Mə̀Hibrù 10:25 - Ikan feg

²⁵ Imbə̀ʼ tì waʼ awa fìŋ ze ne tì beri ni ya fète asiŋi afibì icheg ne bəd mɔ̀ʼɔ fə waʼi. Anug ne tì beri ni ya fàʼà ya ni ya nə̀rə fìŋ abə wə̀d imɔʼ imɔʼ, bə̀ chè imbìghè ni taŋ ghì ane imbə̀ʼ icheg ne aneg ze ne Yeso biri bə̀ndì yeʼe ze se tìnde.

Meta’

²⁵ Tɨ rɨ̀ waʼ a ənû nɨ kɨə fetɨ, ɨchî nɨ bə̂d mɔʼɔ ə ghɨ̀ə̀, àyɨə tɨ̀ timbɨ a ɨnyod mbǎ mbǎ. Mbə jeŋgɨ ghɨ̀ əne ɨchî nɨ mbə̀ zə ni əni ze nɨ Ə̀nùŋɨ̀sɨg bɨrɨ wɨrɨ yeʼe fə tiinɨ.

Mə̀Hibrù 10:25 교차 참조

Matìyò 10:15

Mə gha tesiʼ inən gha, igun aneg ze ne Ŋwiye biri sɔb isaʼi, wì biri dìgrì igun bəd a Sodòm bə̀ dìgrì igun bəd a Gòmorà chè icheg ne wì biri dìgrì igun bəd inga asiŋi ze ne to̰ awɔb ìwən ikən.”

Matìyò 18:20

Ze yaʼ anìŋ imbə̀ʼ icheg ne asiŋi ze ne bəd məbe kə̀ mətad fɔti angu inga ìmə ikum, mo we angu tì inɔb.”

Jn 12:48

Bəd mbe ne to̰ awɔb awum bə̀ to̰ awɔb anug ne mə̀ ghà, wə̀d ne biri saʼ awɔb we angu. À ya ìngam we ne mə gha, biri saʼ awɔb ane aneg ìnwḭ.

Ɨ̀fàʼì 16:16

Aneg mɔ̀ʼɔ ne tì yaya ghò a asiŋi ze ne mbi yaya chàʼrà Ŋwiye angu, ŋwan àyi mɔ̀ʼɔ ne ya àbòʼì ya yeʼe kɔ̀ti awa. Azwighi tibɔ̀ŋ ya yaʼ inga məd. Azwighi ze yaya ghìyə̀ wì ghì tikwab. Anjìm tikwab te, mə̀mbaʼ àfàʼì məd ya bèrì ikab nɔʼ nɔʼ.

Ɨ̀fàʼì 2:1

Anyumə̀ ne aneg Pentekɔ̀d ya kòʼi, bəd Kristo mbe məjìm ne yaya chùghə inga atog nəb ze igun ya yaʼ ane asiŋi afibì.

Ɨ̀fàʼì 2:42

Bəd Kristo mbe ne ya zi atog ane inug ne bədtɔm yaya chwìte ya yaʼ ane ifɔti. Ane, mbi yaya fɔ̀tɔ jə̀ghə itari bə̀ fɔ̀tɔ chàʼrà Ŋwiye.

Ɨ̀fàʼì 20:7

Igun aneg Sɔndè, tì ya fete ni jəg itari. Pɔl yaya chùʼrə nyɔd ni ghò yi isu abɔ̀ʼ. Ane, wì ya nɔ̀ʼ təm ni ghàm inɔb, ghàm anene ghò pè ane àngɔŋ tizimi.

Rm 12:8

Ineʼi wə̀d mə̀ yaʼ ni nəri bəd, wì taŋ zì atog fàʼ kwàʼ icheg chɔm. Ineʼi wə̀d mə̀ yaʼ ni wètì bəd, wì ya bə̀ nàʼà ighi abə bəd ane ìzi fìŋ ijìm. Wə̀d ne ineʼi məd ya ni saʼ bəd, wì ya sàʼa bəd kwàʼ icheg chɔm. Wə̀d ne ineʼi məd ya ni ghì ìchɔ̀mì abə bəd, wì ya bə̀ fàʼà ane ìzi fìŋ ijìm.

1 Kɔrèn 11:20

Anyumə̀ ne mbə̀ fete aseg, kayi itari ne mbə̰ mbe jə̀ghə.

1 Kɔrèn 14:23

Ane, bəd ne chəyi mbi bḛ Ŋwiye mə̀ yèʼe inga ìwən ifeti pè bàd gha mbə̰ məjìm mbe ghàmà ane tìngam iben ndəŋ, ne chəyi bəd mɔ̀ʼɔ abɔ̀ʼ inən mbe zùghə, imbə̀ʼ mbi biri se kɔ̀ndɔ gha mbə̰ fə be?

1 Kɔrèn 14:3

Si ya gha, bəd mbe ne ghà ikən Ŋwiye ya ghàmà abə bəd ni nə̀rì ìtɔb fìŋ bə̀ ghìyə̀ gha mbe təm kà bə̀ ghì gha ìtɔb fìŋ zutə.

