Mə̀Hibrù 13:21 - Ikan feg

²¹ Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

Meta’

²¹ naʼ ɨghɨ chɔ̀m jìm ɨ nən ɨmbə̀ʼ mbə ghɨ ɨnû mbe nɨ wɨ̀ kəbɨ. Wɨ̀ che ənjìm ə Yeso Kristo ghɨ̀ ɨnû mbe nɨ bɔŋ ɨ bɔ ɨŋga na. Tɨ̀ wumnɨ ə Yeso Kristo koŋ koŋ. À yɨ əne.

Mə̀Hibrù 13:21 교차 참조

Matìyò 12:50

Tesiʼ ya gha, wə̀d ne fàʼà inug icheg ne ìmə Mbaʼ ne yaʼi ikaŋ àbɔ̀ŋɔ kə̀bi, tengàŋ ya ìmə ifi tì ìmə njàbi fɔrɔ ìmə ngɔb.”

Matìyò 21:31

Àkə we abɔ̀ʼ bɔn mbaŋà mbo̰ məbe ne ya fàʼi anug ze ne mbaʼ məd ya kə̀bi?” Mbɔb ya ywìtì gha, “À ya ŋwan mbèg.” Ane, Yeso ya ghà inɔb gha, “Mə gha tesiʼ inən gha, bədtag tì ìkwàrì biri bi nyi inga anug ìfɔ̀n Ŋwiye bɔŋ awən.

Matìyò 28:20

Mbə̀ chwiti inug inɔb mbe se zùgrə tikə tijìm te ne mə̀ ya nàʼi inən. Mbə̀ kyeri gha, mə biri yaʼ amə tì inən mà nyumə̀ ijìm anene isəg nwḭ̀yḛ̀.”

Matìyò 6:13

Imbə̀ʼ àghò saŋa awe gha àkwàʼrì nyi igun ina. Chìye awa ikye abo abə Wə̀d Tibɔ̀ŋ.›

Matìyò 7:21

Yeso ya ghà ywìrì ghà inɔb gha, “Kayi wə̀d ijìm ne kàrà amə gha, ‹Anɔŋisəg! Anɔŋisəg!› biri nyi inga anug ìfɔ̀n ikaŋ. À ya məyi bəd mbe ne fàʼà inug mbe ne ìmə Mbaʼ ikaŋ àbɔ̀ŋɔ kə̀bi ne biri nyi inga anug ìfɔ̀n məd.

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Jn 7:17

Wə̀d mɔ̀ʼɔ mə̀ nɔ̀ŋì ìzi fìŋ ni fàʼ anug ne Ŋwiye kə̀bi, tengàŋ biri kyeri gha, inug mbe ne mə chwìte kə̀ nɔʼ abə Ŋwiye kə̀ àkə ìmbum?

Rm 11:36

À ya ane imbə̀ʼ icheg ne, à ya Ŋwiye tangi ighi ijìm. À ya anjìm məd ne ighi ijìm yaʼi. Ighi ijìm ya ìmbi məd. Tì ghumni aməd ane ighə̀m imɔʼ. À ya ane.

Rm 16:27

Mbə̀ naʼa ighumni ane ighəm imɔʼ anjìm Yeso Kristo, abə Ŋwiye we imɔʼ ne beri iwe ijìm. À ya ane.

2 Kɔrèn 9:8

Ŋwiye we tì wì nàʼ ighi inən abu abu ne che mbe ne mbə̀ kòʼi ni bèrì ni ghì gha mbə biri se ghàpà ighi abə bəd ndəŋ.

Gàlesìyà 1:5

Tì ghumni Ŋwiye kwàʼ ane ighə̀m imɔʼ. À ya ane.

Efesùs 2:10

Mba ya abo àfàʼì Ŋwiye ne wì ya tangi ni gha tì chughi ane ifɔti tì Yeso Kristo ni se ghìyə̀ inug chɔm mbe ne Ŋwiye ya fə bi chùʼri nɔ̀ŋì ina gha tì ghiyə.

