Mə̀Hibrù 6:11 - Ikan feg

¹¹ Tì ya kə̀bə̀ gha wə̀d imɔʼ imɔʼ abɔ̀ʼ inən ya chwìye ikuchèg chɔm gho̰ mà nyumə̀ ijìm ghò pè ane ìnwḭ. Mbə̀ ghiyə ane ni gha ikɔndi we ne tì beri imbə̀ʼ ighi mbe ne tì ya ghɔ̀mɔ̀, chəyi wì biri chè ako.

Meta’

¹¹ Tɨ̀ wɨə kə̀bə̀ ni wə̀d mɔʼ mɔʼ rəbɔʼ nən wo ɨmbì àmei əne, fàʼ ənɨ i fîŋ jìm wò pè ənɨ ɨnwǐ, ɨmbə̀ʼ mbə̀ berɨ ɨghɨ mbe nɨ mbə̀ nuŋ tə rɨkɔndɨ ɨ wòm.

Mə̀Hibrù 6:11 교차 참조

Matìyò 24:13

Si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Lk 1:1

Wə̀d kyen Tìyofilòs, bəd ndan ndàn fə ghì ìwɔb ika ni ŋwàʼrì imbə̀ʼ inug mbe ne ya du inga ìfa fìghàra.

Rm 12:8

Ineʼi wə̀d mə̀ yaʼ ni nəri bəd, wì taŋ zì atog fàʼ kwàʼ icheg chɔm. Ineʼi wə̀d mə̀ yaʼ ni wètì bəd, wì ya bə̀ nàʼà ighi abə bəd ane ìzi fìŋ ijìm. Wə̀d ne ineʼi məd ya ni saʼ bəd, wì ya sàʼa bəd kwàʼ icheg chɔm. Wə̀d ne ineʼi məd ya ni ghì ìchɔ̀mì abə bəd, wì ya bə̀ fàʼà ane ìzi fìŋ ijìm.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

1 Kɔrèn 13:13

Inug mbo̰ itad fə təm ane ighə̀m imɔʼ. Inug mbe ya: anug ni nɔ̀ŋì ibḛfiŋ igun Kristo, tì anug ni nɔ̀ŋì ikɔndi se ghɔ̀mɔ̀ inug mbe ne tì zi fìŋ igun fɔrɔ anug ni kɔ̀ŋ bəd. Si ya gha, anug ni kɔ̀ŋ bəd beri ati chè mbin tì inug ijìm.

1 Kɔrèn 15:58

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ təm kà. Imbə̀ʼ mbə̰ si saŋa awən gha aghi mɔ̀ʼɔ chiʼre ìwən ibḛfiŋ ka. Mbə̀ ya fàʼà àfàʼì ze ne Anɔŋisəg zi inga ìtən tikye ibo ane ìzən fìŋ ijìm. Mbə̀ ya fàʼà ane imbə̀ʼ icheg ne mbə̰ kyèri gha chəyi anug mɔ̀ʼɔ ne mbə̰ mbe fàʼà abə Anɔŋisəg ne biri chè ako.

Gàlesìyà 5:5

Mba mbe ne zi ibḛfiŋ igun Kristo, tì we ghɔ̀mɔ̀ ane fìŋ ijìm gha Ŋwiye ghiyə tì təm kòʼ. À ya Azwighi Ŋwiye ze ghìyə̀ gha tì nɔŋi fìŋ igun Ŋwiye.

Gàlesìyà 6:9

Ane, imbə̀ʼ tì bɔd awa ni ghì inug chɔm. Àmə chəyi tì bɔri, nyùmə̀ we yèʼe ne tì biri jəg chùd.

