Mə̀Hibrù 12:11 - Ikan feg

¹¹ Anyumə̀ ne mbe chə bəd, ze ya se awɔb. Si ya gha, bəd mbe ne mbi chə awɔb ya bèrè chùd anjìm. Chùd ze ya gha mbi biri si təm kòʼ bə̀ bèrì àbɔrɔ̀bɔd.

Meta’

¹¹ Chəi ənû ze nɨ mbɨə chə əwa ə nyaʼa bɔŋ ənɨ ə nyùmə̀ we. Ə zɨə nyaʼə tɔə kwàʼ rɨŋgəʼ. Àyɨə əmad ə nɨə zombɨ, ɨchə we ghɨ ni bə̂d mbe nɨ mbɨ chə mɨ̀mə̌d ghɨ ɨnû nɨ kuʼnɨ bə̀ ghɨ̀ ni mbɨ chub ənɨ əbɔrəbɔd.

Mə̀Hibrù 12:11 교차 참조

Rm 14:17

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

2 Kɔrèn 4:17

Ngəʼ kwa kwa ìzo̰ ne te chè inga, chəyi zì biri tàndì. Zì ya chùʼrə awa ni nyi inga nyùmə̀ ighumni ne chəyi wì biri nɔʼ mèg. Nyumə̀ ighumni we taŋ bɔ̀ŋ chè ngəʼ izo̰.

2 Timotì 4:8

Ane, igun aneg ze ne Anɔŋisəg Kristo biri yeʼe ni saʼ isəg, məd we ne sàʼa bəd ane icheg ne koʼi biri nàʼ ineʼi inum. À ya ineʼi we ne məd we nàʼà abə bəd ne ghìyə̀ inug ne təmi kòʼ. Chəyi wì biri nàʼ məyi inum. Wì biri nàʼ fɔrɔ abə bəd mbe ne ghɔ̀mɔ̀ gha wì ywirì yèʼe.

Mə̀Hibrù 12:10

Ìmba mə̀mbaʼ igun isəg ya chə awa ane icheg ne koʼi inɔb. Mbi ya chə awa ane iki nyumə̀. Àsi Ŋwiye, wì ya chə awa ni wètì awa gha tè təm zen icheg məd.

Mə̀Hibrù 5:14

Tijəg ka ka ya abə bəd kyen ne fə nani inug bə̀ kyèri icha ne yaʼi inga anug tibɔ̀ŋ tì anug chɔm.

1 Pità 1:6

Ane, mbə̀ ya taŋ gyènde imbə̀ʼ inug mbo̰ ne Ŋwiye fə ghi, ka bəd mbe kiri kwaʼra awən, mbə̰ bə̀ kiri zə̰ ngəʼ ane iki nyumə̀.

2 Pità 2:14

Mbɔb ya kɔ̀ŋɔ̀ anug ni ya nɔ̀kɔ̀ mə̀yi. Chəyi mbɔb mbe bɔ̀rɔ ni ghì inug tibɔ̀ŋ. Mbɔb ya sìmè bəd ne fìŋ bɔri zìye inga inug tibɔ̀ŋ. Mbɔb fə kà ka inga anug ni ghə̀ʼrə̀ ighi. Ndɔ̀n Ŋwiye ze igun inɔb.