Mə̀Hibrù 1:14 - Ikan feg

¹⁴ Ane, mbè angirə̀ kə ighə? Mbè angirə̀ ya izwighi ne Ŋwiye cha gha mbe yeʼe fàʼ ni ya wètè bəd mbe ne Ŋwiye biri pumni awɔb.

Meta’

¹⁴ Ɨmbə̀ʼ mbɨ̀aŋgɨrə̀ mɨ̀jìm yɨ ɨzwî nɨə fàʼə̀, nɨ Ŋwìə̀ nyaʼa tom ni mbɨ weerɨ bə̂d mbe nɨ bɨrɨ jwɨ̀ rəŋgəʼ ə?

Mə̀Hibrù 1:14 교차 참조

Matìyò 1:20

Anyumə̀ ne wì yaya kiri kɔndɔ, angirə̀ Anɔŋisəg ya yèʼe ibo anjə̀m, pè ghà ibo gha, “Jòseb, ŋwan inga inəbi ifɔn Dèvid, imbə̀ʼ àghò bɔ awe ni niŋ Mèri ane ìwe iweg. À ya Azwighi Ŋwiye ghi wì bɔŋ ibum.

Matìyò 13:41

Ŋwan Wə̀d biri chà ìmbi mbè angirə̀, mbi pè chɔ̀ʼri ighi ijìm mbe ne ghìyə̀ gha bəd ya ghìyə̀ inug tibɔ̀ŋ chì, bə̀ chì bəd məjìm ne ghìyə̀ inug tibɔ̀ŋ inga anug ìfɔ̀n məd.

Matìyò 18:10

Yeso ya ywìrì ghà abə mə̀mə̀nənùg məd gha, “Mbə̀ niŋ nyumə̀ imbə̀ʼ mbə̰ nɔ̀ʼ wèg wə̀d mɔ̀ʼɔ abɔ̀ʼ bɔn mbo̰ ne bḛ amə. Mə ghà inən gha ìmbɔb mbè angirə̀ mbe tə̀mə imbìghè abə ìmə Mbaʼ ne yaʼi ikaŋ àbɔ̀ŋɔ.

Matìyò 2:13

Anyumə̀ ne bəd mbe ne kyeri anug imbə̀ʼ titəm iməg ya fə ghò awɔb, angirə̀ Anɔŋisəg ya ghò abə Jòseb anjə̀m, pè ghà ibo gha, “Nɔ̀ʼɔ! Niŋ ŋwan bɔd we tì ngɔb məd mbə̀ noro ghò a Ijìb. Mbə̀ chughi angu anene mə ghà ine gha mbə̀ ywirì yèʼe aŋa. Aton ya gha, Erɔ̀d biri chà bəd gha mbe kəbə ŋwan we zwèti.”

Matìyò 24:31

Anyumə̀ ne tàŋ kyen biri ghàm, Ŋwan Wə̀d biri chà ìmbi mbè angirə̀. Mbè angirə̀ mbe biri feti bəd mbe ne Ŋwiye ya fə chɔʼi inga iben ijìm igun isəg.”

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Matìyò 4:11

Ane, Debrə̀ ya kye iban məd, mbè angirə̀ si yèʼe se wètè aməd.

Mk 10:17

Anyumə̀ ne Yeso ya nɔ̀ʼi ni ghò igha̰, mbaŋà mɔ̀ʼɔ ya nòtò ghò pè gɔ̀m itog inwḭ ibo imbìghè, biri ibo gha, “Àchwitìnùg chɔm, mə kə anìŋ ghənə bɔŋ jəg ìtḛ̀ ighə̀m imɔʼ?”

Lk 1:19

Angirə̀ ya ywìtì ibo gha, “Mo ya Gabìriyà ne tə̀mə imbìghè Ŋwiye. Ŋwiye tɔm amə gha mə yeʼe ghàm ine bə̀ ghà ikən chɔm gho̰ ine.

Lk 1:23

Ane nyùmə̀ àfàʼì məd inga mbàn Ŋwiye ya mèghi, wì ya kurə ghò a achan.

Lk 16:22

Nyùmə̀ ya kòʼ, Lazaròs, wə̀d ifum we, wì ku. Mbè angirə̀ ya yeʼe bèʼì aməd ghò a asiŋi chɔm iban Abràham. Wə̀d ikab we ya bə̀ ku, mbi twəŋi aməd.

