Mə̀Hibrù 12:10 - Ikan feg

¹⁰ Ìmba mə̀mbaʼ igun isəg ya chə awa ane icheg ne koʼi inɔb. Mbi ya chə awa ane iki nyumə̀. Àsi Ŋwiye, wì ya chə awa ni wètì awa gha tè təm zen icheg məd.

Meta’

¹⁰ Mba mɨ̀mbǎʼ rɨ ɨgwɨ ə si mbɨə nyaʼə chə əwa ɨchî nɨ zɨə nyaʼa kuʼ əmbɨ mɨ̀mə̌d. Ɨ mbɨə nyaʼə ghɨ̀ əne àmei ənɨ ɨkə nyùmə̀. Àyɨə Ŋwìə̀ wɨə chə əwa ɨmbə̀ʼ weerɨ əwa. Ɨ wɨə ghɨ̀ əne ɨmbə̀ʼ tɨ̀ chub ɨzeŋɨ zeŋɨ ɨghabɨ əməd.

Mə̀Hibrù 12:10 교차 참조

Efesùs 4:24

Ane, mbə̀ se chùghə inga ikuchèg feg we ne Ŋwiye tàngi awən gha mbə̀ yaʼ icheg məd ni ghì inug tesiʼ ne təmi kòʼ fɔrɔ inug ni təmi zen.

Kòlosè 1:22

Amad anìŋ, Ŋwiye fə chè anjìm iwu we ne Yeso Kristo ya ku igun azed abaʼri ni mànì achɔb. Kristo ya ku ane ni chì ìmbən inug tibɔ̀ŋ bə̀ chì isaʼi igun inən, si ghì mbə̰ si yaʼ bəd ne təmi zen imbìghè abə Ŋwiye.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

1 Pità 2:5

Mbə̰ ya kwàʼ icheg ateg ne yaʼi izɔm ne Azwighi Ŋwiye niŋ awən bɔm Mbàn Ŋwiye. Àze ghì mbə̰ si yaʼ bəd mbàn Ŋwiye ìzḛzḛ ne se chè anjìm Yeso Kristo nàʼà ighi àfàtì abə Ŋwiye icheg ne Azwighi Ŋwiye ze chwìye inɔnjì inən.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.

2 Pità 1:4

Wì ya chè anjìm ika we nàʼ tineʼi te ne wì ya kàʼi ina. À ya tineʼi ne taŋ kà inun bə̀ taŋ bɔ̀ŋ. Wì ya ghì ane ni gha anjìm tineʼi te mbə̰ mbe tì mbə̰ yaʼ icheg Ŋwiye ane ikuchèg, si waʼ inug tibɔ̀ŋ mbe ne bəd inga isəg mbe ghə̀ʼrə̀.