Efesùs 2:18

À ya anjìm Kristo ne Azwighi Ŋwiye ghi awa mba məjìm, mə̀Ju fɔrɔ bəd ne kayi mə̀Ju, tì bèrì apan imbìghè abə Ŋwiye ne yaʼi ìwa Mbaʼ.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Fìlipì 2:11

Wə̀d ijìm fɔrɔ ighi ijìm biri bḛ ane ìwɔb ichug gha Yeso ya Anɔŋisəg. Ane, ze biri ghì gha bəd ghumnə Ŋwiye ne yaʼi Mbaʼ.

Fìlipì 2:13

Mbə̀ kyeri gha, à ya Ŋwiye we fàʼà inga ìtən fìŋ ni ghì gha mbə̀ ya ghìyə̀ inug chɔm mbe ne məd kə̀bi. À ya məd we bə̀ nàʼà ika inən ni ghì inug mbe ne məd kɔ̀ŋi.

Fìlipì 4:13

Tesiʼ ya gha, mə we tì mə fàʼ inug ijìm anjìm Kristo ne nàʼà ika inum.

Fìlipì 4:18

Mə fə bàd ighi mbe ne mbə̀ cha inum. Ighi mbe ne mbə̀ cha mbe kòʼ chè. Mə fə bèrì ìmbum ighi ijìm icheg ne mbə̀ cha Èpàfròditùs wì yeʼe nàʼ ighi inum. Ighi mbe ne mbə̀ ya nàʼi ya icheg ighi àfàtì ne nyòʼro ifɔ chɔm ne ghìyə̀ fìŋ Ŋwiye bɔŋɔ̀.

Kòlosè 3:17

Inga ìmbən inug ijìm, kə̀ mbə̰ kə ghàmà kə̀ fàʼà, mbə̀ ya ghìyə̀ inug ijìm məyi ane ikum Anɔŋisəg Yeso. Mbə̀ ya ghìyə̀ ane chè anjìm Anɔŋisəg Yeso nàʼà məyakà abə Ŋwiye ne yaʼi Mbaʼ ne ghi mbə yaʼ ane ifɔti tì məd.

Kòlosè 3:20

Mbə̰ bɔn, mbə̀ ya zùgrə ìmbən mə̀mbaʼ fɔrɔ ìmbən mbì ngɔb kwàʼ ane inug ijìm imbə̀ʼ icheg ne à ya ikuchèg ne Anɔŋisəg kə̀bi gha mbə̀ bere.

Kòlosè 4:12

Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

1 Tèsàlonikà 3:13

Anɔŋisəg Yeso ghiyə ìwən ibḛfiŋ təm kà bə̀ ghì mbə̀ zen mànì imbìghè abə Ŋwiye ne yaʼi ìwa Mbaʼ. Wì ghiyə gha imbə̀ʼ wə̀d mɔ̀ʼɔ bere yi anug tibɔ̀ŋ mɔ̀ʼɔ ni gha imbə̀ʼ awən anyumə̀ ne məd biri yeʼe tì ìmbi bəd ìzḛzḛ.

1 Tèsàlonikà 4:3

Anug ne Ŋwiye kə̀bi ya gha mbə̀ chughi ane ikuchèg ne zḛ. Chəyi Ŋwiye kə̀bi gha, mbə̀ ya nɔ̀kɔ̀ mbaŋà kə̀ nɔ̀kɔ̀ mə̀yi abu abu.

1 Tèsàlonikà 5:23

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe.

2 Tès 2:17

wì bə̀ nəri ìtən fìŋ bə̀ nàʼ ika inən ni fàʼ ìfàʼì chɔm ijìm bə̀ ya ghàmà tìngam chɔm mà nyumə̀ ijìm.

