Mə̀Hibrù 2:17 - Ikan feg

¹⁷ À ya aton ne wì ya kòʼi ni yaʼ icheg məfi fɔrɔ njàbi məd ane inug ijìm, ni gha wì biri yaʼ atog wə̀d igun bəd mbàn Ŋwiye ne fàʼà abə Ŋwiye ane ìzi fìŋ ijìm, bə̀ bèrè àsɔ̀mnəfiŋ igun bəd, si nàʼ ìwi nyɔd ane aghi àfàtì ni ghì gha Ŋwiye waʼ inug tibɔ̀ŋ bəd.

Meta’

¹⁷ À yɨ əton nɨ wɨ̀ nyaʼa berɨ yeʼ ɨghabɨ mbi bɔŋgɔb ənɨ ɨnû jìm, ɨmbə̀ʼ wɨ̀ yeʼ ətu ɨgwɨ ə bə̂d mbàn Ŋwìə̀. Ɨ wɨə dììrɨ̀ə̀ bə̂d bə̀ fàʼ əmbɨ ə Ŋwiə̀ ənɨ i fîŋ jìm. Ɨ wɨə ghɨ̀ əne ɨmbə̀ʼ Ŋwìə̀ waʼ ɨnû rɨbɔ̀ŋ bə̂d.

Mə̀Hibrù 2:17 교차 참조

Rm 15:17

Icheg ne mə̀ yaʼi mə ane anug amɔʼ tì Yeso Kristo, mə we tì mə kɔ̀m ìmə igo icheg ne mə̀ fàʼà abə Ŋwiye.

Rm 5:10

Anyumə̀ ne tì ya kiri yaʼi bəd ìpàb Ŋwiye, wì ya ghì tì si yaʼ mə̀sə̀ʼ məd anjìm Ŋwan məd we ne ya ku imbə̀ʼ awa. Amad anìŋ ne tì si yaʼ mə̀sə̀ʼ Ŋwiye, tì fə pum anjìm ìtḛ̀ Ŋwan məd.

Efesùs 2:16

Kristo ya chè ane ìwi iwu chì ìpàb ze ne bəd ne kayi mə̀Ju ya beri tì mə̀Ju. Wì ya fɔti awɔb ane anug amɔʼ, niŋ awɔb ghò abə Ŋwiye.

Kòlosè 1:21

Àsi awən, mbə̰ kyèri gha, à ya yaʼ anyumə̀ mɔ̀ʼɔ, chəyi mbə̀ ya yaʼi ane ifɔti tì Ŋwiye. Mbə̰ ya yaʼ bəd ìpàb Ŋwiye ne kɔ̀ndɔ inug tibɔ̀ŋ bə̀ ghìyə̀ inug tibɔ̀ŋ.

Mə̀Hibrù 10:21

Icheg ne tì beri ijiʼì wə̀d mbàn Ŋwiye ne kyèʼrè nəb Ŋwiye,

Mə̀Hibrù 2:11

Ane, Yeso we ne ghìyə̀ bəd zḛ, məd tì bəd mbe ne məd fə ghi mbi zen, mbɔb məjìm ya se bɔn ane mbaʼ fìbì. À ya aton ne chəyi Yeso ya bèrè tìnìrètog ni kàrì awɔb ane ìmbi məfi fɔrɔ ìti njàbi.

Mə̀Hibrù 2:14

Ane, icheg ne bɔn mbe ya bəd-aku, məd zìye ya bə̀ bə̀ŋə̀ si yaʼ wə̀d tì nyàmnyɔd icheg inɔb. Wì ya ghì ane imbə̀ʼ icheg ne à ya anjìm iwu we ne məd ku ne wì chi ika wə̀d ìpàb igun iwu. Wə̀d ìpàb we ya Debrə̀.

Mə̀Hibrù 2:16

Ze dù zen gha kayi mbè angirə̀ ne məd we wètè. Wì ya wètè yaʼ bɔn ne du inga aghaŋ inəbi àzi Abràham.

Mə̀Hibrù 3:1

Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.

Mə̀Hibrù 3:2

Məd ya zugri Ŋwiye ane ìzi fìŋ ijìm, fàʼ inug ijìm mbe ne Ŋwiye ya gha ibo gha wì faʼa kwàʼ icheg ne Muse ya bə̀ fàʼ inug ijìm mbe ne Ŋwiye ya bə ghà ibo gha wì faʼa inga nəb Ŋwiye ane ìzi fìŋ ijìm.

Mə̀Hibrù 3:5

Muse ya yaʼ wə̀d àfàʼì Ŋwiye ne ya fàʼi inug ijìm inga nəb Ŋwiye ane ìzi fìŋ ijìm. Ŋwiye ya fə ghì Muse ghàm imbə̀ʼ inug mbe ne Ŋwiye ya nɔŋi ni ghum ghà.

