Mə̀Hibrù 11:16 - Ikan feg

¹⁶ Ane, mbɔb yaya kə̀bə̀ yaʼ aben ze ne taŋ bɔŋ chè, aben ne yaʼi ikaŋ àbɔ̀ŋɔ. À ya aton ne chəyi Ŋwiye we bèrè tìnìrètog anyumə̀ ne mbɔb mbe kàrà aməd ane ìwɔb Ŋwiye. À ya ane imbə̀ʼ icheg ne Ŋwiye ya fə tangi aben kyen nɔ̀ŋì inɔb.

Meta’

¹⁶ Mbɨ nyaʼa kə̀b yeʼ əbeŋ ze nɨ bɔŋɨ chè əze, əne yɨ əbeŋ ze nɨ yeʼ ɨkaŋ. Chəi ətu ə nìd əmbɨ ə Ŋwiə̀ ənɨ mbɨ tɔŋ əməd ni wɨ̀ yɨə Ŋwìə̀ mɨ̀mə̌d. Chəi zɨə nìd ɨmbə̀ʼ ɨghəm nɨ wɨ̀ fə tekɨ əsɨ əmbɨ mɨ̀mə̌d.

Mə̀Hibrù 11:16 교차 참조

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Mk 12:26

Àsi imbə̀ʼ anug ne iwu bəd biri zweme: Àkə chəyi mbə̀ kiri fɔŋi inga àŋwàʼrì ze ne Muse ya ŋwàʼri? Wì ya ghà inga asiŋi ze ne ghàmi imbə̀ʼ agyen ne yaya bère, mə̀tì icheg ne Ŋwiye ya ghà ibo gha, ‹Mo ya Ŋwiye ìwi Abràham tì Azìg fɔrɔ Jàkɔb.›

Mk 8:38

Atog abə wə̀d mɔ̀ʼɔ mə̀ ya nìrè imbə̀ʼ amə fɔrɔ imbə̀ʼ ìmə ìngam inga ikəri bəd gho̰ ne chəyi we ghùmnə Ŋwiye, ne we bə̀ ghìyə̀ yaʼ inug tibɔ̀ŋ, nji atog abə Ŋwan Wə̀d biri bə nìd imbə̀ʼ tengàŋ anyumə̀ we ne wì ywirì yèʼe tì ìmbi mbè angirə̀ ìzḛzḛ tì ika we ne Mbaʼ nàʼi ibo gha wì tumbə isəg.”

Lk 12:32

Ìmbum bɔn njə̀g, imbə̀ʼ mbə̰ bɔ awən. Ìwən mbaʼ gyèndi kwàʼ ako ni nàʼ anug ìfɔ̀n ikaŋ inən.

Lk 20:37

Muse ya fə chwi inga anug imbə̀ʼ ajuŋi azed ze ne wì ya bàri tì iywid ne chəyi ze se bère gha, bəd biri ghum zweme ane iwu. Wì ya chwi ane wì ya kàrì Anɔŋisəg gha Ŋwiye we abə Abràham, bə̀ yaʼ Ŋwiye we abə Azìg, bə̀ yaʼ Ŋwiye we abə Jàkɔb.

Jn 14:2

Itog nəb nɔʼ inga nəb ìmə Mbaʼ. Àkə kayi ane, nji mə fə ghà inən. Mə ya aniŋ ghò angu ni chuʼri asiŋi inən.

Ɨ̀fàʼì 7:32

‹Mo ya Ŋwiye ìmbe mə̀mbaʼ kyen. Ŋwiye ìwi Abràham tì Azìg fɔrɔ Jàkɔb.› Muse ya zug ane, bìnde. Chəyi wì ya ywirì nyìmi fìŋ ni nèn inemi iywid we.

Fìlipì 3:20

Àsi awa, mba ya bəd ikaŋ àbɔ̀ŋɔ. Ane, tì ya nɔ̀ŋɔ̀ fìŋ yaʼ ni ghɔ̀m Anɔŋisəg Yeso Kristo gha wì yeʼe tikaŋ àbɔ̀ŋɔ. Məd ya wə̀d ne pùmnə awa.

2 Timotì 4:18

Anɔŋisəg biri chì amə inga tiku ngəʼ tibɔ̀ŋ tijìm. Wì biri ghì mə nyi inga anug ìfɔ̀n ikaŋ məd kwàʼ ane àbɔrɔ̀bɔd. Ighumni yaʼ ìwi məd kwàʼ ane ighə̀m imɔʼ. À ya ane.

Mə̀Hibrù 10:34

Mbə̰ ya bə̀ sɔ̀mnɔ̀ igun məfi mbe ne ya yaʼi inga nəb ndəŋ . Anyumə̀ ne mbi ya bə̰ ìmbən ighi, mbə̰ ya bə̀ sàŋì nè gyènde imbə̀ʼ icheg ne mbə̰ kyèri àzən aghi gha mbə bèrì aghi ne bɔŋi chè ne biri bə yaʼ ane ighə̀m imɔʼ.

Mə̀Hibrù 11:10

Abràham yaya nḛ̀ imbìghè ni nyi inga asiŋi ze ne Ŋwiye zìye ya ŋwaʼi, zèg ati bə̀ bɔm ane ìmbi ibo.

Mə̀Hibrù 11:14

Bəd ne gha mbɔb kayi bəd igun isəg aŋa ya ghàmà ane nḛ̀ ni ghò awɔb a aben ze ne yaʼi àzɔb.

Mə̀Hibrù 11:40

Chəyi Ŋwiye ya nàʼi ighi mbe ne wì ya kàʼi inɔb imbə̀ʼ icheg ne wì ya nɔ̀ŋì gha mbɔb biri fɔtɔ tì ina bɔŋ si bɔ̀ŋ mànì.

Mə̀Hibrù 12:22

Àsi mbə̰, asiŋi ne mbə̀ yeʼe angu ya ikaŋ iwum Zayɔ̀n, a Jèrusalèm we ne yaʼi ikaŋ àbɔ̀ŋɔ, aben Ŋwiye we ne yaʼi izɔm. À ya asiŋi ne mbè angirə̀ chuʼ tì chuʼ fə fete se gyènde.

Mə̀Hibrù 13:14

Icheg ne chəyi tì beri aben ne yaʼi ane ighəm imɔʼ igun isəg gho̰, tì ya nḛ̀ imbìghè ni ghò nyi yaʼ inga aben feg ze ne yèʼe.

Mə̀Hibrù 2:11

Ane, Yeso we ne ghìyə̀ bəd zḛ, məd tì bəd mbe ne məd fə ghi mbi zen, mbɔb məjìm ya se bɔn ane mbaʼ fìbì. À ya aton ne chəyi Yeso ya bèrè tìnìrètog ni kàrì awɔb ane ìmbi məfi fɔrɔ ìti njàbi.

Ɨnû 21:2

Mə ya bàd aben ìzḛzḛ ne ya nɔ̀ʼi abə Ŋwiye swìʼi tì ikaŋ àbɔ̀ŋɔ. Aben ìzḛzḛ ze ya Jèrusalèm feg. Mbi fə tangi aməd wì yaʼ icheg ne mbe ghìyə̀ ngwèn igun àyi igən ne mbe ghò ni chà abə inɔm məd.