Mə̀Hibrù 12:16 - Ikan feg

¹⁶ Imbə̀ʼ wə̀d mɔ̀ʼɔ abɔ̀ʼ inən ya nɔ̀kɔ̀ yi mbaŋà kə̀ mə̀yi abu abu. Imbə̀ʼ wə̀d mɔ̀ʼɔ bə yaʼ yi icheg Esawò ne chəyi wì ya kyeri Ŋwiye. Esawò yaya ghìyə̀ inug ne chəyi mbi koʼi imbìghè abə Ŋwiye. Chəyi wì yaya bə̀ bɔ Ŋwiye. Wì ya fèn àzi ati ŋwan mbèg ane akaŋ ighijəg.

Meta’

¹⁶ Mbə̀ zə ni tɨ wə̀d mɔʼɔ ni i məyi kɨ̀ mbaŋə̀ əbəŋ əbəŋ, bə̀ zə ni tɨ wə̀d mɔʼɔ chub i nɨ chəi wɨə bɔ ə Ŋwìə̀ ɨchî nɨ Esaò nyaʼa ghɨ̌. Wɨ̀ nyaʼa fen i ɨkyěŋ ɨghabɨ ə wan-fə̀d ənɨ əkaŋ əghɨjɨg.

Mə̀Hibrù 12:16 교차 참조

Mk 7:21

Aton ya gha, tikɔndi tibɔ̀ŋ ya dùwə̀ inga fìŋ wə̀d. Tikɔndi te ne ghìyə̀ gha wə̀d ghi inug tibɔ̀ŋ icheg: ni nɔ̀kì mə̀yi kə̀ nɔ̀kì mbaŋà abu abu, ni ji, ni zweti wə̀d,

Ɨ̀fàʼì 15:20

Tè ŋwaʼra yaʼ àŋwàʼrì chà inɔb gha: Imbə̀ʼ mbi jəg awɔb ighijəg ne mbi naʼi ni jə mə̀ŋwiye. Imbə̀ʼ mbi ghiyə awɔb anug ni nɔ̀kì mə̀yi kə̀ nɔ̀kì mbaŋà abu abu. Imbə̀ʼ mbi kud awɔb nyam ne swḛni swḛni.

Ɨ̀fàʼì 15:29

Inug mbe ya gha: Imbə̀ʼ mbə̰ jəg awən ighijəg ne mbi naʼi ni jə mə̀ŋwiye. Imbə̀ʼ mbə̰ kud awən nyam ne mbi swḛni swḛni. Imbə̀ʼ mbə̰ jəg awɔb anəm. Imbə̀ʼ mbə̰ bə ghiyə awən anug ni nɔ̀kì mə̀yi kə̀ nɔ̀kì mbaŋà abu abu. Ze biri yaʼ anug chɔm inən anyumə̀ ne chəyi mbə̰ mbe ghìyə̀ inug mbo̰. Ane, mbə̀ si chùghi icheg chɔm.”

1 Kɔrèn 10:8

Imbə̀ʼ tì nyi awa inga ifanì inug icheg ne bəd mɔ̀ʼɔ abɔ̀ʼ inɔb ya nyi. Kwàʼ məyi ane aneg afibì, bəd chuʼ ìghum ibe chɔ̀b itad ya ku.

2 Kɔrèn 12:21

Mə we bɔ gha, anyumə̀ ne mə̀ ywirì yèʼe, Ŋwiye biri swi amə aseg inən imbìghè. Ŋwiye biri ghì mə dèg imbə̀ʼ bəd nɔʼ nɔʼ ne chəyi mbi kiri bəŋi fìŋ sìkì inug tibɔ̀ŋ. Chəyi mbi kiri bəŋi ìtɔb fìŋ chì ane àfànì tì anug ni nɔ̀kì mə̀yi kə̀ mbaŋà abu abu.

Efesùs 5:3

Icheg ne mbə̀ yaʼi bɔn Ŋwiye, chəyi ze bɔŋi gha afabi imbə̀ʼ inug tibɔ̀ŋ yaʼ inga ìwən ifeti icheg anug ni nɔ̀kì mə̀yi kə̀ nɔ̀kì mbaŋà abu abu kə̀ àzùnì kə̀ anug ni ghə̀ʼrə̀ ighi. Chəyi ze bɔŋi gha bəd Ŋwiye ya fàʼà tiku inug ìto̰.

Efesùs 5:5

Mbə̀ kyeri gha, bəd mbe ne nɔ̀kɔ̀ mə̀yi kə̀ nɔ̀kɔ̀ mbaŋà abu abu kə̀ zùnə̀, kə̀ bəd mbe ne ghə̀ʼrə̀ ighi, chəyi mbi biri nyi inga anug ìfɔ̀n Kristo tì Ŋwiye. Aton ya gha, wə̀d ne ghə̀ʼrə̀ ighi ya bə̀ icheg wə̀d ne ghùmnə mə̀ŋwiye.

Kòlosè 3:5

Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.

1 Timotì 1:9

Tè bə̀ kyèri gha chəyi mə̀nɔ̀ʼɔ̀ ya yaʼi abə bəd mbe ne təmi kòʼ. Mbi ya yaʼ abə bəd mbe ne gùghə̀ mə̀nɔ̀ʼɔ̀, bəd ne ghìyə̀ tìzughə̀, bəd ne chəyi mbe ghùmnə Ŋwiye, bəd ne ghìyə̀ inug tibɔ̀ŋ, bəd ne chəyi mbi zḛ, fɔrɔ abə bəd ne chəyi awɔb ane anug Ŋwiye. Mə̀nɔ̀ʼɔ̀ ya abə bəd ne zwète ìmbɔb mə̀mbaʼ fɔrɔ ìmbɔb mbì ngɔb, fɔrɔ abə bəd mbe ne zwète bəd.

Mə̀Hibrù 13:4

Wə̀d ijìm ghumni inam. Imbə̀ʼ wə̀d waʼ yi ìwi iweg kə̀b àyi ndəŋ. Imbə̀ʼ àyi bə waʼ yi ìwi inɔm kə̀b mbaŋà ndəŋ. Tesiʼ ya gha, Ŋwiye biri sɔb isaʼi zì ngəʼ igun bəd mbe ne fànà.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 22:15

Bəd mbe ne yaʼi anjìm isəg ane asiŋi ze ya bəd inug tibɔ̀ŋ tì bəd ne ghìyə̀ tikaŋì tì bəd ne nɔ̀kɔ̀ mə̀yi kə̀ nɔ̀kɔ̀ mbaŋà abu abu tì bəd ne zwète mə̀mbin, tì bəd ne ghùmnə mə̀ŋwiye fɔrɔ bəd ne kɔ̀ŋɔ̀ ni ghà inug ako bə̀ kɔ̀ŋɔ̀ ni ghì inug iji.