1 Kɔrèn 3:13

Àfàʼì wə̀d biri chwi aghi ne ze yaʼi àzewən igun aneg ze ne Kristo biri ywiri yeʼe. Igun aneg ze, iywid biri chwi iku nəb ne wə̀d kɔ̀ri asaŋ. Àfàʼì wə̀d ijìm biri chè inga iywid.

1 Kɔrèn 5:4

Anyumə̀ ne mbə̀ fete aseg ane ikum Anɔŋisəg Yeso Kristo, àmə azwighi ze abɔ̀ʼ inən, ika we ne Anɔŋisəg Yeso nàʼi inən we bə̀ abɔ̀ʼ inən.

Fìlipì 4:5

Mbə̀ ya ghìyə̀ inug ne wə̀d ijìm biri kyeri gha mbə̰ ya bəd ne bɔ̀tɔ. Nyùmə̀ ne Anɔŋisəg biri yeʼe fə tinde.

1 Tèsàlonikà 4:18

Ane, mbə̀ se nə̀rə fìŋ abə wə̀d imɔʼ imɔʼ ane ìngam gho̰.

1 Tèsàlonikà 5:11

Ane, mbə̀ nəri fìŋ abə ìmbən məfi fɔrɔ ìtən njàbi ghì gha ibḛfiŋ wə̀d imɔʼ imɔʼ təm kà. Mbə̀ che imbìghè ni nəri wə̀d imɔʼ imɔʼ kwàʼ icheg ne mbə̰ mbe ghìyə̀ amad anìŋ.

Mə̀Hibrù 10:24

Tè kɔndi icheg ni ya ghìyə̀ inug ne nə̀rə wə̀d imɔʼ imɔʼ gha wì ya ghìyə̀ inug chɔm bə̀ kɔ̀ŋɔ̀ mə̀mbin.

Mə̀Hibrù 10:37

Àŋwàʼrì Ŋwiye gha, Chəyi agha biri sà, “Wə̀d we ne yèʼe biri yeʼe witì chìkì nyumə̀.

Mə̀Hibrù 13:22

Ìmbum məfi fɔrɔ ìtum njàbi, mə boʼ ibo inən gha ìngam gho̰ ne mə̀ zi inga iki àŋwàʼrì azo̰ ni nəri ìtən fìŋ, mbə̀ nyimi kwàʼ ane fìŋ chɔm.

Mə̀Hibrù 3:13

Ane, Tèchɔ̀ŋ, mbə̀ ya nə̀rə ìtən fiŋ mbə̰ mbə̰ ineg ijìm. Mbə̀ ghiyə ane ni gha chəyi anug tibɔ̀ŋ mɔ̀ʼɔ biri tambi awən si ghì ìtən fìŋ tu.

Jems 5:8

Mbə̰ inən, mbə̀ bə nyìmi fìŋ təm kà imbə̀ʼ icheg ne Anɔŋisəg we se zàmbi yeʼe.

1 Pità 4:7

Nyùmə̀ fə tinde ne inug ijìm biri nwḭ̀yḛ̀. Ane, mbə̀ ghiyə ìtən tikɔndi te zen bə̀ ya nyìmbe nyɔd imbə̀ʼ kyeri icheg ni chàʼra Ŋwiye.

2 Pità 3:11

Icheg ne Ŋwiye biri nimni ighi mbo̰ ijìm anìŋ, mbə̀ kə kòʼi ni yaʼ iku bəd mbeg? Mbə̰ bèrì ni chughi inga ìzḛzḛ bə̀ zì atog ni ya zùgrə Ŋwiye.

2 Pità 3:14

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mbə̰ mbe ghɔ̀mɔ̀ inug mbo̰, mbə̀ kirə ika ni chughi inga ìzḛzḛ. Mbə̀ ghiyə gha imbə̀ʼ Ŋwiye bad yi anug tibɔ̀ŋ mɔ̀ʼɔ igun inən. Mbə̀ bə chughi ane àbɔrɔ̀bɔd tì Ŋwiye.

2 Pità 3:9

Chəyi Anɔŋisəg we chìkə̀ nyùmə̀ bɔŋ ghì inug mbe ne wì kàʼi, icheg ne bəd mɔ̀ʼɔ mbe kɔ̀ndɔ gha məd we chìkə̀ nyùmə̀. Məd we nyìme fìŋ tì inən imbə̀ʼ icheg ne chəyi wì kə̀bi gha wə̀d mɔ̀ʼɔ nim. Wì kə̀b yaʼ gha wə̀d ijìm bəŋi ìzi fìŋ sìkì inug tibɔ̀ŋ.

Jûd 1:19

Bəd mbo̰ ya bəd ne zìyè àghàpì inga inən. Mbi ya ghìyə̀ yaʼ inug mbe ne ìtɔb nyàmnyɔd te ghə̀ʼrə̀. Chəyi Azwighi Ŋwiye yaʼi inga inɔb.