Kòlosè 3:24 - Ikan feg

²⁴ Mbə̀ ya fàʼà ane imbə̀ʼ icheg ne mbə̰ kyèri gha Anɔŋisəg bèrì chùd ne wì biri nàʼ abə bəd məd. À ya Anɔŋisəg Kristo ne mbə̰ mbe fàʼà ibo.

Meta’

²⁴ Mbə mɨ yeʼə fàʼə̀, mbə̀ kyerɨ ni Ə̀nùŋɨ̀sɨg bɨrɨ chɔʼ ə ə̀fàʼì ənɨ ɨghɨ mbe nɨ wɨ nuŋ ɨ nən ɨkaŋ. Mbə mbɨə fàʼə̀ yeʼ əmbɨ Ə̀nùŋɨ̀sɨg Kristo.

Kòlosè 3:24 교차 참조

Matìyò 10:41

Wə̀d ne niŋi wə̀dkə̀n Ŋwiye imbə̀ʼ icheg ne məd ya wə̀dkə̀n Ŋwiye, tengàŋ biri niŋ chùd wə̀dkə̀n Ŋwiye. Wə̀d ne niŋi wə̀d ne ghìyə̀ inug ne təmi kòʼ imbə̀ʼ icheg ne məd we ghìyə̀ inug ne təmi kòʼ, tengàŋ biri niŋ chùd wə̀d ne ghìyə̀ inug ne təmi kòʼ.

Matìyò 5:12

Mbə̀ taŋ gyèndi imbə̀ʼ icheg ne Ŋwiye biri nàʼ ineʼi kyen inən ikaŋ àbɔ̀ŋɔ. À ya bə̀ icheg ne bəd ya bə chɔʼ ibɔʼì ighog abə bədkə̀n Ŋwiye mbe ne ya bi yaʼ bɔŋ awən.”

Matìyò 5:46

Mbə̰ mə̀ ya kɔ̀ŋɔ̀ məyi bəd mbe ne bə̀ kɔ̀ŋɔ̀ awən, Ŋwiye kə si nàʼ chùd ane àzən àfàʼì iye? Imbə̀ʼ aŋa ya icheg ne bədtag mbe bə̀ ghìyə̀?

Matìyò 6:16

Yeso ya chè imbìghè gha, “Anyumə̀ ne mbə̰ mbe chùghə njèg ni chàʼra Ŋwiye, imbə̀ʼ mbə̰ si ya sɔ̀mnɔ̀ awən icheg ne bəd mbe ne bèmnè inug mbe ghìyə̀. Bəd mbe ne bèmnè inug ya ghìyə̀ ìtɔb tìfe bə ni chwi abə bəd gha mbɔb mbe chùghə njèg chàʼrà Ŋwiye. Mə gha tesiʼ inən gha, mbɔb fə bèrì ìzɔb chùd.

Matìyò 6:5

Yeso ya chè imbìghè gha, “Anyumə̀ ne mbə̰ mbe chàʼrà Ŋwiye, imbə̀ʼ mbə̰ ghiyə awən icheg bəd ne bèmnè inug. Mbɔb ya kɔ̀ŋɔ̀ ni təm inga məchamì Ŋwiye fɔrɔ iban inɔnjì bɔŋ se chàʼrà Ŋwiye. Mbɔb ya ghìyə̀ ane məyi ni gha bəd bara awɔb. Mə gha tesiʼ inən gha, mbi fə bèrì ìzɔb chùd.

Lk 14:14

Ŋwiye biri si nàʼ chùd ine anyumə̀ ne wì biri zwemni bəd ne təmi kòʼ. Wì biri zì àbɔrɔ̀bɔd igun ine imbə̀ʼ icheg ne chəyi tì bəd mbe ywì ìmbe ighi.”

Lk 6:35

Ane, mə ghà tesiʼ inən gha, mbə̀ ya kɔ̀ŋɔ̀ ìmbən bəd ìpàb, ghìyə̀ inug chɔm inɔb, chɔ̀ʼɔ ighi inɔb witì ghɔ̀m gha mbi biri ywìtì inən. Mbə̰ mə̀ ghì ane, ìzən chùd biri nɔʼ. Mbə̰ biri bə yaʼ bɔn Ŋwiyekɔʼ imbə̀ʼ icheg ne məd ya ghìyə̀ ìchɔ̀mì abə bəd ne ghìyə̀ inug izəg, bə̀ fɔrɔ abə bəd ne chəyi mbe bə̀ nàʼà məyakà ibo.

Jn 12:26

Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Ɨ̀fàʼì 20:32

Amad anìŋ, mə zì awən ikye abo abə Ŋwiye bə̀ nàʼ awən abə ikən we ne ghàmà imbə̀ʼ ìchɔ̀mì Ŋwiye. À ya ikən we ne tì wì ghì mbə kweg bə̀ bèrì ighi mbe ne Ŋwiye nɔŋi abə bəd məjìm mbe ne Ŋwiye ghi mbi zen.