Lk 2:13

Mbi ŋa zə̰, inɔ̰ mbè angirə̀ kwàʼ ìwi kyen, swiʼi tikaŋ kɔ̀ti ìywin, mbɔb məjìm se zə̀ʼə̀ ikyeg ghùmnə Ŋwiye gha,

Lk 2:9

Mbi ŋa zə̰, angirə̀ Anɔŋisəg dù inɔb imbìghè, ìzḛzḛ Ŋwiye chè kad awɔb chuʼ. Ibɔ ya gwì awɔb.

Ɨ̀fàʼì 11:22

Bəd Kristo mbe a Jèrusalèm ya zug icheg ne bəd a Antìyɔ̀g fə bḛ ikən chɔm bə̀ nɔ̀ŋì fìŋ igun Anɔŋisəg. Ane, mbi ya chà Bànabàs a Antìyɔ̀g.

Ɨ̀fàʼì 12:23

Kwàʼ ati ati, angirə̀ Anɔŋisəg ya zì aghɔn ka ka igun Erɔ̀d imbə̀ʼ icheg ne wì ya niŋ ighumni ne nji wì ya nàʼ ighumni we yaʼ abə Ŋwiye. Mənɔb ya kud aməd anjìm inga, wì ku.

Ɨ̀fàʼì 12:7

Angirə̀ Anɔŋisəg mɔ̀ʼɔ ya sàʼà dù inga atog nəb ndəŋ ze, isiŋi zen inga ndəŋ ze. Wì nipe Pità, ghà ibo gha, “Zàmba nɔ̀ʼ.” Wì ya nɔ̀ʼ a ngwḛ, mə̀chen mbe təndə ibo ane ibo fèndi kwàʼ ati.

Ɨ̀fàʼì 13:2

Anyumə̀ ne mbi yaya ghùmnə Anɔŋisəg bə̀ chùghə njèg bə̀ chàʼrà Ŋwiye, Azwighi Ŋwiye ya ghà inɔb gha, “Mbə̀ chiye Bànabàs tì Sɔl icha, nɔ̀ŋì awɔb ane àfàʼì ze ne mə̀ kari awɔb gha mbe faʼa.”

Ɨ̀fàʼì 16:26

Mbi ŋa zə̰, ìseg nɔ̀ʼ ghùd, chìʼrì ati nəb ndəŋ ze. Kwàʼ anyumə̀ we, tinuʼ nəb tijìm ya fìʼè. Mə̀chen mbe ne mbi ya kɔri ìmbɔb ighog angu ya təndə.

Ɨ̀fàʼì 27:23

Mə ya ghà anìŋ imbə̀ʼ icheg ne àkə kə̀ izimi gho̰, angirə̀ Ŋwiye we ne mə̀ yaʼi wə̀d məd, ne yaʼi Ŋwiye we ne mə ghùmnə, kə̀ yèʼe pè təm iban inum,

Ɨ̀fàʼì 5:19

Izimi we, angirə̀ Anɔŋisəg ya ghò fìʼì tinuʼ nəb ndəŋ ze, chì awɔb chà asaŋ, ghà inɔb gha,

Rm 11:14

Mə ya kə̀bə̀ inɔnjì ni ghì gha mə̀Ju beri ìdɔ̀b ane aghi ne Ŋwiye we fàʼà abə bəd ne kayi mə̀Ju ni ghì gha mə̀Ju mɔ̀ʼɔ pum.

Rm 13:6

À ya bə̀ aton ne mbə̀ koʼi ni ya nàʼà mə̀tag imbə̀ʼ icheg ne itog bəd mbo̰ ya fàʼà abə Ŋwiye icheg ne mbe tùmbə̀ aben ane fìŋ ijìm.

Rm 15:16

Ane ya ni ghì gha, mə̀ yaʼ wə̀d àfàʼì chɔ̀m abə Yeso Kristo, ne məd tɔmi amə abə bəd mbe ne kayi mə̀Ju. Mə ya chètè ikən chɔm gho̰ icheg wə̀d mbàn Ŋwiye ni ghì gha bəd mbe ne kayi mə̀Ju si yaʼ kwàʼ aghi àfàtì chɔm abə Ŋwiye, bə̀ yaʼ bəd ne Azwighi Ŋwiye ghi awɔb mbi təm zen imbìghè abə Ŋwiye.