1 Timotì 1:17

Bəd ghumni Ŋwiye imɔʼ ne yaʼi Ifɔn ane ighə̀m imɔʼ, ne chəyi mbe bàrà aməd, ne chəyi wì biri nɔʼ ku. Tè ghumni Ŋwiye we imɔʼ kwàʼ ane ighə̀m imɔʼ. À ya ane.

1 Timotì 5:10

Bəd bèrì ni kyeri aməd ane inug chɔm məd. Wì bèrì ni yaʼ àyi ne nḛ ìmbi bɔn icheg chɔm, àyi ne nìŋə bəd ibo inga achan, bə̀ yaʼ àyi ne sò ighog abə bəd Ŋwiye. Wì bèrì ni yaʼ àyi ne wète bəd mbe ne yaʼi inga ngəʼ, bə̀ yaʼ àyi ne nàʼà ìwi nyɔd ane anug ni ghì inug chɔm ane tiku inɔnjì ijìm.

1 Timotì 6:16

À ya məyi məd we imɔʼ ne chəyi wì biri nɔʼ ku. Məd ya chùghə inga ìzḛzḛ we ne chəyi aneg ne tì wə̀d tìndi iban. Chəyi wə̀d mɔ̀ʼɔ kweʼì bàd aməd. Chəyi wə̀d mɔ̀ʼɔ biri nɔʼ bàd aməd. Bəd igun isəg ijìm ghumni aməd, məd bə tùmbì isəg ane ika we ne yaʼi ane ighə̀m imɔʼ. À ya ane.

2 Timotì 3:17

Inug mbo̰ ijìm biri ghì gha wə̀d àfàʼì Ŋwiye taŋ kòʼ ni fàʼ ìfàʼì chɔm ijìm.

2 Timotì 4:18

Anɔŋisəg biri chì amə inga tiku ngəʼ tibɔ̀ŋ tijìm. Wì biri ghì mə nyi inga anug ìfɔ̀n ikaŋ məd kwàʼ ane àbɔrɔ̀bɔd. Ighumni yaʼ ìwi məd kwàʼ ane ighə̀m imɔʼ. À ya ane.

Mə̀Hibrù 10:36

Mbə bèrì ni ya nyìmbe fìŋ ni fàʼ anug ze ne Ŋwiye kə̀bi imbə̀ʼ bèrì anug ze ne wì kàʼi.

Mə̀Hibrù 12:23

À ya bə̀ asiŋi ne tifeti bəd Kristo ne ya ŋwan mbèg Ŋwiye ti fete fə bə̀ ŋwàʼrì ìtɔb tikum ikaŋ àbɔ̀ŋɔ. Mbə yèʼe abə Ŋwiye we ne sàʼa bəd məjìm fɔrɔ ane asiŋi ze ne izwighi bəd yaʼi angu. Bəd mbe ne Ŋwiye fə ghi mbi təm kòʼ bə̀ bɔ̀ŋ mànì ya angu.

Mə̀Hibrù 12:28

Ane, icheg ne te nìŋə anug ìfɔ̀n ne chəyi tì aghi mɔ̀ʼɔ ghì ze ghùd, tì ya nàʼà məyakà abə Ŋwiye bə̀ se ghùmnə aməd ane icheg ne koʼi. Tì ya ghùmnə ane nè bɔ Ŋwiye inga ìta fìŋ.

Mə̀Hibrù 13:16

Ane, imbə̀ʼ tì wàʼa awa anug ni ya ghìyə̀ ìchɔ̀mì abə bəd tì anug ni ya ghàpà ighi ne tì beri tì bəd imbə̀ʼ icheg ne à ya icheg aghi àfàtì ne ghìyə̀ Ŋwiye gyènde.

