Mə̀Hibrù 5:9 - Ikan feg

⁹ Ŋwiye ya ghì aməd wì bɔ̀ŋ mànì, bə̀ ghì gha məd yaʼ wə̀d ne pùmnə wə̀d ijìm ne zùgrə aməd ane ighə̀m imɔʼ.

Meta’

⁹ Ənɨ Ŋwiə̀ nyaʼa fə ghɨ̌ wɨ̀ bɔ̀ŋ màànɨ̀, wɨ̀ nyaʼa bèŋ sɨə ghɨ̀ə̀ ni bə̂d mɨjìm mbe nɨə zuunɨ əməd jwɨ̀ rəŋgəʼ koŋ.

Mə̀Hibrù 5:9 교차 참조

Matìyò 17:5

Icheg ne wì yaya kiri ghamà, pàʼ ne yaya fùyə njànda ya kəndi awɔb mbɔb məjìm. Gì mɔ̀ʼɔ ya si ghàm inga pàʼ ze gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd. Mbə̀ zug anug ne we ghà!”

Lk 13:32

Yeso ya ywìtì inɔb gha, “Mbə̀ gho ghà abə àchɔb ze gha, ‹Mə ya chìyè izwighi tibɔ̀ŋ inga bəd bə̀ ghùyə̀ ighɔn ane bəd tèchɔ̀ŋ fɔrɔ isu. Ane ineg itad, mə mànì àmə àfàʼì.›

Jn 19:30

Anyumə̀ ne Yeso ya sɔri mənoʼ ŋwàŋi mbe, wì ya gha, “Ze fə mèg.” Wì ya gha ane, si gùndi atog aseg, Ŋwiye niŋ azwighi məd.

Ɨ̀fàʼì 3:15

Mbə̰ ya zweti wə̀d ne nàʼà ìtḛ̀. Si ya gha, Ŋwiye ya zwemni aməd ane iwu. Mba mbo̰ ya bàd anug ne ya che.

Ɨ̀fàʼì 4:12

Chəyi wə̀d mɔ̀ʼɔ ndəŋ ne tì wì pùmni bəd imbə̀ʼ icheg ne chəyi ikum ndəŋ ywìrè igun isəg ne Ŋwiye nàʼi abə bəd ne tì tì karì wì pùmni awa.”

Ɨ̀fàʼì 5:32

Mba ya bəd ne bari ati ane inug mbo̰ ijìm. Azwighi Ŋwiye ze ne Ŋwiye we nàʼà abə bəd mbe ne zùgrə aməd, ze bə̀ kyèri inug mbo̰ ijìm.”

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Rm 10:16

Si ya gha, chəyi məIzre məjìm mbe bḛ ikən chɔm we. Wə̀dkə̀n Ŋwiye Àzayà ya gha, “Anɔŋisəg, àkə we bḛ ikən chɔm we ne te ghà?”

Rm 15:18

Chəyi mə̀ beri ni kɔ̀m igo imbə̀ʼ anug mɔ̀ʼɔ ndəŋ, chèyi ane anug ne Kristo che inga inum ghàm abə bəd bə̀ fàʼ bəd bàd ni ghì gha bəd mbe ne kayi mə̀Ju mbe bə̀ŋi fìŋ si yaʼ bəd Ŋwiye.

Rm 2:8

Àsi bəd mbe ne to̰ awɔb tesiʼ, si nɔ̀ŋì fìŋ se ghìyə̀ yaʼ inug tibɔ̀ŋ fɔrɔ inug mbe ne bɔŋi inɔb, Ŋwiye biri gaŋ tì inɔb, chə awɔb.

Rm 6:17

Tè nàʼ məyakà abə Ŋwiye gha, à ya yaʼ mbègtog, mbə̰ ya yaʼ ìbòʼì abə inug tibɔ̀ŋ. Àsi amad anìŋ, mbə̰ mbe se nɔ̀ŋɔ̀ inug feg mbe ne tì fə chwiti inən ane ìzən fìŋ ijìm.

2 Kɔrèn 10:5

Tì ya nìŋə ighi ibid mbe ni nimni inug mbe ne bəd mbe tàŋà inug imbə̀ʼ mbiwən bə̀ nimni inug ijìm mbe ne kə̰ gha imbə̀ʼ bəd si nɔ̀ʼ kyèri Ŋwiye. Tì ya bə̀ nìŋə ighi ibid mbe ni kɔd tikɔndi tijìm te ne bəd beri, si ghì gha te zugri Kristo.