Rm 15:27

Mbɔb ya kɔ̀ŋ ni chɔ̀pì ighi mbe. Tesiʼ ya gha, mbi ya bèrì ni ghì ane imbə̀ʼ icheg ne bəd ne kayi mə̀Ju fə fɔti tì mə̀Ju ni bèrì àbɔrɔ̀bɔd ze ne Azwighi Ŋwiye ze nàʼà. Ane, mbɔb bèrì ni nàʼ ighi mbe ne mbɔb bə bèrì abə mə̀Ju mbe ne bḛ Kristo.

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

2 Kɔrèn 9:12

Ane, ighi ne mbə biri nàʼ biri fàʼ inug ibe: Mbi biri ghì bəd ne chəyi mbi kə beri mbi bèrì, bə̀ ghì bəd se nàʼà məyakà abə Ŋwiye ane igyendi.

Gàlesìyà 3:29

Icheg ne mbə̀ yaʼi ane anug amɔʼ tì Kristo, ane ya gha, mbə̰ ya inəbi ìwi Abràham. Ane, ineʼi we ne Ŋwiye ya kàʼi ni nàʼ abə aghaŋ inəbi Abràham ya bə̀ ìwən.

Gàlesìyà 3:7

Mbə̀ kyeri gha, bəd mbe ne bḛ Ŋwiye ya kwàʼ bɔn ìmbi Abràham.

Gàlesìyà 3:9

Ane, Ŋwiye zì àbɔrɔ̀bɔd igun bəd mbe ne nɔŋi ìwɔb ibḛfiŋ igun Kristo icheg ne wì ya zi àbɔrɔ̀bɔd igun Abràham ne ya nɔ̀ŋì ibḛfiŋ igun Ŋwiye.

Efesùs 3:6

Anug ze ne yaʼi inə̀mbi ya gha, anjìm ikən chɔm, bəd mbe ne kayi mə̀Ju fə si mbe àjəgnəb abɔ̀ʼ mə̀Ju. Mbɔb ya si isiŋi nyɔd ane nyàmnyɔd imɔʼ tì mə̀Ju. Mbɔb fə bə̀ bèrì àzɔb tì aba ane anug ze ne Ŋwiye ya che anjìm Yeso Kristo kàʼ.

Fìlipì 2:17

Ka mə bì ku, àmə anəm biri yaʼ icheg mənoʼ ne mbe zìyè igun ighi àfàtì. Ighi àfàtì mbe ya àfàʼì ze ne mbə̰ mbe fàʼà abə Ŋwiye anjìm icheg ne mbə̀ nɔŋi ibḛfiŋ igun Kristo. Ane, mə we gyènde icheg ne mbə̰ məjìm mbe bə̀ gyènde.

Fìlipì 2:25

Anug ne mə kɔ̀ndɔ ya gha, ze bɔ̀ŋ gha mə̀ ywirì chà Èpàfròditùs abɔ̀ʼ inən. Məd ya ìmə ifi ne te fɔrɔ fàʼà bə̀ yaʼ icheg sogyì icheg inum ne te fɔrɔ zɔ̀ŋɔ̀ ane anug Kristo. Məd ya bə̀ ìwən wə̀d ne mbə̀ ya cha gha wì yeʼe wètì amə.

2 Tès 1:7

Àsi mbə̰ mbe ne zə̰ ngəʼ imbə̀ʼ aməd, wì biri ghì gha mbə̀ bere àzùtì. Wì biri bə ghì mba ina bə bèrì àzùtì. Wì biri ghum ghì ane anyumə̀ ne Anɔŋisəg Yeso Kristo biri swiʼi ikaŋ àbɔ̀ŋɔ inga ìkìmi iywid tì ìmbi mbè angirə̀ ka ka.

Tayitùs 3:7

Wì ya nàʼ ane ni ghì gha tì we tì tì che anjìm ìchɔ̀mì we təm kòʼ ibo imbìghè bə̀ jəg ìtḛ̀ ighə̀m imɔʼ we ne tì nɔŋi ikɔndi ni ghɔ̀m.

Mə̀Hibrù 10:11

Inga ikan anun, wə̀d mbàn Ŋwiye yaya nàʼà ighi àfàtì inga mbàn Ŋwiye ineg ijìm. Wì ya nàʼà iku ighi àfàtì afibì aghəm nɔʼ nɔʼ ni ghì gha Ŋwiye waʼ inug tibɔ̀ŋ bəd. Si ya gha, chəyi ighi mbo̰ ya kə kweʼì chì inug tibɔ̀ŋ bəd.

