Mə̀Hibrù 11:7 - Ikan feg

⁷ À ya ibḛfiŋ ya ghi Nwa̰ zugri Ŋwiye anyumə̀ ne Ŋwiye ya pati aməd imbə̀ʼ ighi ne chəyi məd ya kyeri. Ane, Nwa̰ ya tangi abaŋ igyi ne ya chi aməd tì inəbi məd inga ngəʼ. À ya ibḛfiŋ ìwi Nwa̰ ya ghi Ŋwiye zi isaʼi igun bəd mbe igun isəg. Anjìm ibḛfiŋ ìwi Nwa̰, Ŋwiye ya niŋ aməd ane wə̀d ne təmi kòʼ.

Meta’

⁷ À yɨ ɨbenɨ nyaʼa ghɨ̌ ni Noà zuunɨ ə Ŋwiə̀, əne tekɨ əbaŋ ɨgyɨ̀ ze nɨ nyaʼa chɨ ɨnəbɨ məd rəŋgəʼ. Wɨ̀ nyaʼa ghɨ̀ əne ənɨ Ŋwìə̀ nyaʼa fə patɨ əməd dè ɨnû mbe nɨ chəi wɨ̀ nyaʼa kɨrɨ zə. À yɨ ɨbenɨ məd nyaʼa ghɨ ni Ŋwìə̀ zɨ ɨsaʼi ɨgwɨ ɨsɨg. Əne Ŋwìə̀ nyaʼa nɨŋ ni məd wɨə ghɨ̀ ɨnû nɨ kuʼnɨ ənjìm ɨbenɨ.

Mə̀Hibrù 11:7 교차 참조

Matìyò 2:12

Ŋwiye ya pati bəd mbe anjə̀m gha imbə̀ʼ mbɔb ywiri bəndə awɔb inɔnjì achan Erɔ̀d. Ane, mbɔb ya si chè ane inɔnjì ndəŋ bə̀ndì ghò awɔb inɔb inga aben.

Matìyò 24:15

Yeso ya chè imbìghè ghà abə mə̀mə̀nənùg məd gha, “Ane, mbə biri bàd ‹Anug tibɔ̀ŋ ze ne ghìyə̀ gha bəd se nyète mbàn Ŋwiye› ne ya anug ze ne wə̀dkə̀n Ŋwiye Daniyè ya fə ŋwàʼri. (Wə̀d ne fɔ̀ŋɔ anug azo̰, atog məd zen!)

Matìyò 24:25

Mbə̀ nḛ, mə fə ghà inug mbo̰ inən bɔŋ mbi se dùwə̀.

Matìyò 24:38

Mbə̀ŋ ya no inga nyùmə̀ we abə Nwa̰, mənib sweg jəg isəg ijìm. Inga ineg mbe ne mbə̀ŋ ze ya se zàmbi no, bəd yaya jə̀ghə, no, nàma, bə̀ nàʼà bɔn ane inam anene pè ane aneg ze ne Nwa̰ ya nyi inga abaŋ igyi.

Matìyò 3:7

Àsi anyumə̀ ne wì ya bàri mə̀Farìsi nɔʼ nɔʼ tì mə̀Sadùsi nɔʼ nɔʼ ne yaya yèʼe gha wì naʼa mənib inɔb, wì ya ghà inɔb gha, “Mbə̰ ya kwàʼ ifighi! Àkə we pati awən gha mbə̀ nòrò abə ngəʼ kyen ze ne yèʼe?

Lk 17:26

Kwàʼ icheg ne ze ya yaʼi inga nyùmə̀ ìwi Nwa̰, à ya icheg ne ze biri bə yaʼ inga ineg mbe ne Ŋwan Wə̀d biri yeʼe.

Rm 1:17

À ya ikən chɔm gho̰ we tòʼrò icheg ne Ŋwiye ghi bəd təm kòʼ ibo imbìghè. Ikən chɔm ya chwìye gha bəd mbe ne təmi kòʼ ya ko ane ibḛfiŋ bə̀ nwḭ̀yḛ̀ ane ibḛfiŋ. À ya kwàʼ icheg Ìngam Ŋwiye we ne gha, “Wə̀d ne ibḛfiŋ məd igun Ŋwiye ghi wì təm kòʼ, tengàŋ biri jəg ìtḛ̀”.

Rm 10:6

Ikuchèg ni təm kòʼ imbìghè abə Ŋwiye anjìm ibḛfiŋ ya gha: “Imbə̀ʼ àghò gha awe inga ìze fìŋ gha, ‹Wə̀d ne biri kɔʼ ghò ikaŋ àbɔ̀ŋɔ àkə we?› Ane ya ni ghì gha Kristo swiʼi yèʼe.

Rm 3:22

Ŋwiye fə ghì gha bəd məjìm mbe ne nɔŋi ibḛfiŋ igun Yeso Kristo mbe təm kòʼ ibo imbìghè. Wì ghì ane imbə̀ʼ icheg ne chəyi məd we ghìyə̀ ighə igun bəd.