1 Pità 2:5

Mbə̰ ya kwàʼ icheg ateg ne yaʼi izɔm ne Azwighi Ŋwiye niŋ awən bɔm Mbàn Ŋwiye. Àze ghì mbə̰ si yaʼ bəd mbàn Ŋwiye ìzḛzḛ ne se chè anjìm Yeso Kristo nàʼà ighi àfàtì abə Ŋwiye icheg ne Azwighi Ŋwiye ze chwìye inɔnjì inən.

1 Pità 4:2

Ane, mbə̰ kòʼ ni se ghìyə̀ inug mbe ne Ŋwiye we kə̀bə̀ ane nyumə̀ gho̰ ne mbə̀ kiri yaʼi igun isəg. Kayi ni ya ywìrè ghìyə̀ inug tìbɔŋ mbe ne nyàmnyɔd ze ghə̀ʼrə̀.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.

1 Jɔn 2:17

Isəg ijìm fɔrɔ ighi ijìm mbe ne bəd inga isəg kɔŋi ya chè yi che. Àsi wə̀d we ne fàʼà yaʼ anug ne Ŋwiye kə̀bi, tengàŋ biri jəg ìtḛ̀ ighə̀m imɔʼ.

1 Jɔn 3:22

Ŋwiye we nàʼà ighi ijìm mbe ne te kə̀bə̀ ina imbə̀ʼ icheg ne tì we zùgrə mə̀nɔ̀ʼɔ̀ məd bə̀ fàʼà inug ijìm ne bɔŋi ibo.

Jûd 1:25

Tè ghumni aməd we imɔʼ ne yaʼi Ŋwiye, ne bə̀ yaʼi wə̀d ne pùmnə awa anjìm ìwa Anɔŋisəg Yeso Kristo. Ighumni tì anug ìfɔ̀n kyen tì ika fɔrɔ anug ni tùmbi ighi ijìm ya ibo ikye abo. Ighi mbo̰ ijìm ya yi ìmbi məd nɔ̀ʼ ane nyùmə̀ isəg we ne fə che, fɔrɔ amad anìŋ, fɔrɔ ane ighə̀m imɔʼ. À ya ane.

Ɨnû 4:6

Aghi mɔ̀ʼɔ ne yaya zùʼə icheg manə̀m bə̀ ŋwàŋi ŋwaŋi icheg aghi mɔ̀ʼɔ ne mbe kàrà ane kristà ya təm imbìghè abə atən ighumni ze. Ighi izɔm mɔ̀ʼɔ ikwè ya kam atən ifɔn ze iba ijìm. Ighi izɔm mbe ya bèrì aghə imbìghè fɔrɔ anjìm.

Ɨnû 5:13

Mə ya zug gì ighi ijìm mbe ne Ŋwiye ya tangi ikaŋ àbɔ̀ŋɔ, tangi igun isəg, tangi aton isəg, tangi inga tìbà. Mə ya bə̀ zug gì ighi izɔm ijìm mbe ne yaʼi inga inɔb. Ighi mbe yaya zə̀ʼə̀ ikyeg gha, “Mbə̀ nàʼ ighumni, nàʼ məyakà bə̀ nàʼ ika ibo, məd we ne chughi igun atən ifɔn. Mbə̀ bə ghì ane abə Ŋwan njə̀g kwàʼ ane ighə̀m imɔʼ.”

Ɨnû 5:9

Mbi ya zə̀ʼ ikyeg feg gha, “Àghò taŋ kòʼ ni niŋ àŋwàʼrì ze ne mbe kàri kari chì ìnen, fìʼì. À ya ane imbə̀ʼ icheg ne mbi ya kyemi awe. Ane, anjìm anəm ze ne àghò ya tùti igun azed abaʼri, àghò fə zèri bəd chì inga ngəʼ ghì mbi si yaʼ bəd Ŋwiye. Bəd mbo̰ ne àghò zo̰ ya bəd inga tinəbi ijìm, fɔrɔ inga tìngam ijìm, fɔrɔ inga isiŋi ijìm, bə̀ fɔrɔ inga iben ijìm.