Fìlipì 3:15

Mba bəd Kristo məjìm mbe ne fə təmi kà, tì beri ikɔndi imɔʼ imbə̀ʼ inug mbo̰. Wə̀d mɔ̀ʼɔ mə̀ bèrì yaʼ ikɔndi ndəŋ, Ŋwiye biri ghì atog məd zen.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

Kòlosè 1:5

Ìwən ibḛfiŋ fɔrɔ àzən àkɔ̀ŋì ya imbə̀ʼ icheg ne mbə̀ nɔŋi ikɔndi ni ghɔ̀m inug mbe ne Ŋwiye kàʼi ni nàʼ inən ikaŋ àbɔ̀ŋɔ. À ya inug mbe ne mbə̀ fə zughi inga ìngam tesiʼ we ne yaʼi ikən chɔm imbə̀ʼ Kristo.

Kòlosè 2:2

Aton ya gha, mə ya kə̀bə̀ ni nəri ìtɔb fìŋ bə̀ ghì gha mbɔb yaʼ ane fìŋ ifibì bə̀ chùghi ane àkɔ̀ŋì. Àze biri ghì mbɔb taŋ bèrì iwe ni kyeri anug, imbə̀ʼ kyeri anug ze ne Ŋwiye nə̀mbi. Anug ze ya Kristo.

1 Tèsàlonikà 1:5

Kayi məyi ane ìngam ichug ne tì ya chèti ikən chɔm inən. Tì ya chètì fɔrɔ ane ika ne Azwighi Ŋwiye ya naʼi ina. Tì ya bə̀ chwi gha ikən chɔm gho̰ ya tesiʼ. Mbə bə̀ kyèri awən ikuchèg ne tì yaya chùghə tì inən ni wètì awən.

1 Tèsàlonikà 4:10

À ya tesiʼ gha mbə̰ mbe taŋ kɔ̀ŋɔ̀ ìmbən məfi məjìm fɔrɔ ìtən njàbi tijìm ne yaʼi inga isiŋi ijìm a Màsèdonìyà. Ìmba məfi fɔrɔ ìta njàbi, tì ya kiri boʼo ibo inən gha, mbə̀ che imbìghè se taŋ kɔ̀ŋɔ̀ ìmbən məfi fɔrɔ ìtən njàbi.

2 Tès 3:13

Àsi awən, ìmba məfi fɔrɔ ìta njàbi, imbə̀ʼ mbə̰ si bɔd awən ni ya fàʼà inug ne koʼi.

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

Mə̀Hibrù 3:6

Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

2 Pità 1:10

Ane, ìmbum məfi fɔrɔ ìtum njàbi, mbə̀ kirə ika ni chughi kwàʼ məyi icheg bəd ne Ŋwiye ya kàri bə̀ chɔʼ gha mbə̀ yaʼ ìmbi bəd. Mbə̰ mə̀ chùghi ane, nji chəyi mbə̀ biri nɔʼ ghi anug tibɔ̀ŋ.

2 Pità 3:14

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mbə̰ mbe ghɔ̀mɔ̀ inug mbo̰, mbə̀ kirə ika ni chughi inga ìzḛzḛ. Mbə̀ ghiyə gha imbə̀ʼ Ŋwiye bad yi anug tibɔ̀ŋ mɔ̀ʼɔ igun inən. Mbə̀ bə chughi ane àbɔrɔ̀bɔd tì Ŋwiye.

1 Jɔn 3:14

Tè kyèri gha tì fə kɔpɔ dù inga inug mbe ne ghìyə̀ bəd kùyə nìme si yaʼ inga inug mbe ne ghìyə̀ bəd jəghə ìtḛ̀. Tè kyèri ane imbə̀ʼ icheg ne tì we kɔ̀ŋɔ̀ mə̀mbin. Wə̀d ne chəyi wì ya kɔ̀ŋɔ̀ mə̀mbin ya wə̀d ne kiri yaʼi inga inug mbe ne ghìyə̀ bəd kùyə nìme.

1 Jɔn 3:19

Tì kə kyère iye gha tesiʼ we inga ina bə̀ bèrì fìŋ chùghi inyeʼ imbìghè abə Ŋwiye?

Ɨnû 2:26

Mə biri nàʼ ika ni tùmbì iben ijìm abə wə̀d ne che àkwàʼrì bə̀ se ghìyə̀ inug mbe ne mə̀ kəbi anene ghò pè ane ìnwḭ.