Ìmə Mbaʼ, mə kə̀b gha bəd mbe ne àghò ya nàʼi inum, mbe yaʼ tì inum inga asiŋi ne mə̀ yaʼi angu. Ane, mbi biri bàd ìmə ighumni, ne ya ighumni we ne àghò ya kɔ̀ŋi amə, nàʼ inum, bɔŋ se tànga isəg.
Inùg mbo̰ ne yaʼi inga ŋwaʼri azo̰ ya ni ghì gha mbə̀ bḛ gha Yeso ya Wə̀d we ne Ŋwiye zɔ̀ʼi, bə̀ yaʼ Ŋwan Ŋwiye. Mbə̰ mə̀ bḛ, mbə biri jəg ìtḛ̀ ighə̀m imɔʼ.
Ngəʼ kwa kwa ìzo̰ ne te chè inga, chəyi zì biri tàndì. Zì ya chùʼrə awa ni nyi inga nyùmə̀ ighumni ne chəyi wì biri nɔʼ mèg. Nyumə̀ ighumni we taŋ bɔ̀ŋ chè ngəʼ izo̰.
Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.
Anyumə̀ ne wì biri yeʼe, wì biri niŋ ìta nyàmnyɔd ìto̰ ne tì tì ku bə̀ŋì ti si yaʼ icheg nyàmnyɔd ze ne məd ya beri anyumə̀ ne Ŋwiye ya zwemni aməd ane iwu. Wì biri ghì ane anjìm ika we ne wì beri ni tùmbì ighi ijìm.
Anyumə̀ ne mbi zweme, Ŋwiye biri si niŋ awa mba mbe ne si bùʼ igun isəg, ne yaʼi izɔm, tì gho fɔ̀ti abɔ̀ʼ inɔb inga pàʼ ikaŋ. Mba məjìm biri si bɔ̀mbì tì Anɔŋisəg inga ifə, ikaŋ. Tì biri si yaʼ tì məd ane ighə̀m imɔʼ.
À ya mo Pɔl ŋwàʼri àŋwàʼrì azo̰. Ŋwiye ya ghì gha mə̀ yaʼ wə̀dtɔm Kristo icheg ne məd kə̀bi. Ŋwiye ya chà amə gha mə̀ chete anug imbə̀ʼ ìtḛ̀ we ne wì ya kàʼi ni nàʼ ina icheg ne tì yaʼi ane ifɔti tì Yeso Kristo.
Ane, igun aneg ze ne Anɔŋisəg Kristo biri yeʼe ni saʼ isəg, məd we ne sàʼa bəd ane icheg ne koʼi biri nàʼ ineʼi inum. À ya ineʼi we ne məd we nàʼà abə bəd ne ghìyə̀ inug ne təmi kòʼ. Chəyi wì biri nàʼ məyi inum. Wì biri nàʼ fɔrɔ abə bəd mbe ne ghɔ̀mɔ̀ gha wì ywirì yèʼe.
Tè ghiyə ane icheg ne te ghɔ̀mɔ̀ aneg kyen ze ne tì nɔŋi ìta tikɔndi igun. À ya aneg ze ne ìwa Ŋwiye kyen ne pùmnə bəd ne ya Anɔŋisəg Yeso Kristo wì biri yeʼe inga ìzḛzḛ njandi njandi məd.
À ya bə̀ icheg ne Kristo ya nàʼi ìwi nyɔd ighə̀m imɔʼ ane aghi àfàtì ni sò inug tibɔ̀ŋ abə bəd nɔʼ nɔʼ. Ane, Wì biri ywìri yèʼe ni pumni bəd mbe ne ghɔ̀mɔ̀ aməd, kayi ni ghì gha Ŋwiye sò inug tibɔ̀ŋ bəd.
Mbə̀ chuʼri ìtən fìŋ ni ghì inug mbe ne Ŋwiye we kə̀bə̀. Mbə̀ ya nyìmbe nyɔd. Mbə̀ ya nɔ̀ŋɔ̀ ikɔndi məyi ni ghɔ̀m ìchɔ̀mì we ne Ŋwiye biri ghì anyumə̀ ne Yeso Kristo ywirì yèʼe.
Ìmbum bɔn ne mə̀ taŋ kɔ̀ŋ, anug ne mə ghà inən amad anìŋ ya gha, mbə̀ che imbìghè ni chughi ane ifɔti tì Kristo. Anyumə̀ ne məd ywirì yèʼe, chəyi tì biri bɔ. Chəyi tì biri bə bèrì tìnìrètog ni təm ibo imbìghè.
Ìmbum mə̀sə̀ʼ ne mə̀ taŋ kɔ̀ŋ, amad anìŋ, mba ya bɔn Ŋwiye. Chəyi tì kiri kyeri icheg ne tì biri ghum yaʼ. Si ya gha, tè kyèri gha anyumə̀ ne Yeso yèʼe tì biri yaʼ icheg məd imbə̀ʼ icheg ne tè bàd aməd icheg ne wì yaʼi.
Wə̀d ne tì wì zug anug, wì zug anug ne Azwighi Ŋwiye ze ghà abə tifeti bəd Kristo. Mə biri nàʼ ika abə bəd mbe ne bà̰ inug tibɔ̀ŋ gha mbe jəg ane azed ze ne ghìyə̀ gha bəd jəg ìtḛ̀. Azed ze ya inga Paràdayìs Ŋwiye.”
Angirə̀ we ya chwi igyi kyen we ne mənib məd mbe nàʼà ìtḛ̀. Igyi we ya zḛ njànda kwàʼ icheg kristà. Wi yaya dùwə̀ aton atən ifɔn àzi Ŋwiye tì Ŋwan njə̀g.
Ŋwiye zì àbɔrɔ̀bɔd igun bəd mbe ne fə so ìtɔb ndwi ti zen. Ane, mbɔb fə kòʼ ni chè inuʼ ikam nyi inga ikye aben we, jəg titam ane azed ze ne nàʼà ìtḛ̀.
