Lk 8:10 - Ikan feg

¹⁰ Wì ya ywìtì inɔb gha, “Ŋwiye fə fìʼì àzən atog ni kyeri inug imbə̀ʼ anug ìfɔ̀n ikaŋ. Àsi abə mbin tì bəd, mə ya ghàmà yaʼ ìngam məgri inɔb. Anìŋ ya ni ghì gha, ‹Mbi biri nèn, chəyi mbi biri bàd. Mbi biri bə zug, chəyi mbi biri bə kyeri.›

Meta’

¹⁰ wɨ̀ nyaʼa wììrɨ̀ ni, “Ŋwìə̀ fə nàʼ ɨwe ɨ nən ni mbə̀ kyerɨ ɨnû mbe nɨ yeʼ ənə̀mə ɨmbə̀ʼ ənû ɨfɔ̀n ə Ŋwiə̀. Àyɨə ɨ mbɨə ghà əmbɨ ə bə̂d cherə yeʼ ənɨ ɨnû mɨgɨ, ɨmbə̀ʼ 'mbɨ mɨ nèŋ chəi mbɨ bɨrɨ zə, mbɨ mɨ bə̀ zu chəi mbɨ bɨrɨ kyerɨ.'

Lk 8:10 교차 참조

Matìyò 11:25

Anyumə̀ we ne Yeso yaya ghàmà ane, wì ya gha, “Ìmə Mbaʼ, Anɔŋisəg ne beri ikaŋ fɔrɔ ìseg, mə nàʼ məyakà ine imbə̀ʼ icheg ne àghò nə̀m inug mbo̰ abə bəd mbe ne kɔ̀ndɔ gha mbɔb bèrì iwe bə̀ kyèri inug, si chwi yaʼ abə bɔn kwa.

Matìyò 16:17

Yeso ya ywìtì gha, “Ŋwiye ziye àbɔrɔ̀bɔd igun ine, àghò Sayimùn, ŋwan Jɔn imbə̀ʼ icheg ne kayi wə̀d-aku ghi àghò kyèri anug azo̰. À ya ìmə Mbaʼ ne yaʼi ikaŋ àbɔ̀ŋɔ ghi àghò kyèri.

Mk 4:11

Wì ya ywìtì inɔb gha, “Ŋwiye fə nàʼ iwe inən gha mbə̀ kyeri inug mbe ne yaʼi inə̀mbi imbə̀ʼ anug ìfɔ̀n məd. Si ya gha, mbi biri ghà inug ijìm abə bəd mbe ne chəyi awɔb abɔ̀ʼ inən ane tìngam məgri.

Mk 4:12

Ane ya ni ghì gha; ‹Mbi biri nèn ywìrì nèn, si ya gha, chəyi mbi biri bàd. Mbi biri zweri ywìrì zwèri, si ya gha, chəyi mbi biri kyeri; nji mbi biri bə̀ŋì ìtɔb fìŋ, Ŋwiye waʼ ìmbɔb inug tibɔ̀ŋ.›”

Jn 12:40

“Ŋwiye fə fə̀ghì àzɔb aghə bə̀ ghì ìtɔb fìŋ tu, ni ghì gha chəyi tì mbi bàd isiŋi, chəyi tì mbi bə̀ kyèri anug chɔm. Ane, chəyi mbi biri bə̀ŋì ìtɔb fìŋ yèʼe inum ni ghì gha mə̀ ghuyə awɔb.”

Rm 16:25

Tè ghumni Ŋwiye! Məd we tì wì ghi mbə bèrì ibḛfiŋ ni təmi kà anjìm ikən chɔm we ne mə chètè imbə̀ʼ Yeso Kristo. Məd we tì wì ghì ane anjìm inug tesiʼ mbe ne ya yaʼi inə̀mbi nɔ̀ʼ a jeje ne fə du asaŋ.

1 Kɔrèn 12:11

À ya məyi Azwighi Ŋwiye ze amɔʼ ze ghàpà tineʼi ìto̰ tijìm abə wə̀d imɔʼ imɔʼ icheg ne Azwighi Ŋwiye kə̀bi.

Kòlosè 2:2

Aton ya gha, mə ya kə̀bə̀ ni nəri ìtɔb fìŋ bə̀ ghì gha mbɔb yaʼ ane fìŋ ifibì bə̀ chùghi ane àkɔ̀ŋì. Àze biri ghì mbɔb taŋ bèrì iwe ni kyeri anug, imbə̀ʼ kyeri anug ze ne Ŋwiye nə̀mbi. Anug ze ya Kristo.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.