Mə̀Hibrù 4:14

Tì taŋ nyìmi ìwa ibḛfiŋ we ne tì zi igun Yeso. Məd ya atog wə̀d igun bəd mbàn Ŋwiye ne beri ighumni kyen. Məd ya Yeso, Ŋwan Ŋwiye. Wì fə ghò ikaŋ àbɔ̀ŋɔ.

Mə̀Hibrù 4:15

Tè bèrì atog wə̀d kyen igun bəd mbàn Ŋwiye ne tì wì sɔmnɔ̀ igun ina anyumə̀ ne te bɔ̀rɔ ane ìwa ibḛfiŋ igun Ŋwiye. À ya ane imbə̀ʼ icheg ne Sàtàn ya kwàʼrì aməd ane mənɔnjì nɔʼ nɔʼ icheg ne Sàtàn we bə̀ kwàʼrà awa, si ya gha, chəyi wì ya gùghi anug.

Mə̀Hibrù 5:1

Tè kyèri gha, mbi ya chɔ̀ʼɔ atog wə̀d igun bəd mbàn Ŋwiye inga bəd ni gha wì ya tə̀mə imbìghè abə Ŋwiye atog abə bəd. Wì ya tə̀mə ane ni ya nàʼà ighi ni tùtì Ŋwiye fɔrɔ ighi àfàtì imbə̀ʼ inug tibɔ̀ŋ bəd.

Mə̀Hibrù 5:10

Ŋwiye ya chɔʼ aməd nɔ̀ŋì gha wì yaʼ atog wə̀d igun bəd mbàn Ŋwiye ne du inga iwaŋ Mèkisedèg.

Mə̀Hibrù 5:2

Məd ya bɔ̀tɔ ane fìŋ tì bəd bə̀ bèrè àsɔ̀mnəfiŋ igun bəd mbe ne fèbrè inug imbə̀ʼ icheg ne chəyi mbi kyeri. Aton ya gha, wì kyeri gha zìye ini bɔd ane mənɔnjì nɔʼ nɔʼ icheg ne bəd bə̀ bɔd.

Mə̀Hibrù 5:5

À ya bə̀ ane ne kayi Kristo ya chɔʼi ìwi nyɔd ni niŋ ighumni ni yaʼ atog wə̀d igun bəd mbàn Ŋwiye. À ya Ŋwiye ya chɔʼi aməd ghà ibo gha, “Àghò ya ìmə Ŋwiye. Nɔ̀ʼ tèchɔ̀ŋ, mo ya si ìwe mbaʼ.”

Mə̀Hibrù 6:20

Yeso ya fə ghò ina imbìghè nyi inga asiŋi ze ane ìwa ighəm. Məd ya se atog wə̀d igun bəd mbàn Ŋwiye ne fàʼà ina ane ighə̀m imɔʼ, ne du ane iwaŋ Mèkisedèg.

Mə̀Hibrù 7:26

Yeso gho̰ ya atog wə̀d igun bəd mbàn Ŋwiye ne nàʼà ighi ijìm ina. Məd ya wə̀d ne zḛ. Chəyi wì gùghi anug. Chəyi məd abɔ̀ʼ bəd inug tibɔ̀ŋ. Ŋwiye fə bə̀ nɔ̀ aməd nàʼ ati ighumni ibo ne chè iti ijìm ikaŋ àbɔ̀ŋɔ.

Mə̀Hibrù 7:28

Mə̀nɔ̀ʼɔ̀ Muse ya ghìyə̀ mbi chɔʼɔ atog wə̀d igun bəd mbàn Ŋwiye ne tì mbi gùg inug icheg mə̀mbin. Anug ze ne Ŋwiye ya zɔ̀mi ya si yèʼe yaʼ anjìm. Ŋwiye ya chɔʼ Ŋwan məd bə̀ ghì wì bɔŋ mànì ane ighə̀m imɔʼ.

Mə̀Hibrù 8:1

Anug kyen ne te ghà ya gha: tè bèrì atog wə̀d igun bəd mbàn Ŋwiye ne chughi igun atən ifɔn aba abo jəghi abə Ŋwiye we ne beri ika ijìm.

Mə̀Hibrù 8:3

Mbi ya chɔ̀ʼɔ atog wə̀d igun bəd mbàn Ŋwiye ni gha wì ya nàʼà ighi ni tùtì Ŋwiye fɔrɔ ighi àfàtì abə Ŋwiye. Ane, ze bə̀ kòʼ gha àza tè atog wə̀d igun bəd mbàn Ŋwiye bə̀ bèrì aghi mɔ̀ʼɔ ni nàʼ.

Mə̀Hibrù 9:11

Kristo ya yèʼe icheg atog wə̀d igun bəd mbàn Ŋwiye igun ighi chɔm mbe ne fə yaʼi. Azuŋ ze ne məd ya nyi inga ya àze ne beri ati chè azin bə̀ təm kòʼ, ne kayi bəd ya tangi; ne kayi bə̀ abɔ̀ʼ ighi mbe ne Ŋwiye ya tangi igun isəg gho̰.