Anyumə̀ ne wì ya pe nyi inga aben məd, wì ya ko se chwìte inug abə bəd inɔb inga ichamì Ŋwiye. Anug ya chè awɔb, mbi se bìri gha, “Wə̀d gho̰ kə̀ nìŋi iku iwe gho̰ fɔrɔ ika ni fàʼ iyeti inug mbo̰ ayeg?
Bəd mbe ne ya zughi inug mbe ne wì yaya chwìte ya yeti. Mbi ya yeti imbə̀ʼ icheg ne wì yaya chwìte inug inɔb icheg wə̀d ne beri ika ni chwiti inug, kayi icheg ne mə̀chwitì mə̀nɔ̀ʼɔ̀ yaya chwìte.
Itog bəd mbàn Ŋwiye tì mə̀chwitì mə̀nɔ̀ʼɔ̀ ya zug anug ne wì ya gha. Ane, mbi yaya se kə̀bə̀ inɔnjì ne zweti aməd. Si ya gha, mbi yaya bɔ aməd imbə̀ʼ icheg ne inɔ̰ bəd we ijìm yaya yeti inug mbe ne wì yaya chwìte.
Igun aneg àzwètì mə̀Ju, wì ya ko ni chwiti inug inga ichamì Ŋwiye. Bəd nɔʼ nɔʼ mbe ne ya yaʼi angu ya zug inug mbe yeti, ane bìri gha, “Wə̀d gho̰ kə̀ nìŋi inug mbo̰ ijìm aya? Wì kə̀ nìŋi iku iwe gho̰ aya? Mbə̀ nḛ inug yeti yeti ne we ghìyə̀!
Anug ya chè wə̀d ijìm ne ya zughi ìngam àbɔrɔ̀bɔd ne Yeso yaya ghàmà. Mbi yaya se ghàmà inug chɔm imbə̀ʼ aməd bə̀ se bìre gha, “Àkə kayi ŋwan Jòseb gho̰?”
