Kòlosè 3:5 - Ikan feg

⁵ Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.

Meta’

⁵ Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

Kòlosè 3:5 교차 참조

Matìyò 15:19

À ya ane imbə̀ʼ icheg ne tikɔndi tibɔ̀ŋ ya dùwə̀ inga fìŋ wə̀d. Tikɔndi tibɔ̀ŋ te ya inug icheg: anug ni zweti wə̀d, tì anug ni nɔ̀kì iweg wə̀d kə̀ nɔ̀kì inɔm wə̀d, tì anug ni nɔ̀kì àyi kə̀ nɔ̀kì mbaŋà abu abu, tì anug ni ji, tì anug ni bḛ anug ako igun wə̀d, fɔrɔ anug ni chìkì ikum wə̀d.

Rm 1:26

Anjìm inug mbo̰ ne mbɔb mbe ghìyə̀, Ŋwiye fə sàŋì awɔb abə ìmbɔb inug tibɔ̀ŋ mbe ne nàʼà tìnìrètog abə bəd. Mə̀yi mbe ne abɔ̀ʼ inɔb fə bə̀ŋì anug ni fɔti tì mbaŋà se fɔ̀tɔ awɔb yaʼ tì mə̀yi awən.

Rm 1:29

Tiku inug tibɔ̀ŋ ijìm fə nyi zweg inga inɔb: inug tibɔ̀ŋ, àdeg, anug ni ghə̀ʼrì ighi bə kɔ̀ŋɔ̀ ni ghì inug tibɔ̀ŋ igun mə̀mbin; mbɔb fə zì atog ane anug ni ghì àdeg, anug ni zì fìŋ igun ighi bəd ndəŋ, anug ni zweti bəd, achɔb, anug ni tambi bəd fɔrɔ ane anug ni taŋ mənaŋ. Mbɔb mbe ghìyə̀ mənèghe;

Rm 6:13

Imbə̀ʼ mbə̰ naʼa awən apan ni gha inug tibɔ̀ŋ niŋ àzən asiŋi nyɔd mɔ̀ʼɔ ka. Ze bɔ̀ŋ yaʼ gha mbə̀ naʼa ìtən nyàmnyɔd tijìm abə Ŋwiye ni ya fàʼà inug chɔm icheg bəd mbe ne Ŋwiye fə zwemni awɔb iwu. Mbə̀ naʼa ìtən nyàmnyɔd abə Ŋwiye icheg ighi àfàʼì mbe ne fàʼà yaʼ inug ne təmi kòʼ.

Rm 6:6

Tè kyèri gha Yeso ya fə bèʼì ìwa ikuchèg anun ne ya ikuchèg tibɔ̀ŋ ku igun azed abaʼri tì ìwiwən ni chìkì ika inug tibɔ̀ŋ igun ina. Wì ya ghì ane ni gha imbə̀ʼ tì ywiri yaʼ awa məfeg abə inug tibɔ̀ŋ.

Rm 7:23

Si ya gha, tesiʼ ndəŋ ne mə se bàrà inga anug azo̰ ya gha, à ya inug tibɔ̀ŋ fə jəg ìmə nyàmnyɔd ijìm. Inug tibɔ̀ŋ mbo̰ mbe zɔ̀ŋɔ̀ tikɔndi chɔm ne mə̀ beri . Ane, ghì mə si yaʼ àbòʼì abə inug tibɔ̀ŋ mbe ne kiri biri inga inum.

Rm 7:5

Anyumə̀ ne tì yaya ghìyə̀ inug tibɔ̀ŋ, fìŋ inug tibɔ̀ŋ ze à ya mə̀nɔ̀ʼɔ̀ ya nɔ̀ri inug tibɔ̀ŋ mbe ne ìta nyàmnyɔd yaya ghə̀ʼrə̀. À ya aton ne tì yaya se ghìyə̀ yaʼ inug tibɔ̀ŋ ne zwète awa.