Rm 4:11

Àŋwerì ze ya yaʼ aneni ni chwi gha Ŋwiye niŋ aməd ane wə̀d ne təmi kòʼ anjìm ibḛfiŋ məd anyumə̀ ne chəyi mbi ya kiri ŋweri aməd. Ane, Abràham ya mbaʼ mbègtog abə bəd mbe ne nɔŋi ibḛfiŋ igun Ŋwiye ne chəyi mbi ŋweri awɔb. Ze ya yaʼ ane ni ghì gha Ŋwiye bə niŋ awɔb ane bəd ne təmi kòʼ.

Rm 4:13

Kayi imbə̀ʼ icheg ne Abràham yaya nɔ̀ŋɔ̀ mə̀nɔ̀ʼɔ̀ Muse ne Ŋwiye ya kàʼi gha məd tì bɔn ane aghaŋ inəbi məd biri jəg ighi igun isəg. À ya anjìm ibḛfiŋ məd ne Ŋwiye ya niŋi aməd ane wə̀d ne təmi kòʼ.

Rm 9:30

Tì kə ywìrè gha? Bəd ne kayi mə̀Ju ne chəyi tì mbi ya təm kòʼ imbìghè abə Ŋwiye, mbɔb mbo̰ fə təmi kòʼ imbìghè abə Ŋwiye anjìm ìwɔb ibḛfiŋ.

Gàlesìyà 5:5

Mba mbe ne zi ibḛfiŋ igun Kristo, tì we ghɔ̀mɔ̀ ane fìŋ ijìm gha Ŋwiye ghiyə tì təm kòʼ. À ya Azwighi Ŋwiye ze ghìyə̀ gha tì nɔŋi fìŋ igun Ŋwiye.

Fìlipì 3:9

Mə ya bə̀ ane anug amɔʼ tì məd. Chəyi mə̀ təmi kòʼ imbìghè abə Ŋwiye anjìm icheg ne mə ghi inug mbe ne mə̀nɔ̀ʼɔ̀ Muse gha. À ya Ŋwiye ghi mə təm kòʼ anjìm icheg ne mə zi ìmə ibḛfiŋ igun Kristo. Mə təm kòʼ imbìghè abə Ŋwiye yaʼ anjìm ibḛfiŋ igun Kristo.

Mə̀Hibrù 11:1

Ibḛfiŋ ya ni kyeri gha àghò biri bèrì aghi ze ne àghò nɔŋi ìwe ikɔndi igun se ghɔ̀mɔ̀ bə̀ kyèri gha ighi mbe ne chəyi àghò we bàrà, àghò biri bèrì.

Mə̀Hibrù 12:25

Mbə̀ pati awən imbə̀ʼ mbə̰ nɔ̀ʼ to̰ məd we ne ghàmà inən. Chəyi tì mbɔb ya chwed anyumə̀ ne mbi ya to̰ ni zug Muse ne yaya pàta awɔb igun isəg. Tì kə mə̀ to̰ awa ni zug məd we ne pàtà awa ikaŋ àbɔ̀ŋɔ, tì kə si chwed iye?

Mə̀Hibrù 5:7

Anyumə̀ ne Yeso ya yaʼi igun isəg, wì yaya chàʼrà Ŋwiye bə̀ dèghè inug abə Ŋwiye kwàʼ ane gì ka ka tì məsi ibo inga aghə. Wì yaya chàʼrà Ŋwiye ne beri ika ni chì aməd ane iwu. Ŋwiye ya zug inug ne wì yaya chàʼrà Ŋwiye ghà imbə̀ʼ icheg ne wì ya swi ìwi nyɔd aseg ni zugri Ŋwiye.

Mə̀Hibrù 8:5

Inug mbe ne mbɔb mbe fàʼà icheg bəd mbàn Ŋwiye ya icheg afugri fɔrɔ icheg àzìŋə ane inug mbe ne yaʼi ikaŋ àbɔ̀ŋɔ. Aŋa ya aton ze ne Ŋwiye ya pati Muse anyumə̀ ne Muse yaya se nḛ ni kɔd Azuŋ Ŋwiye. Ŋwiye ya ghà ibo gha, “Àghò niŋ nyumə̀ ni tangi ighi ijìm kwàʼ icheg ne mə̀ ya chwi ine ikaŋ iwum.”

1 Pità 3:20

À ya izwighi bəd mbe te aneg, ne yaya ghìyə̀ tìzughə̀ abə Ŋwiye anyumə̀ ne Ŋwiye yaya nyìme fìŋ ghɔ̀mɔ̀ ne Nwa̰ yaya kɔ̀rɔ abaŋ. Bəd mbe ne Ŋwiye ya pumni awɔb ya məyi bəd ìfàmi mbe ne ya nyi inga abaŋ, nəŋ igun mənib.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

2 Pità 2:5

Chəyi Ŋwiye ya bə waʼ inug tibɔ̀ŋ ìmbi bəd mbe te aneg. Wì ya chà mənib igun bəd ne chəyi mbe zùgrə Ŋwiye, si kə̀ndi Nwa̰ wə̀d ne yaya chètè gha bəd təm kòʼ imbìghè abə Ŋwiye. Ŋwiye ya bə̀ kə̀ndi bəd ndəŋ ìsàmbe abɔ̀ʼ Nwa̰.

2 Pità 3:6

À ya bə̀ ane mənib mbe ne ya kùbri isəg ne Ŋwiye ya nimni isəg we te aneg.