Mə̀Hibrù 10:20 - Ikan feg

²⁰ Iwu məd ya ghì Ŋwiye setì ndwi ze ne mbi ya tìŋi inga mbàn Ŋwiye, fìʼì inɔnjì feg ina ni nyi inga asiŋi ne zḛ mànì, jəg ìtḛ̀.

Meta’

²⁰ Wɨ̀ nyaʼa chè ənjìm ə ngywɨ̌ ze nɨ mbɨ nyaʼa tam fiʼ ɨnə̂njɨ̀ fi ɨ na ni tɨ̀ che əŋgu jɨg ɨ̀tènɨ̀. Wɨ̀ nyaʼa ghɨ̀ əne ɨchî nɨ wɨ̀ nyaʼa kwɨ ɨmbə̀ʼ əwa.

Mə̀Hibrù 10:20 교차 참조

Matìyò 27:51

Kwàʼ anyumə̀ we, ndwi kyen ze inga fìghàra mbàn Ŋwiye ya sanda ane iba ibe, ni ko atog ghò pè aton. Ìseg ya ghùd, tigho sanda.

Mk 15:38

Ndwi ze ne mbi ya tìŋə inga mbàn Ŋwiye ya sa̰ iba ibe, ko ikaŋ ghò pè aseg.

Lk 23:45

Ze ya yaʼ anìŋ imbə̀ʼ icheg ne nyùmə̀ ya fiyḛ. Chəyi wì ya ywìrè zùʼə. Ndwi kyen ze ne ya ghàpi mbàn Ŋwiye iba ibe ya sè iba ibe ni ko ikaŋ pè aseg.

Jn 10:7

Yeso ya ywìrì ghà abə mə̀mə̀nənùg məd gha, “Mə ghà kwàʼ tesiʼ inən gha, mo ya kwàʼ inuʼ ikam njə̀g.

Jn 10:9

Mo ya inuʼ ikam. Wə̀d we ne chè inga inum, wì biri pum. Wì biri ya nyḭ̀yḛ, bə̀ chè dùwə̀ ghò kə̀bə̀ agyen.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Efesùs 2:15

Wì ya nimni mə̀nɔ̀ʼɔ̀ mə̀Ju tì tikə te ne yaʼi inga mə̀nɔ̀ʼɔ̀ fɔrɔ ìwɔb ikuchèg ane ìzi nyàmnyɔd. Kristo ya ghì ane ni gha bəd mbe ne kayi mə̀Ju tì mə̀Ju mbe si yaʼ ane anug amɔʼ ane ifɔti tì məd. Wì ya ghì ane ni gha bəd si chughi ane àbɔrɔ̀bɔd.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

Mə̀Hibrù 6:19

Ikɔndi we ne tì nɔŋi ni ghɔ̀m anug ze ne Ŋwiye kàʼi ya aghi ne ìwa ìtḛ̀ wi təmə̀ kà igun ne chəyi tì aghi mɔ̀ʼɔ ghì. Ze biri ghì gha tè che ndwi ze ne ghàpi asiŋi ighumni inga mbàn Ŋwiye, nyi inga asiŋi ne zḛ mànì.

Mə̀Hibrù 9:3

Mbi ya tìŋì ndwi mɔ̀ʼɔ inga mbàn Ŋwiye, zì ghàpì asiŋi ighumni ane iba ibe. Atog nəb ze ne yaʼi anjìm ndwi ze ya mbi yaya kàrà ane asiŋi ne zḛ mànì.

Mə̀Hibrù 9:8

Azwighi Ŋwiye ze chwìye ane inug mbo̰ gha chəyi mbi ya kiri fiʼi inɔnjì ni nyi inga asiŋi ne zḛ mànì imbə̀ʼ icheg ne mbi yaya kiri ghùmnə Ŋwiye inga Azuŋ Ŋwiye mbègtog.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.

1 Jɔn 4:2

Aŋa ya icheg ne mbə̀ biri chè angu ni kyeri wə̀d ne Azwighi Ŋwiye yaʼi inga məd: Wə̀d we ne bḛ gha Yeso Kristo ya yèʼe inga isəg icheg wə̀d-aku ya wə̀d ne beri Azwighi ne nɔʼi abə Ŋwiye.

2 Jɔn 1:7

Bəd nɔʼ nɔʼ ne tàmba bəd fə sàkà igun isəg. Chəyi mbɔb mbe bḛ gha Yeso Kristo ya yeʼe igun isəg icheg wə̀d-aku. Tiku bəd te ya bəd mbe ne tàmba bəd. Mbɔb ya bəd ìpàb Kristo.