Rm 8:13

À ya ane imbə̀ʼ icheg ne wə̀d ne ghìyə̀ inug mbe ne nyàmnyɔd məd ze ghə̀ʼrə̀, tengàŋ biri ku nim. Àsi wə̀d ne Azwighi Ŋwiye chiki ika we ne inug tibɔ̀ŋ beri igun bəd chì inga məd, tengàŋ biri jəg ìtḛ̀.

1 Kɔrèn 5:1

Mə zug gha bəd mɔ̀ʼɔ mbe abɔ̀ʼ inən ne ghìyə̀ ifanì inug. Iku àfànì we bə, fɔrɔ bèyi abə bəd ne chəyi mbi kyeri Ŋwiye. Mə fə zug gha wə̀d mɔ̀ʼɔ abɔ̀ʼ inən we nɔ̀kɔ̀ iweg mbaʼ məd.

1 Kɔrèn 6:11

Bəd mɔ̀ʼɔ abɔ̀ʼ inən yaya ghìyə̀ inug mbo̰. Si ya gha, ika Anɔŋisəg Yeso Kristo fə chè anjìm Azwighi Ŋwiye sò awən bə̀ zèni awən, ghì mbə təm kòʼ imbìghè abə Ŋwiye.

1 Kɔrèn 6:13

Wə̀d ndəŋ we tì wì gha, “Ighijəg mbe ne bəd mbe jə̀ghə ya chè ghò inga fibum imbə̀ʼ icheg ne fibum ya abə ighijəg.” Tesiʼ ne angu ya gha, Ŋwiye biri zì ìnwḭ ane ighi mbo̰ ibe. Chəyi Ŋwiye ya tangi nyàmnyɔd wə̀d gha mbi ŋa fànà. Tì kòʼ ni niŋ ìta nyàmnyɔd fàʼ abə Ŋwiye. À ya Anɔŋisəg we kyèʼrè ìta nyàmnyɔd.

1 Kɔrèn 6:18

Mbə̀ noro awən ane anug àfànì! Inug tibɔ̀ŋ ndəŋ mbe ne bəd mbe ghìyə̀ ijìm ya kayi igun nyàmnyɔd wə̀d icheg anug àfànì. Wə̀d ne fànà ya ghìyə̀ anug tibɔ̀ŋ kwàʼ igun ìzi nyàmnyɔd.

2 Kɔrèn 12:21

Mə we bɔ gha, anyumə̀ ne mə̀ ywirì yèʼe, Ŋwiye biri swi amə aseg inən imbìghè. Ŋwiye biri ghì mə dèg imbə̀ʼ bəd nɔʼ nɔʼ ne chəyi mbi kiri bəŋi fìŋ sìkì inug tibɔ̀ŋ. Chəyi mbi kiri bəŋi ìtɔb fìŋ chì ane àfànì tì anug ni nɔ̀kì mə̀yi kə̀ mbaŋà abu abu.

Gàlesìyà 5:24

Bəd mbe ne yaʼi bəd Yeso Kristo, mbɔb ya chùghə icheg bəd ne ìtɔb nyàmnyɔd fə ku ane inug tibɔ̀ŋ mbe ne nyàmnyɔd wə̀d ze ghə̀ʼrə̀.

Efesùs 4:19

Icheg ne ìtɔb fìŋ fə tu ne chəyi tìnìrètog we ywìrè gwìyè awɔb, mbɔb fə nàʼ ìwɔb nyɔd ane inug tibɔ̀ŋ. Mbi ya ghə̀ʼrə̀ tiku izṵ inug ijìm.

Kòlosè 2:11

Mbi ya fə ŋwed awən icheg ne mbə̀ yaʼi ane ifɔti tì Kristo. Si ya gha, àŋwerì azo̰ ya kayi bəd faʼi ane ibo. Àŋwerì azo̰ ya icheg we ne Kristo kɔ̀pi ìtən fìŋ, chì ikuchèg tibɔ̀ŋ we ne ìtən nyàmnyɔd te ghə̀ʼrə̀.

