Kòlosè 3:8 - Ikan feg

⁸ Àsi amad anìŋ, mbəʼ mənyìʼ waʼ tiku inug te. Inug mbe ya inug icheg: agaŋ tì iswḛ fɔrɔ adɔʼ. Imbə̀ʼ mbə̰ ya chìkə̀ awən tikum bəd. Imbə̀ʼ mbə̰ bə bḛ awən gha ìngam zu zu duwə inən ichug.

Meta’

⁸ Àyɨə rɨ̀nîn, mbə berɨ waʼ ɨnû mbɔ̂ jìm. Əne yɨ ənû nɨ sə ɨtəm, ənû nɨ chɔb, ənû nɨ ghɨ ɨbə, ənû nɨ ghambɨ wə̀d mbɨ ənû ənɨ gham əbɔb ɨŋgam.

Kòlosè 3:8 교차 참조

Matìyò 5:22

Anug ne mə ghà inən amad anìŋ ya gha: Wə̀d mɔ̀ʼɔ mə̀ gaŋ tì ìwi ifi, mbi biri saʼ aməd. Wə̀d mɔ̀ʼɔ mə̀ zɔ̀mbì ìwi ifi, itog bəd ne sàʼa aben biri saʼ aməd. Wə̀d mə ghà abə ìwi ifi gha, ‹Àghò ya anen!› Wə̀d we ne gha ane kyeri gha mbi biri màʼ aməd inga iywid nɔʼ mèg, ne ya asiŋi ichə.

Mk 7:22

ni nɔ̀kì iweg wə̀d kə̀ inɔm wə̀d, ni ghə̀ʼrì ighi bəd, ni ghì ìpàb, ni ghì inug izəg, ni tambi bəd, ni ghì àdeg, ni chìkì tikum bəd, ni nɔ̀ nyɔd fɔrɔ ni ghì inug anen.

Rm 13:13

Tì ghiyə ìwa ikuchèg we yaʼ icheg ìwi bəd ne yaʼi inga ìzḛzḛ tesiʼ. Imbə̀ʼ tì ghò awa ane isiŋi inug ne bəd mbe no be se ghìyə̀ izṵ inug tì inug ka ka. Imbə̀ʼ tì nyìme awa anug ni no be kə̀ àfànì kə̀ anug ni nɔ̀kì mə̀yi kə̀ mbaŋà abu abu kə̀ ìdɔ̀b kə̀ àzɔ̀ŋì.

1 Kɔrèn 3:3

Aton ya gha, mbə̰ mbe kiri ghìyə̀ inug icheg bəd inga isəg. Mbə̰ mbe kiri ghìyə̀ àdeg igun mə̀mbin bə̀ chɔ̀bɔ mbə̰ mbə̰. Imbə̀ʼ àze ze chwìye gha mbə̰ ya bəd inga isəg? Imbə̀ʼ mbə̰ ya anìŋ ghìyə̀ inug kwàʼ icheg bəd ne chəyi mbi kyeri Ŋwiye?

2 Kɔrèn 12:20

Ane, mə we bɔ gha anyumə̀ ne mə̀ biri yeʼe, ighəm mɔ̀ʼɔ chəyi mə̀ biri pè kɔ̀ti awən icheg ne mə̀ kəbi gha mbə̀ yaʼ. Ighəm mɔ̀ʼɔ chəyi mbə̰ inən biri bə kɔ̀ti mə icheg ne mbə̰ mbe kə̀bə̀ gha mə yaʼ. Aton ne mə bɔ ya gha, mə biri pè kɔ̀ti bəd ne chɔ̀bɔ, tì bəd ne ghìyə̀ àdeg, tì bəd ne nɔ̀ŋɔ̀ agaŋ, tì bəd ne sìyè, tì bəd ne chìkə̀ tikum abə mə̀mbin, tì bəd ne ghìyə̀ mənìghe, tì bəd ne nɔ̀ nyɔd fɔrɔ bəd ne bùrə̀ isiŋi.

Gàlesìyà 5:15

Mbə̰ mə̀ ya ghìyə̀ inug yaʼ icheg nyam tɔ tɔ ne nɔ̀mbɔ ìtin zwète, nji mbə biri nimni awən mbə̰ mbə̰.

Gàlesìyà 5:20

anug ni ghumni mə̀ŋwiye, anug izəg, ìpàb, anug ni kaʼ àzɔ̀ŋì inga bəd, àdeg, agaŋ ka ka, isi, anug ni zi àghàpì inga bəd ghì bəd se chùghə akoʼi akoʼi,

Gàlesìyà 5:26

Ane, imbə̀ʼ tì ya nɔ̀ awa nyɔd. Imbə̀ʼ tì ya ghìyə̀ awa gha bəd gaŋ. Imbə̀ʼ tì ya bə̀ ghə̀ʼrə̀ awa ighi bəd.

Efesùs 4:22

Mbə̀ waʼ ìwən ikuchèg anun we ne yaya ghìyə̀ mbə se gùghə̀ inug. Ikuchèg we yaya chìkə̀ awən ghìyə̀ mbə se kɔ̀ŋɔ̀ yaʼ inug mbe ne ghìyə̀ mbə fèbrè.