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Mə̀Hibrù 5:9

Ŋwiye ya ghì aməd wì bɔ̀ŋ mànì, bə̀ ghì gha məd yaʼ wə̀d ne pùmnə wə̀d ijìm ne zùgrə aməd ane ighə̀m imɔʼ.

Mə̀Hibrù 6:12

Ane, chəyi tì kəbi gha wə̀d mɔ̀ʼɔ abɔ̀ʼ inən yaʼ igwed. Mbə̰ ya fàʼà inug icheg bəd mbe ne fə che anjìm ìwɔb ibḛfiŋ fɔrɔ ìwɔb inyimbifiŋ jəg anug ze ne Ŋwiye ya kàʼi inɔb.

Mə̀Hibrù 6:17

Ŋwiye ya kə̀b ni chwi abə bəd mbe ne wì ya kàʼi anug inɔb gha chəyi wì biri kɔpi ìzi fìŋ. À ya aton ne wì ya ghàmi, zɔ̀m ane ìwi ikum.

Mə̀Hibrù 8:6

Ane, àfàʼì ze ne Ŋwiye nàʼi abə Yeso ya àfàʼì ne che àze bəd mbàn Ŋwiye. À ya bə̀ icheg ne məd təmi inga ìsàn abə Ŋwiye tì bəd Ŋwiye chùʼri ikan ne faŋi chè ikan nun. Ikan we təm igun inug mbe ne bɔŋ chè, ne Ŋwiye ya kàʼi.

Mə̀Hibrù 9:28

À ya bə̀ icheg ne Kristo ya nàʼi ìwi nyɔd ighə̀m imɔʼ ane aghi àfàtì ni sò inug tibɔ̀ŋ abə bəd nɔʼ nɔʼ. Ane, Wì biri ywìri yèʼe ni pumni bəd mbe ne ghɔ̀mɔ̀ aməd, kayi ni ghì gha Ŋwiye sò inug tibɔ̀ŋ bəd.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.

1 Pità 1:4

Anug azo̰ fə bə̀ ghì gha tì jəg ighi mbe ne wì nɔŋi ikaŋ àbɔ̀ŋɔ abə ìmbi bəd. Ŋwiye fə nɔ̀ŋì ighi mbe ikaŋ àbɔ̀ŋɔ asiŋi ne chəyi mbi biri nɔʼ bɔb kə̀ bə kə̀ kɔ̀pɔ.

1 Pità 3:7

Mbaŋà, à ya bə̀ ane ne mbə̀ beri ni chughi ane ikuchèg ne koʼi tì ìmbən mə̀yi, ya nyìmbe fìŋ tì inɔb. Mbə̀ ya ghìyə̀ ane imbə̀ʼ icheg ne mbə̰ kyeri gha mbɔb bɔd chè awən. Mbə̀ ghumni awɔb imbə̀ʼ icheg ne mbɔb bə̀ bèrì ati abɔ̀ʼ inən ni jəg ìtḛ̀ we ne Ŋwiye ghi ìchɔ̀mì nàʼ. Mbə̀ ya ghìyə̀ ane ni gha imbə̀ʼ anug mɔ̀ʼɔ nɔ̀ʼ kən ìwən ichaʼri Ŋwiye.

Jûd 1:14

Enɔ̀g ne mbi ya gwi aməd inga ikəri bəd ne pè ane ìsàmbe nɔ̀ʼ ane Adàm, ya ghà ikən Ŋwiye imbə̀ʼ bəd mbo̰ gha, “Nḛ! Anɔŋisəg biri yeʼe tì mbè angirə̀ ìzḛzḛ məd chuʼ tì chuʼ

Ɨnû 5:6

Mə ya bàd Ŋwan njə̀g ne ya təmi inga fìghàra atən ifɔn, inga fìghàra abə ighi izɔm mbe ikwè fɔrɔ itog bəd mbe. Ze ya chwi kwàʼ icheg ni gha mbi ya fə kyemi Ŋwan njə̀g we, si ya gha, wì ya yi izɔm. Wì ya bèrì ndɔŋ ìsàmbe tì aghə ìsàmbe. Aghə ze ìsàmbe ya izwighi mbe ìsàmbe ne fàʼà abə Ŋwiye, ne Ŋwiye ya chà inga isəg ijìm.