Lk 7:2 - Ikan feg

² Wə̀d mɔ̀ʼɔ ya yaʼ a Kàpenàwum ne ya atog wə̀d igun mə̀sogyì iki. Wə̀d àfàʼì məd yaya ghɔ̰̀ fə se nḛ̀ ni ku. Wə̀d kyen gho̰ ya taŋ kɔ̀ŋ wə̀d àfàʼì məd we.

Meta’

² Ətu ɨgwɨ mɨ̀sɔgyɨ̀ ɨkɨ fibɨ̀ nyaʼa berɨ i wə̀d ə̀fàʼì nɨ nyaʼə wɔ̀nə̀ sɨə wo kwɨ. Wɨ̀ nyaʼa ghaʼ wə̀d ə̀fàʼì we kwàʼ rɨŋgəʼ.

Lk 7:2 교차 참조

Matìyò 27:54

Anyumə̀ ne atog wə̀d igun mə̀sogyì tì mə̀sogyì mbe ne yaya kyèʼè Yeso ya bàri icheg ne ìseg yaya ghùrə̀ fɔrɔ inug ijìm mbe ne ya du, mbɔb ya binde, si kyen gha, “Kwàʼ tesiʼ, wə̀d gho̰ ya yaʼ Ŋwan Ŋwiye.”

Lk 23:47

Atog wə̀d abə mə̀sogyì iki ifibì ne ya bàri inug mbo̰ ya si ghùmni Ŋwiye gha, “Kwàʼ tesiʼ, wə̀d gho̰ ya kə̀ wə̀d ne təmi kòʼ!”

Lk 7:1

Anyumə̀ ne Yeso ya màni ni ghàm abə bəd mbe ne yaya zùghə, wì ya ghò à Kàpenàwum.

Lk 7:3

Anyumə̀ ne atog wə̀d igun mə̀sogyì iki gho̰ ya zughi inug imbə̀ʼ Yeso, wì ya tɔm itog bəd mɔ̀ʼɔ ne ya yaʼi mə̀Ju, gha mbe gho boʼ ibo abə Yeso gha wì yeʼe ghù wə̀d àfàʼì məd.

Lk 8:42

Ìmə ŋwan àyi ne mə beri məyi we imɔʼ we ghɔ̰̀ se ane ati ni ku.” Ŋwan we ya yaʼ tituʼ ìghum chɔ̀b ibe. Yeso ya nɔ̀ʼ ko ghò abɔ̀ʼ məd. Inɔ̰ bəd ne nyəmə nyə̀mə̀ kad Yeso chuʼ ya bə̀ bèni abɔ̀ʼ məd.

Ɨ̀fàʼì 10:1

Mbaŋà mɔ̀ʼɔ ya yaʼ a Kàserìyà ne ikum məd ya Kònilìyùs. Məd ya atog wə̀d igun mə̀sogyì iki ifibì ane ifeti mə̀sogyì mbe ne nɔʼi a Italì.

Ɨ̀fàʼì 10:7

Anyumə̀ ne angirə̀ we ne ya ghàmi abə Kònilìyùs ya fə nɔ̀ʼi ghò yi, Kònilìyùs ya kàrì ìmbi bəd àfàʼì məbe bə̀ kàrì sogyì imɔʼ inga mə̀sogyì mbe ne ya yaʼi aton aməd. Sogyì we ya bə̀ taŋ nɔ̀ŋì fìŋ igun Ŋwiye.

Ɨ̀fàʼì 22:26

Anyumə̀ ne atog wə̀d kyen igun mə̀sogyì iki ifibì we ya zughi anug ze, wì ya ghò abə atog wə̀d igun mə̀sogyì we pè biri ibo gha, “Àkə aghə ne àghò we kə̀bə̀ ni ghì anìŋ? Kyeri gha mbaŋà ìzo̰ ya wə̀d a Rom.”

Ɨ̀fàʼì 23:17

Anyumə̀ ne Pɔl ya zughi ane, wì ya kàrì atog wə̀d igun mə̀sogyì iki we, ghà ibo gha, “Niŋ ŋwan ajɔŋ gho̰ ghò abə wə̀d kyen mə̀sogyì imbə̀ʼ icheg ne wè bèrì anug mɔ̀ʼɔ ni ghà ibo.”

Ɨ̀fàʼì 27:1

Anyumə̀ ne Gɔbnà Festùs ya bḛ gha tì nyi inga abaŋ igyi ni ghò a Italì, wì ya nàʼ Pɔl tì bəd ndəŋ ndəŋ abə mbaŋà mɔ̀ʼɔ ne ikum məd ya Julìyòs. Julìyòs we ya yaʼ atog wə̀d igun mə̀sogyì iki ifibì inga inɔ̰ mə̀sogyì ìmbi Kayisà.

Ɨ̀fàʼì 27:3

Àsi isu abɔ̀ʼ, tì ya pè a Sidòn. Julìyòs ya ghì ìchɔ̀mì abə Pɔl, sàŋì aməd gha wì gho abɔ̀ʼ ìmbi mə̀sə̀ʼ imbə̀ʼ mbi naʼa ighi mbe ne chəyi wì ya bèri.

Ɨ̀fàʼì 27:43

Si ya gha, atog wə̀d igun mə̀sogyì we ya kə̀b ni chì Pɔl inga ngəʼ. Ane, wì ya niŋ isɔbi anug gha imbə̀ʼ mbi zweti awɔb bəd ndəŋ mbe. Wì ya ghà abə mbaŋà te ne ya kyeri icheg ni zɔʼ igyi gha mbe bi tɔ̀mɔ̀ inga igyi tìbà we zɔʼ ghò dù asaŋ.

Kòlosè 3:22

Mbə̰ məfeg, mbə̀ ya zùgrə bəd mbe ne mbə̰ mbe fàʼà inɔb igun isəg kwàʼ ane inug ijìm. Imbə̀ʼ mbə̰ ya zùgrə awən awɔb məyi anyumə̀ ne mbɔb mbe nḛ̀ awən imbə̀ʼ icheg ne mbə̰ mbe kə̀bə̀ gha mbɔb ya gyḛ̀ awən. Mbə̀ ya zùgrə awɔb kwàʼ ane fìŋ zḛ zḛ imbə̀ʼ icheg ne à ya ighumni ne mbə̰ mbe nàʼà abə Anɔŋisəg.