Lk 16:2 - Ikan feg

² Wə̀d ikab we ya kàrì wə̀d àfàʼì məd biri ibo gha, ‹Àkə anug ye ne mə zùghə anìŋ imbə̀ʼ awe? Niŋ ìmbe ìŋwàʼrì àfàʼì yeʼe chwi inum imbə̀ʼ icheg ne chəyi àghò biri ywiri fàʼ àfàʼì azo̰.›

Meta’

² Wə̀d mbɔ̂n we nyaʼa zu əne, tɔŋ əməd biirɨ ɨ bɔ ni, 'À kɨ ənû ə ye nɨ mɨə zu ɨmbə̀ʼ əwe ə? Nɨŋ mbe ɨ̀ŋwàʼnɨ̀ yeʼe chwi ɨchî nɨ àwɔ̀ ə nəŋgɨ mbɨ ɨghɨ, ɨmbə̀ʼ ɨghəm nɨ chəi à bɨrɨ wɨrɨ nəŋgɨ mbɨ ɨghɨ.'

Lk 16:2 교차 참조

Matìyò 12:36

Mə gha tesiʼ inən gha, Wə̀d ijìm biri mə̀tì aton imbə̀ʼ ìngam ako ijìm ne dùwə̀ ibo ichug ane aneg ze ne Ŋwiye biri sɔb isaʼi.

Matìyò 20:8

Àsi ikwikwiri, wə̀d mben vayìn we ya ghà abə wə̀d we ne nə̀ngə ìfàʼì məd gha, ‹Kàra bəd àfàʼì mbe, nàʼ ìwɔb ikab. Ko ane bəd mbe ne mə̀ kə si nwìyḛ̀ ni niŋ si ghò ane ìmbi mbègtog.›

Lk 12:20

Ŋwiye ya si ghà ibo gha, ‹Àghò ya anen. Mə biri niŋ ìwe ìtḛ̀ izimi tèchɔ̀ŋ. Wə̀d ne biri si niŋ ighi mbe ne àghò kàʼi nɔ̀ŋì, àkə we?›

Lk 12:42

Anɔŋisəg ya ywìtì ibo gha, “Wə̀d àfàʼì ne fàʼà ane ìzi fìŋ ijìm bə̀ bèrì iwe, à ya məd ne mbaʼ àfàʼì biri nɔ̀ŋì aməd ane atog wə̀d igun bəd àfàʼì mbin ni gha wì se nàʼà tijəg inɔb igun nyumə̀.

Lk 16:1

Yeso ya ghàm ìngam məgri abə mə̀mə̀nənùg məd gha, “Wə̀d ikab mɔ̀ʼɔ ya nɔŋi wə̀d gha we nḛ ìmbi ighi. Mbi ya ghà abə wə̀d ikab we gha wə̀d àfàʼì məd we iwe nyìme ighi məd icheg ako bə̀ chìkə̀ ikab məd abu abu.

Lk 16:3

Wə̀d àfàʼì we ya kɔndi ibo inga fìŋ gha, ‹Mə kə anìŋ ghì iye? Ìmə mbaʼ àfàʼì ya anìŋ gho chì amə ane àfàʼì. Chəyi mə̀ bə bèrì ika ni tɔŋ isiŋi. Atog ze bə̀ nìrè inum ni ŋa nɔ̰.

Rm 14:12

Wə̀d imɔʼ imɔʼ biri ghum təm imbìghè abə Ŋwiye mə̀tì ìfàʼì mbe ne wì yaya fàʼà igun isəg fɔrɔ aton ne wì ya fàʼi inug mbe.

1 Kɔrèn 1:11

Ìmbum məfi fɔrɔ ìtum njàbi, mə ya ghàmà anìŋ imbə̀ʼ icheg ne bəd mɔ̀ʼɔ inga nəb Kluwè fə ghà inum gha, mbə̰ mbe chɔ̀bɔ.

1 Kɔrèn 4:2

Anug ne mbe kə̀bə̀ abə bəd mbe ne mbi zi àfàʼì inɔb ikye abo ya gha mbe ya fàʼà icheg chɔm ane ìzɔb fìŋ ijìm.

1 Kɔrèn 4:5

Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

2 Kɔrèn 5:10

Tì ya ghìyə̀ ane imbə̀ʼ icheg ne mba məjìm biri ghum təm imbìghè abə Kristo ane isaʼi. Wì biri saʼ awa, wə̀d imɔʼ imɔʼ si niŋ ìwi ineʼi ane icheg ne wì ya fàʼi inug igun isəg aŋa, kə̀ àkə inug chɔm kə̀ inug tibɔ̀ŋ.

1 Timotì 4:14

Imbə̀ʼ àghò waʼra awe ineʼi we ne Ŋwiye nàʼi ine. Ŋwiye ya nàʼ ineʼi ine anjìm Azwighi məd anyumə̀ ne bədkə̀n Ŋwiye ya gha inug imbə̀ʼ awe, itog bəd Kristo bə̀ nɔŋi ìmbɔb ibo igun ine, chàʼra Ŋwiye ine.

1 Timotì 5:24

Inug tibɔ̀ŋ bəd mɔ̀ʼɔ mbe asaŋ asaŋ ne bəd mbe bàrà. Inug tibɔ̀ŋ mbe fə dù zen chwi gha mbɔb fə gùg isaʼi bɔŋ mbi bi se sàʼa awɔb. Inug tibɔ̀ŋ bəd ndəŋ biri dù asaŋ ane agha to sàrì.

1 Pità 4:10

Wə̀d imɔʼ imɔʼ ya wètè mə̀mbin ane ineʼi we ne Ŋwiye ghì ìchɔ̀mì ibo, nàʼ ibo. Wì ya ghìyə̀ ane abə bəd ane ikuchèg ijìm, ane fìŋ ifibì.

1 Pità 4:5

Ane, mbi biri ghum mə̀tì aton ane ìtɔb tìghinùg tijìm abə Ŋwiye. À ya Ŋwiye biri saʼ bəd məjìm mbe ne yaʼi izɔm fɔrɔ bəd mbe ne ya fə ku.

Ɨnû 20:12

Mə ya bàd bəd ne ya fə ku, mbi kwa kwa fɔrɔ mbi kyen kyen. Mbi ya təm imbìghè abə atən ifɔn ze. Mbi ya fìʼì ìŋwàʼrì. Mbi ya bə̀ fìʼì àŋwàʼrì ndəŋ. À ya àŋwàʼrì ne tikum bəd mbe ne biri jəg ìtḛ̀ yaʼi inga. Mbi ya saʼ bəd mbe ne ya fə ku icheg ne ìtɔb tìghinùg ya chwi inga ìŋwàʼrì mbe.