1 Tèsàlonikà 4:3

Anug ne Ŋwiye kə̀bi ya gha mbə̀ chughi ane ikuchèg ne zḛ. Chəyi Ŋwiye kə̀bi gha, mbə̀ ya nɔ̀kɔ̀ mbaŋà kə̀ nɔ̀kɔ̀ mə̀yi abu abu.

1 Tèsàlonikà 4:5

Imbə̀ʼ wə̀d mɔ̀ʼɔ abɔ̀ʼ inən si ghə̀ʼrə̀ yi anug ni nɔ̀kì mə̀yi kə̀ nɔ̀kì mbaŋà icheg ne bəd ne chəyi mbi kyeri Ŋwiye mbe ghìyə̀.

1 Timotì 6:10

À ya ane imbə̀ʼ icheg ne anug ni taŋ kɔ̀ŋ ikab ya aghi ne ghìyə̀ bəd fàʼà tiku inug tibɔ̀ŋ ijìm. À ya anug ni noto abɔ̀ʼ ikab ze ghìyə̀ gha bəd nɔʼ nɔʼ waʼ ìwɔb ibḛfiŋ, se zə̰ aku ngəʼ ndan ndàn ne zìyè ibəʼ inɔb inga fìŋ.

Mə̀Hibrù 12:16

Imbə̀ʼ wə̀d mɔ̀ʼɔ abɔ̀ʼ inən ya nɔ̀kɔ̀ yi mbaŋà kə̀ mə̀yi abu abu. Imbə̀ʼ wə̀d mɔ̀ʼɔ bə yaʼ yi icheg Esawò ne chəyi wì ya kyeri Ŋwiye. Esawò yaya ghìyə̀ inug ne chəyi mbi koʼi imbìghè abə Ŋwiye. Chəyi wì yaya bə̀ bɔ Ŋwiye. Wì ya fèn àzi ati ŋwan mbèg ane akaŋ ighijəg.

Mə̀Hibrù 13:4

Wə̀d ijìm ghumni inam. Imbə̀ʼ wə̀d waʼ yi ìwi iweg kə̀b àyi ndəŋ. Imbə̀ʼ àyi bə waʼ yi ìwi inɔm kə̀b mbaŋà ndəŋ. Tesiʼ ya gha, Ŋwiye biri sɔb isaʼi zì ngəʼ igun bəd mbe ne fànà.

Mə̀Hibrù 13:5

Mbə̀ chiye àzən adɔʼ ane anug ikab. Mbə̀ ya gyènde tì ighi mbe ne mbə̀ beri imbə̀ʼ icheg ne Ŋwiye gha, “Chəyi mə̀ biri ghum nɔ̀ʼ sàŋì awən kə̀ bə̀ waʼ awən.”

Jems 4:1

Aghi ze ne ghìyə̀ mbə zɔ̀ŋɔ̀ bə̀ chɔ̀bɔ mbə̰ mbə̰ àkə aghə? Imbə̀ʼ àzɔ̀ŋì ya nɔ̀ʼɔ ane ighi mbe ne ìtən fìŋ te ghə̀ʼrə̀?

1 Pità 2:11

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ ya bəd tìsɔ̀ʼ inga isəg gho̰ ne bə yaʼ mə̀nɔʼɔ. Ane, mə we bòʼo ibo inən gha mbə̀ chìye ìfən ifeg ane inug tibɔ̀ŋ mbe ne nyàmnyɔd ze ghə̀ʼrə̀. À ya inug tibɔ̀ŋ mbe ya màʼà ibid inən inga fìŋ.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 22:15

Bəd mbe ne yaʼi anjìm isəg ane asiŋi ze ya bəd inug tibɔ̀ŋ tì bəd ne ghìyə̀ tikaŋì tì bəd ne nɔ̀kɔ̀ mə̀yi kə̀ nɔ̀kɔ̀ mbaŋà abu abu tì bəd ne zwète mə̀mbin, tì bəd ne ghùmnə mə̀ŋwiye fɔrɔ bəd ne kɔ̀ŋɔ̀ ni ghà inug ako bə̀ kɔ̀ŋɔ̀ ni ghì inug iji.