheg ne mbɔb nɔŋi ibḛfiŋ igun Ŋwiye icheg ne Abràham ya bə nɔ̀ŋì ibḛfiŋ igun Ŋwiye bɔŋ mbi se ŋwère məd.

1 Tèsàlonikà 1:3

Mà nyumə̀ ijìm ne te chàʼrà Ŋwiye tì we wènde àzən àfàʼì abə Ŋwiye ne yaʼi ìwa Mbaʼ. À ya àfàʼì ne mbə̰ mbe fàʼà imbə̀ʼ icheg ne mbə̀ zì ibḛfiŋ igun Kristo fɔrɔ imbə̀ʼ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi ne tì yaʼi ane anug amɔʼ inga Kristo. Tì we bə̀ wènde icheg ne mbə̰ mbe nyìʼè inug imbə̀ʼ icheg ne mbə̀ nɔŋi ikɔndi igun ìwa Anɔŋisəg Yeso Kristo.

2 Tès 1:4

À ya aton ne te kɔ̀mɔ̀ ìwa igo imbə̀ʼ awən inga tifeti bəd Ŋwiye. Tì ya kɔ̀mɔ̀ igo imbə̀ʼ icheg ne mbə̰ zì ibḛfiŋ igun Yeso Kristo kwàʼ icheg chɔm fɔrɔ imbə̀ʼ icheg ne mbə nyìʼè fìŋ anyumə̀ ne mbe chɔ̀ʼɔ ìmbən ibɔʼì ighog fɔrɔ anyumə̀ ne mbə̀ yaʼi inga tiku ngəʼ ijìm.

Mə̀Hibrù 1:14

Ane, mbè angirə̀ kə ighə? Mbè angirə̀ ya izwighi ne Ŋwiye cha gha mbe yeʼe fàʼ ni ya wètè bəd mbe ne Ŋwiye biri pumni awɔb.

Mə̀Hibrù 10:36

Mbə bèrì ni ya nyìmbe fìŋ ni fàʼ anug ze ne Ŋwiye kə̀bi imbə̀ʼ bèrì anug ze ne wì kàʼi.

Mə̀Hibrù 11:33

Inga bəd mbo̰ məjìm: Mbi mɔ̀ʼɔ ya zɔ̀ŋ iben ndəŋ chè. Mbi mɔ̀ʼɔ ya ghì inug ne koʼi abə bəd. Mbi mɔ̀ʼɔ ya bə̀ jəg anug ze ne Ŋwiye ya kàʼi. Mbi mɔ̀ʼɔ ya wùbì ichug abə ìfɔn.

Mə̀Hibrù 12:1

Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè.

Mə̀Hibrù 13:7

Mbə̀ kɔndi itog bəd mbe ne ya ghum ghà Ìngam Ŋwiye imbə̀ʼ Kristo inən bə̀ kɔ̀ndi ìwɔb ikuchèg. Ane, mbə̀ ya ghìyə̀ inug icheg inɔb bə̀ nɔ̀ŋɔ̀ ìwən ibḛfiŋ igun Ŋwiye icheg inɔb.

Mə̀Hibrù 5:11

Tè bèrì inug nɔʼ nɔʼ ni ghà inən imbə̀ʼ icheg ne Kristo yaʼi atog wə̀d igun bəd mbàn ne du inga iwaŋ Mèkisedèg. Si ya gha, ze kà ina ni tòʼrì inug inən imbə̀ʼ icheg ne chəyi mbə̰ mbe zàmbà gwìyè inug.

Mə̀Hibrù 6:15

Abràham ya nyimi fìŋ ghɔ̀m anene bə̀ ghum bèrì aghi ze ne Ŋwiye ya kàʼi ibo.

Jems 1:3

Mbə̀ ya ghìyə̀ ane imbə̀ʼ icheg ne mbə̰ kyèri gha àkwàʼrì ya zwèʼre ìwən ibḛfiŋ ni ghì gha mbə kyeri icheg ni nyìʼ fìŋ.

2 Pità 1:10

Ane, ìmbum məfi fɔrɔ ìtum njàbi, mbə̀ kirə ika ni chughi kwàʼ məyi icheg bəd ne Ŋwiye ya kàri bə̀ chɔʼ gha mbə̀ yaʼ ìmbi bəd. Mbə̰ mə̀ chùghi ane, nji chəyi mbə̀ biri nɔʼ ghi anug tibɔ̀ŋ.

1 Jɔn 2:25

Anug ze ne Ŋwan ya kàʼi ni nàʼ ina ya ìtḛ̀ ighə̀m imɔʼ.

Ɨnû 13:10

Wə̀d ne mbi fə beri ni gwì aməd mbi biri bə gwì aməd. Wə̀d ne mbi beri ni zweti aməd ane ibeg ibid, wì biri bə̀ ku ane ibeg ibid. Anug azo̰ ya kə̀bə̀ gha bəd Ŋwiye nyimbi fìŋ bə̀ bèrì ibḛfiŋ.