Efesùs 4:25

Wə̀d imɔʼ imɔʼ abɔ̀ʼ inən waʼ inug ako se ghàmà məyi tesiʼ imbə̀ʼ mə̀mbin imbə̀ʼ icheg ne tì fə si bəd imɔʼ anjìm Kristo.

Efesùs 4:26

Imbə̀ʼ wə̀d mɔ̀ʼɔ saŋa yi gha agaŋ ghiyə wì gughə anug. Imbə̀ʼ wə̀d gaŋ yi nèʼre.

Efesùs 4:29

Imbə̀ʼ mbə̰ ghama awən ìngam tibɔ̀ŋ. Mbə̀ ghama yaʼ tìngam chɔm ne biri ghì mbə kweg, bəd ndəŋ ne biri zug tìngam te bə̀ kweg.

Efesùs 5:4

Chəyi ze bɔŋi gha mbə̀ ya ghàmà izṵ inug kə̀ ghìyə̀ tìcheg ane izṵ inug kə̀ ghàmà tìngam anen. Anug ne bɔŋi ya gha mbə̀ ya nàʼà yaʼ məyakà abə Ŋwiye.

Kòlosè 3:5

Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.

Kòlosè 3:9

Icheg ne mbə̀ fə waʼi ìwən ikuchèg anun we ne yaya tḭ̀yḛ̀ awən mbə ghìyə̀ inug mbe ne ìtən nyàmnyɔd te ghə̀ʼrə̀, imbə̀ʼ mbə̰ ya ghàmà awən inug ako igun mə̀mbin.

1 Timotì 1:13

Ka mə yaya chɔ̀ʼɔ ibɔʼì ighog abə bəd Kristo, bə̀ kaʼa inug ako zìyè igun inɔb, bə̀ kìghə̀ inug, Ŋwiye ya chwi àsɔ̀mnəfiŋ inum. Aton ya gha, mə yaya ghìyə̀ inug mbe abəŋ fɔrɔ imbə̀ʼ icheg ne chəyi mə̀ ya nɔŋi ibḛfiŋ igun Kristo.

1 Timotì 1:20

Bəd mɔ̀ʼɔ abɔ̀ʼ inɔb ya Hemenùs tì Àlèzandà. Mə fə sàŋì awɔb ikye abo abə Sàtàn gha wì chwi inɔb gha chəyi ze bɔŋi ni ghàm inug tibɔ̀ŋ imbə̀ʼ Ŋwiye.

Mə̀Hibrù 12:1

Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè.

Jems 2:7

Imbə̀ʼ à ya mbɔb mbe chìkə̀ ikum chɔm we ne Ŋwiye nàʼi inən?

1 Pità 2:1

Mbə̀ waʼ inug tìbɔŋ ijìm, bə̀ waʼ anug ni tambi bəd. Mbə̀ bə waʼ anug ni fùbrì inug, bə̀ waʼ anug ni ghì àdeg fɔrɔ anug ni chìkì tikum bəd.

2 Pità 2:18

Mbɔb ya ghàmà inug ako məyi ni kɔ̀m igo bə̀ ghìyə̀ məyi inug ne ìtɔb nyàmnyɔd te ghə̀ʼrə̀. Mbɔb ya nə̀rə bəd mbe ne chìyè ìfɔb ìfeg ane bəd inug tibɔ̀ŋ ni ghì gha mbe febe.

2 Pità 2:7

Wì ya pumni Lɔd ne ya yaʼi wə̀d ne təmi kòʼ bə̀ yaʼ wə̀d ne inug tibɔ̀ŋ ìmbi bəd mbe ne chəyi mbe nɔ̀ŋɔ̀ mə̀nɔ̀ʼɔ̀ yaya se aməd.

Jûd 1:13

Mbɔb ya icheg àwàwà ka ka. Ìmbɔb inug tibɔ̀ŋ ya kɔ̀ʼɔ icheg ifo zìyè tìnìrètog igun inɔb. Mbɔb ya icheg titəm iməg te ne bàrà chè che. Si ya gha, Ŋwiye fə ghɔmbi asiŋi nɔ̀ŋì inɔb inga isəg afub ne fḭ̀yḛ̀ nyìm. Mbi biri yaʼ inga ane ighə̀m imɔʼ

Jûd 1:8

À ya bə̀ ane ne bəd mbo̰ ne chwìte inug ako mbe tə̀mə igun ìmbɔb inatì njə̀m se nìŋə ìtɔb nyàmnyɔd ghìyə̀ inug tibɔ̀ŋ angu. Chəyi mbɔb mbe zùgrə anug ne Ŋwiye we ghà. Mbɔb ya ghàmà inug tibɔ̀ŋ igun mbè angirə̀ ne yaʼi ikaŋ àbɔ̀ŋɔ.

Ɨnû 16:9

Azuʼ ka ka ze ya tɔ̀n bəd mbe. Ane, mbi ya zɔ̀mbì ikum Ŋwiye we ne beri ika igun ngəʼ ka ka te. Si ya gha, chəyi mbi ya bə̀ŋi ìtɔb fìŋ ni se ghùmnə Ŋwiye.