Lk 13:11 - Ikan feg

¹¹ Àyi mɔ̀ʼɔ ya yaʼ angu ne azwighi tibɔ̀ŋ ya ghi wì gumnə ane tituʼ ìghum chɔ̀b ìfàmi. Chəyi wì yaya bè tə̀mə titighe.

Meta’

¹¹ Əyi mɔʼɔ wɨə nyaʼə əŋgu nɨ əzwî rɨbɔ̀ŋ ə nyaʼa ɨŋga məd. Əzwî ze ə nyaʼa ghɨ̀ ni wɨ̀ wɔn ɨghəm ɨwu wum chɔ̀b famɨ. Wɨ̀ nyaʼa gumə, əne chəi ənɨ tɨ̀ wɨ̀ nyaʼa sem i ɨnyod.

Lk 13:11 교차 참조

Matìyò 4:23

Yeso yaya yḛ̀ mà isiŋi ijìm inga Galìli. Wì yaya nè chwìte inug inga ìmbɔb məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya ghùyə̀ aku aghɔn ajìm ne yaʼi igun bəd.

Mk 9:21

Yeso ya biri abə mbaʼ Ŋwan mbaŋà we gha, “Agha fə sà iye ne aghɔn azo̰ yaʼ igun Ŋwan gho̰?” Wì ya ywìtì ibo gha, “Ze ya ko anyumə̀ ne wì yaya kiri ŋwan bɔd.

Lk 13:12

Anyumə̀ ne Yeso ya bàri aməd, wì ya kàrì aməd, wì yèʼe imbìghè. Yeso si ghà ibo gha, “Àyi gho̰, àze aghɔn fə mèg.”

Lk 13:16

Àsi gho̰ ne ya ŋwan inga inəbi ìwi Abràham ne Sàtàn kɔd aməd ane tituʼ ìghum chɔ̀b ìfàmi, chəyi ze bɔŋi ni ghù aməd igun aneg àzwètì?”

Lk 21:28

Inug mbo̰ mə̀ ko ni dù, mbə̀ nyimbi fìŋ se ghɔ̀mɔ̀, kyeri gha nyùmə̀ ne Ŋwiye biri pumne bəd fə tinde.”

Lk 8:2

Mə̀yi mɔ̀ʼɔ yaya bə̀ yḛ̀ abɔ̀ʼ. Mə̀yi mbo̰ ya mbe ne Yeso ya ghù ìmbɔb ighɔn bə̀ kàmni izwighi tibɔ̀ŋ chì inga inɔb, icheg Mèri Màdàlen. Mə̀yi mbo̰ yaya: Mèri we ne izwighi tibɔ̀ŋ ìsàmbe ya du inga məd. Mbi yaya bə̀ kàrà aməd ane Màdàlen.

Lk 8:27

Kwàʼ icheg ne Yeso ya dù inga abaŋ igyi tə̀ʼ aghog igun adiŋi igyi, wə̀d mɔ̀ʼɔ inga aben ze ne izwighi tibɔ̀ŋ ya yaʼi inga məd ya ghò bɔ̀mbì tì Yeso. Agha ya fə sa ne wə̀d gho̰ yaya yḛ̀ tì ìkyèri ikye. Chəyi wì yaya ywìrè chùghə inga nəb. Wì yaya se chùghə yaʼ inga tìseg ne mbi to inga tìgho.

Lk 8:43

Àyi mɔ̀ʼɔ ya yaʼ inga inɔ̰ we ne yaya ghɔ̰̀ ìseg. Wì ya fə zə̰ ngəʼ ane tituʼ ìghum chɔ̀b ibe. Wì ya fə chìkì ikab ijìm abə mə̀dɔgtà. Chəyi dɔgtà mɔ̀ʼɔ ne tì wì ya ghù aməd.

Ɨ̀fàʼì 3:2

Bəd mɔ̀ʼɔ yaya bèʼè wə̀d mɔ̀ʼɔ ne buʼrə ghò nɔ̀ŋɔ̀ inuʼ ikam mbàn Ŋwiye. Wə̀d we ya buʼrə nɔ̀ʼ kwàʼ ane nyumə̀ ne mbi ya gwi aməd. Inuʼ ikam gho̰ ya mbi yaya kàrà ane Inuʼ ikam Ngwèn. Mbi yaya bèʼè məd ineg ijìm yèʼe nɔ̀ŋɔ̀ angu ane, wì se nɔ̰ ikab abə bəd ne chè nyḭ̀yḛ inga mbàn Ŋwiye.

Ɨ̀fàʼì 4:22

Bəd yaya ghùmnə Ŋwiye imbə̀ʼ ayeti anug ze ne Pità tì Jɔn ya ghì imbə̀ʼ icheg ne wə̀d we ne mbɔb ya ghu aməd ya fə chè tituʼ ìghum ikwè.