Mə̀Hibrù 11:27 - Ikan feg

²⁷ À ya ibḛfiŋ ya ghi wì nɔ̀ʼ a Ijìb ne chəyi wì bɔ gha ifɔn a Ijìb biri gaŋ ibo. Wì ya nyimbi fìŋ to̰ yi ni bə̀ndì imbə̀ʼ icheg ne wì yaya nḛ̀ igun Wə̀d we ne chəyi tì mbi bàd aməd.

Meta’

²⁷ À yɨ ɨbenɨ nyaʼa ghɨ ni wɨ̀ nɔʼ rɨ ə Ijìpt, nɨ chəi wɨ̀ nyaʼa bɔ ni ɨfɔ̂n we rɨ ə Ijìpt bɨrɨ sə ɨtəm. Wɨ̀ nyaʼa ton nɨ beŋ rəbɔʼɔ, ɨmbə̀ʼ ɨghəm nɨ wɨ̀ nyaʼa zə əməd we nɨ chəi bə̂d ə zəə.

Mə̀Hibrù 11:27 교차 참조

Matìyò 10:22

Bəd məjìm biri pàb awən imbə̀ʼ amə, si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 24:13

Si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Mk 13:13

Bəd məjìm biri bàn awən imbə̀ʼ amə, si ya gha, wə̀d we ne nyìʼi ghò pè ane ìnwḭ, Ŋwiye biri chì aməd inga ngəʼ.”

Mk 4:17

Si ya gha, chəyi ìngam we ya taŋ nyi inga ìtɔb fìŋ. Wì ya chùghə məyi ane iki nyumə̀. Anyumə̀ ne ngəʼ yèʼe, kə̀ anyumə̀ ne mbi chɔʼi ìmbɔb ibɔʼì ighog imbə̀ʼ ìngam we, mbi ya to̰ awɔb ìngam we kwàʼ ati ati.

Ɨ̀fàʼì 2:25

Ifɔn Dèvid ya ghà inga Àŋwàʼrì Ŋwiye imbə̀ʼ Yeso gha: ‹Mə yaya bàrà Anɔŋisəg inum imbìghè aghəm ajìm. Chəyi anug mɔ̀ʼɔ biri nàʼ ngəʼ inum ka imbə̀ʼ icheg ne məd we yi ane àmə aba abo jəghi.

1 Kɔrèn 13:7

Àkɔ̀ŋì ya kə̀bə̀ gha bəd ya nyìmbe fìŋ ane inug ijìm. Àkɔ̀ŋì ya ghìyə̀ gha bəd ya bḛ anug ne bəd ndəŋ mbe ghà. Àkɔ̀ŋì ya ghìyə̀ gha bəd ya nɔ̀ŋɔ̀ ikɔndi ghɔ̀mɔ̀ inug ijìm ne mbɔb zi ibḛfiŋ igun. Àkɔ̀ŋì ya bə̀ ghìyə̀ gha bəd bere inyìʼfiŋ ghò pè ane ìnwḭ.

2 Kɔrèn 4:18

Ane, chəyi tì zi ìta fìŋ igun ighi ne te bàrà. Tè zì ìta fìŋ yaʼ igun ighi ne chəyi te bàrà. Aton ya gha, ighi mbe ne te bàrà, chəyi mbe tàndà. Àsi ighi mbe ne chəyi te bàrà, à ya ighi ne yaʼi ane ighə̀m imɔʼ.

Kòlosè 1:15

Kristo we ne mbə̀ bari ya kwàʼ icheg Ŋwiye we ne chəyi bəd mbe bàrà. Məd ya atog igun ighi ijìm ne Ŋwiye tàngi.

1 Timotì 1:17

Bəd ghumni Ŋwiye imɔʼ ne yaʼi Ifɔn ane ighə̀m imɔʼ, ne chəyi mbe bàrà aməd, ne chəyi wì biri nɔʼ ku. Tè ghumni Ŋwiye we imɔʼ kwàʼ ane ighə̀m imɔʼ. À ya ane.

1 Timotì 6:16

À ya məyi məd we imɔʼ ne chəyi wì biri nɔʼ ku. Məd ya chùghə inga ìzḛzḛ we ne chəyi aneg ne tì wə̀d tìndi iban. Chəyi wə̀d mɔ̀ʼɔ kweʼì bàd aməd. Chəyi wə̀d mɔ̀ʼɔ biri nɔʼ bàd aməd. Bəd igun isəg ijìm ghumni aməd, məd bə tùmbì isəg ane ika we ne yaʼi ane ighə̀m imɔʼ. À ya ane.

Mə̀Hibrù 10:32

Mbə̀ kɔndi ineg mbe ne ya fə che ne mbə̀ ya kyeri tesiʼ imbə̀ʼ Yeso Kristo. Mbə̀ bə kɔ̀ndi icheg ne mbə̰ ya nyìʼi inug bə̀ kiri nɔŋi ìwən ibḛfiŋ igun Ŋwiye anyumə̀ ne mbi ya kwàʼri awən ghì mbə zə̰ ngəʼ nɔʼ nɔʼ.

Mə̀Hibrù 11:1

Ibḛfiŋ ya ni kyeri gha àghò biri bèrì aghi ze ne àghò nɔŋi ìwe ikɔndi igun se ghɔ̀mɔ̀ bə̀ kyèri gha ighi mbe ne chəyi àghò we bàrà, àghò biri bèrì.

Mə̀Hibrù 11:13

Bəd mbo̰ məjìm ya nɔ̀ŋì ibḛfiŋ igun Ŋwiye ghò pè ane nyùmə̀ ne mbi ya ku. Chəyi mbɔb ya beri ighi mbe ne Ŋwiye ya kàʼi inɔb. Si ya gha, mbɔb ya bàd ighi mbe ane agha se ne mbe kiri yeʼe, fə si niŋ gha mbɔb fə bèrì inɔb ikye abo. Mbɔb ya bə̀ bḛ gha mbɔb ya bəd tìsɔ̀ʼ ne bə̀ chè awɔb che igun isəg.

Mə̀Hibrù 6:15

Abràham ya nyimi fìŋ ghɔ̀m anene bə̀ ghum bèrì aghi ze ne Ŋwiye ya kàʼi ibo.

Jems 5:11

Mbə̰ kyèri àzən aghi gha, mba ya nìŋə bəd mbe ne nyìme fìŋ ane bəd ne Ŋwiye zi àbɔrɔ̀bɔd igun inɔb. Mbə̰ fə zug icheg ne Job ya nyimi fìŋ inga ngəʼ. Mbə̰ kyèri icheg ne Ŋwiye ya nwìyḛ̀ zì àbɔrɔ̀bɔd igun məd inga ineg mbe ne ngəʼ məd ya fə mèghi. Anɔŋisəg we dìgrè bə̀ sɔ̀mnɔ̀ igun bəd.

1 Pità 1:8

Mbə̰ mbe kɔ̀ŋɔ̀ aməd ka chəyi mbə̀ kiri bari aməd. Ka chəyi mbə̰ mbe bàrà aməd; mbə̰ nɔ̀ŋì ibḛfiŋ igun məd, bə̀ se taŋ gyènde ane ikuchèg ne chəyi tì wə̀d gha.