Mə̀Hibrù 4:15 - Ikan feg

¹⁵ Tè bèrì atog wə̀d kyen igun bəd mbàn Ŋwiye ne tì wì sɔmnɔ̀ igun ina anyumə̀ ne te bɔ̀rɔ ane ìwa ibḛfiŋ igun Ŋwiye. À ya ane imbə̀ʼ icheg ne Sàtàn ya kwàʼrì aməd ane mənɔnjì nɔʼ nɔʼ icheg ne Sàtàn we bə̀ kwàʼrà awa, si ya gha, chəyi wì ya gùghi anug.

Meta’

¹⁵ Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.

Mə̀Hibrù 4:15 교차 참조

Matìyò 12:20

Bəd mbe ne fə bi bɔd, chəyi wì biri chə awɔb, kə̀ ghì anug tìbɔŋ mɔ̀ʼɔ abə bəd mbe ne bɔri. Wì biri ya ghìyə̀ inug kwàʼ ane àbɔrɔ̀bɔd tì bəd mbe ne taŋ bɔd ni gha imbə̀ʼ wì nɔʼ zì anə igun inɔb. Ze biri yaʼ ane anene pè ane nyumə̀ ne bəd igun isəg ijìm biri se ghìyə̀ inug ne koʼi.

Matìyò 4:1

Anyumə̀ ne Yeso ya fə niŋi mənib, Azwighi Ŋwiye ya ghì wì gho inga ibad zɔbi ni gha Debrə̀ kwaʼra aməd.

Lk 22:28

Mbə̰ ya bəd mbe ne ya təmi tì inum anyumə̀ ne mbi yaya kwàʼrà mə.

Lk 4:2

Debrə̀ ya kwàʼrì aməd ane ineg ìghum ikwè inga ibad zɔbi we. Njèg yaya zàŋa məd imbə̀ʼ icheg ne wì ya chughi ane ineg ìghum ikwè chəyi wì jə̀ghi.

Jn 8:46

Wə̀d abɔ̀ʼ inən ne tì wì chwi anug tibɔ̀ŋ ne mə ghi àkə we? Mə mə̀ ya ghà yaʼ tesiʼ, aton ne chəyi mbə̰ mbe kə̀bə̀ ni bḛ àkə gha?

Rm 8:3

Anug ne Ŋwiye fàʼi ya anug ne chəyi tì mə̀nɔ̀ʼɔ̀ ya fàʼ imbə̀ʼ icheg ne inug mbe ne wə̀d we ghə̀ʼrə̀ fə ghì wə̀d bɔd. Wì fə chì ika we ne inug tibɔ̀ŋ beri igun bəd icheg ne wì cha ìwi Ŋwan wì yèʼe igun isəg icheg wə̀d inug tibɔ̀ŋ pè nàʼ àzi atog ane aghi àfàtì imbə̀ʼ inug tibɔ̀ŋ bəd ndəŋ.

2 Kɔrèn 5:21

Ŋwiye ya ghì gha Kristo yaʼ wə̀d inug tibɔ̀ŋ ne chəyi wì ya beri anug tibɔ̀ŋ. Ŋwiye ya ghì ane ni gha tì we tì tì təm kòʼ imbìghè abə Ŋwiye anyumə̀ ne tì yaʼi ane ifɔti tì Kristo.

Mə̀Hibrù 4:14

Tì taŋ nyìmi ìwa ibḛfiŋ we ne tì zi igun Yeso. Məd ya atog wə̀d igun bəd mbàn Ŋwiye ne beri ighumni kyen. Məd ya Yeso, Ŋwan Ŋwiye. Wì fə ghò ikaŋ àbɔ̀ŋɔ.

Mə̀Hibrù 5:2

Məd ya bɔ̀tɔ ane fìŋ tì bəd bə̀ bèrè àsɔ̀mnəfiŋ igun bəd mbe ne fèbrè inug imbə̀ʼ icheg ne chəyi mbi kyeri. Aton ya gha, wì kyeri gha zìye ini bɔd ane mənɔnjì nɔʼ nɔʼ icheg ne bəd bə̀ bɔd.

Mə̀Hibrù 7:26

Yeso gho̰ ya atog wə̀d igun bəd mbàn Ŋwiye ne nàʼà ighi ijìm ina. Məd ya wə̀d ne zḛ. Chəyi wì gùghi anug. Chəyi məd abɔ̀ʼ bəd inug tibɔ̀ŋ. Ŋwiye fə bə̀ nɔ̀ aməd nàʼ ati ighumni ibo ne chè iti ijìm ikaŋ àbɔ̀ŋɔ.

Mə̀Hibrù 9:28

À ya bə̀ icheg ne Kristo ya nàʼi ìwi nyɔd ighə̀m imɔʼ ane aghi àfàtì ni sò inug tibɔ̀ŋ abə bəd nɔʼ nɔʼ. Ane, Wì biri ywìri yèʼe ni pumni bəd mbe ne ghɔ̀mɔ̀ aməd, kayi ni ghì gha Ŋwiye sò inug tibɔ̀ŋ bəd.

1 Pità 2:22

Chəyi wì ya gùghi anug. Chəyi wì ya bə ghà anug ako mɔ̀ʼɔ.

1 Jɔn 3:5

Mbə̰ kyèri gha Kristo ya yeʼe ni chì ìmba inug tibɔ̀ŋ. Mbə̰ bə̀ kyèri gha chəyi anug tibɔ̀ŋ mɔ̀ʼɔ yaʼi inga məd.