Mə̀Hibrù 13:13 - Ikan feg

¹³ Ane, tì duwə inga aben ghò anjìm isəg abɔ̀ʼ məd ni bə bèrì tìnìrètog icheg məd.

Meta’

¹³ Əne tɨ̀ wo əsɨ məd ənjìm əsɨ ze nɨ mbɨ chubɨ, bə̀ nɨŋ tɨ̀nìd ətu we nɨ mbɨ nyaʼa zɨ ɨgwɨ məd.

Mə̀Hibrù 13:13 교차 참조

Matìyò 16:24

Yeso ya si ghà abə mə̀mə̀nənùg məd gha, “Wə̀d mɔ̀ʼɔ mə̀ kə̀b ni yaʼ àmə àmə̀nənùg, tengàŋ mənyìʼ ton inug mbe ne nyàmnyɔd məd ze ghə̀ʼrə̀ si bèʼì àzi azed abaʼri bèni abɔ̀ʼ inum.

Matìyò 27:32

Icheg ne mə̀sogyì mbe yaya nìŋə Yeso dùwə̀ inga aben Jèrusalèm, mbɔb ya bɔ̀mbi tì mbaŋà mɔ̀ʼɔ a Sayirèn ne ikum məd ya Sayimùn. Mə̀sogyì mbe ya nyimi aməd ane ika ghì wì niŋ azed abaʼri ze abə Yeso bèʼì.

Matìyò 5:11

Ŋwiye zì àbɔrɔ̀bɔd igun inən, anyumə̀ ne bəd mbe chàpà awən, chɔ̀ʼɔ ìmbən ibɔʼì ighog, bə̀ ghà tiku inug izəg ijìm ne ya inug ako igun inən imbə̀ʼ amə.

Lk 6:22

Ŋwiye zì àbɔrɔ̀bɔd igun inən, mbə̰ mbe ne bəd mbe bà̰ awən, to̰ awən, chàpà ìtən tikum bə̀ gha mbə̰ ya bəd ne ghìyə̀ inug tibɔ̀ŋ imbə̀ʼ icheg ne mbə̀ bḛ Ŋwan Wə̀d.

Lk 9:23

Yeso ya ghà inɔb mbɔb məjìm gha, “Wə̀d mə kə̀b ni beni abɔ̀ʼ inum, tengàŋ to̰ yi inug mbe ne nyàmnyɔd məd ze ghə̀ʼrə̀. Tengàŋ bèʼe àze azed abaʼri mà ineg ijìm bèni abɔ̀ʼ inum.

Ɨ̀fàʼì 5:41

Bədtɔm mbe ya nɔ̀ʼ abɔ̀ʼ bəd mbe ne sàʼa aben se yḛ̀ nè gha, Ŋwiye fə niŋ awɔb ane bəd ne koʼi ni zən ngəʼ bə̀ bèrì tìnìrètog imbə̀ʼ Yeso.

2 Kɔrèn 12:10

À ya aton ze ne mə niŋi inug mɔ̀ʼɔ imbə̀ʼ Kristo kwàʼ ane igyendi. Inug mbe ya: inug ne ghìyə̀ mə bɔrɔ, tì tizɔmbì, tì inug ne kà, tì icheg ne bəd mbe chɔ̀ʼɔ ìmbum ibɔʼì ighog, fɔrɔ tiku ngəʼ tijìm. Ane, anyumə̀ ne mə̀ bɔri, Kristo ya ghìyə̀ mə kà.

Mə̀Hibrù 11:26

Wì ya bàd gha anug ne zə̰ ngəʼ imbə̀ʼ Wə̀d we ne Ŋwiye zɔ̀ʼi ze bɔ̀ŋ chè ighi àka inun mbe ne yaʼi a Ijìb imbə̀ʼ icheg ne wì yaya nḛ̀ imbìghè igun chùd ze ne wì biri bèrì.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 12:3

Mbə̀ kɔndi icheg ne məd ya nyìʼi ngəʼ ikye ibo abə bəd inug tibɔ̀ŋ. Mbə̰ mə̀ kɔ̀ndi ane, nji chəyi ìwən ibḛfiŋ biri bɔd ghì mbə chì fìŋ ane Ŋwiye.

Mə̀Hibrù 12:4

Mbə̀ kyeri gha chəyi mbə kiri zɔŋi ni ton inug tibɔ̀ŋ ghò pè ane ati ne bəd mbe se kə̀bə̀ ni zweti awən.

1 Pità 4:4

À ya imbə̀ʼ inug mbo̰ ne bəd mbe ne chəyi mbi kyeri Ŋwiye mbe kɔ̀ndɔ ze se chè awɔb gha nji mbə̰ fɔ̀ti abɔ̀ʼ inɔb ni ghì inug tìbɔŋ. À ya aton ze ne mbɔb mbe se zɔ̀mbɔ̀ awən.