Fìlipì 2:12

Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaya zùgrə Ŋwiye anyumə̀ ne mə̀ ya yaʼi abɔ̀ʼ inən, amad anìŋ ne chəyi mə̀ ywirì yaʼ abɔ̀ʼ inən, mbə̀ che imbìghè ni taŋ zugri aməd. Mbə̀ kirə ika ni təm kà icheg ne Ŋwiye fə pumni awən. Mbə̀ ya ghìyə̀ yaʼ inug ne chwìye gha mbə̰ mbe ghùmnə Ŋwiye bə̀ zùgrə aməd.

2 Tès 1:8

Wì biri ghum yeʼe ni zì ngəʼ igun bəd mbe ne to̰ awɔb Ŋwiye bə̀ to̰ awɔb ni zugri ikən chɔm we ne ìwa Anɔŋisəg Yeso ya yeʼe tì ìwiwən.

2 Tès 2:16

Anɔŋisəg Yeso Kristo məd məd fɔrɔ Ŋwiye ne yaʼi ìwa Mbaʼ ya kɔ̀ŋ awa ghì ìchɔ̀mì ina bə̀ nəri ìta fìŋ ane icheg ne chəyi ti biri nɔʼ bɔd. Ŋwiye bə̀ ghì tì beri ikɔndi chɔm ni ghɔ̀m isu. Tì ya chàʼrà Ŋwiye gha,

2 Timotì 2:10

Ane, mə we nyìʼè aton inug mbo̰ ijìm ni ghì gha bəd mbe ne Ŋwiye ya chɔʼi awɔb, Yeso Kristo ghiyə mbɔb pum bə̀ ghì mbɔb bere ighumni we ne chəyi ìnwḭ.

Mə̀Hibrù 1:14

Ane, mbè angirə̀ kə ighə? Mbè angirə̀ ya izwighi ne Ŋwiye cha gha mbe yeʼe fàʼ ni ya wètè bəd mbe ne Ŋwiye biri pumni awɔb.

Mə̀Hibrù 11:40

Chəyi Ŋwiye ya nàʼi ighi mbe ne wì ya kàʼi inɔb imbə̀ʼ icheg ne wì ya nɔ̀ŋì gha mbɔb biri fɔtɔ tì ina bɔŋ si bɔ̀ŋ mànì.

Mə̀Hibrù 11:8

À ya ibḛfiŋ ya ghì gha Abràham zugri Ŋwiye anyumə̀ ne Ŋwiye ya kàri aməd gha wì duwə inga àzi aben ghò ane asiŋi ne Ŋwiye biri nàʼ ibo. Ka chəyi Abràham ya kyeri asiŋi ze ne wì yaya ghò angu, wì ya dù ibo aben ghò.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 2:10

Ze ya kòʼi abə Ŋwiye we ne ya tangi ighi ijìm, ne bə̀ nɔ̀ŋɔ̀ ighi ijìm, gha Yeso bɔŋɔ mànì anjìm ngəʼ ne wì ya zə̰. Ŋwiye ya ghì ane ni niŋ bəd ndan ndàn mbi si yaʼ inga ìzḛzḛ ne njàndi njandi tì məd. Yeso ya wə̀d we ne pùmnə awɔb.

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Mə̀Hibrù 9:12

Ane, chəyi Yeso ya nyi inga asiŋi ne zḛ mànì inga mbàn Ŋwiye tì anəm gwi fɔrɔ anəm pɔ̀ŋ. Wì ya tùtì yaʼ àzi tì anəm ni zeri bəd məjìm ane ighə̀m imɔʼ.

Mə̀Hibrù 9:15

Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

Mə̀Hibrù 9:28

À ya bə̀ icheg ne Kristo ya nàʼi ìwi nyɔd ighə̀m imɔʼ ane aghi àfàtì ni sò inug tibɔ̀ŋ abə bəd nɔʼ nɔʼ. Ane, Wì biri ywìri yèʼe ni pumni bəd mbe ne ghɔ̀mɔ̀ aməd, kayi ni ghì gha Ŋwiye sò inug tibɔ̀ŋ bəd.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

Jûd 1:21

Mbə̀ ya chùghə kyère gha Ŋwiye kɔ̀ŋ awən icheg ne mbə̰ mbe ghɔ̀mɔ̀ ìwa Anɔŋisəg Yeso Kristo. Anɔŋisəg biri bèrì àsɔ̀mnəfiŋ igun inən bə̀ ghì gha mbə̀ jəg ìtḛ̀ ighə̀m imɔʼ.