Rm 1:1

À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

Rm 14:18

Bəd mə̀ ya fàʼà abə Kristo ane ikuchèg gho̰, nji Ŋwiye biri ya gyènde tì inɔb, bəd bə̀ bḛ gha mbe fàʼ icheg chɔm.

1 Kɔrèn 11:23

Anug ze ne mə̀ ya zughi abə Anɔŋisəg, à ya àzewən ne mə̀ ya chwiti inən. Anug ze ya gha, izimi we ne mbi ya fḛ Anɔŋisəg, wì ya niŋ ngə̀ŋ,

1 Kɔrèn 3:8

Wə̀d ne nyɔ̀ʼɔ̀ tì wə̀d ne chùbrə̀, mbɔb məjìm ya andəŋ andəŋ. Ane, Ŋwiye biri nàʼ chùd wə̀d icheg ne àfàʼì məd chwi.

1 Kɔrèn 7:22

Wə̀d ne yaʼi àbòʼì ane nyùmə̀ ne Anɔŋisəg ya kàri aməd, wì fə se yi ane ìwi ighəm icheg ne wì yaʼ ane ifɔti tì Anɔŋisəg. À ya bə̀ ane ne, wə̀d we ne yaʼi yi ane ìwi ighəm anyumə̀ ne Anɔŋisəg ya kàri aməd, wì fə se àbòʼì abə Kristo.

Gàlesìyà 1:10

Mbə̰ kə kɔ̀ndɔ gha mo ya kə̀bə̀ gha bəd bḛ gha mo bɔ̀ŋ, kə̀ gha Ŋwiye bḛ gha mo bɔ̀ŋ? Kə̀ mbə̰ kə kɔ̀ndɔ gha mo ya kə̀bə̀ ni ghì inug ne biri bɔ̀ŋ yaʼ abə bəd? Indèʼ ka! Àmə yaʼ aghi ne mo ya kə̀bə̀ ni ghì inug ne biri bɔ̀ŋ yaʼ abə bəd, nji mo kayi ywìrè wə̀d àfàʼì Kristo.

Efesùs 6:6

Imbə̀ʼ mbə̰ ghumni awən awɔb məyi anyumə̀ ne mbɔb mbe nḛ̀ awən, ni ghì gha mbɔb ya gyènde tì inən. Mbə̀ ya ghìyə̀ ane ane ìzən fìŋ ijìm icheg ìbòʼì abə Kristo ne ghìyə̀ inug ne Ŋwiye kɔ̀ŋi.

Efesùs 6:8

Mbə̀ ya fàʼà ane imbə̀ʼ icheg ne mbə̰ kyèri gha, Anɔŋisəg biri nàʼ chùd abə wə̀d ijìm ane àfàʼì chɔm ne wì fàʼi, kə̀ tengàŋ kə àbòʼì kə̀ chəyi.

Kòlosè 2:18

Imbə̀ʼ mbə̰ saŋa awən gha bəd mɔ̀ʼɔ ya kɔ̀mɔ̀ igo inən imbə̀ʼ icheg ne mbɔb mbe gha Ŋwiye we ghàmà inɔb inga inati njə̀m. Tiku bəd te ya kə̀bə̀ gha bəd mənyìʼ swi nyɔd aseg bə̀ ghùmni mbè angirə̀. Mbɔb ya ghìyə̀ ane ni chwi inən gha chəyi mbə̀ koʼi ni bèrì ineʼi we ne Ŋwiye nɔŋi inən icheg ne mbə̀ yaʼi ane anug amɔʼ tì Kristo. Imbə̀ʼ mbə̰ bḛ awən. Mbɔb ya nɔ̀ nyɔd ati ako, ghàmà yaʼ inug ne tikɔndi wə̀d te chwìte.

Mə̀Hibrù 10:35

Ane, imbə̀ʼ mbə̰ chiye awən ibḛfiŋ igun Anɔŋisəg imbə̀ʼ icheg ne ibḛfiŋ we biri nàʼ chùd ne faŋi inən.

Mə̀Hibrù 11:6

Wə̀d ne chəyi wì beri ibḛfiŋ, chəyi tì tengàŋ ghì inug ne Ŋwiye kɔ̀ŋi. À ya ane imbə̀ʼ icheg ne wə̀d ne kə̀bə̀ ni ya ghùmnə Ŋwiye, wì mənyìʼ bèrì ibḛfiŋ gha Ŋwiye we angu bə̀ nàʼà chùd abə bəd mbe ne kə̀bə̀ ni kyeri aməd ane ìzɔb fìŋ ijìm.

Mə̀Hibrù 9:15

Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

1 Pità 1:4

Anug azo̰ fə bə̀ ghì gha tì jəg ighi mbe ne wì nɔŋi ikaŋ àbɔ̀ŋɔ abə ìmbi bəd. Ŋwiye fə nɔ̀ŋì ighi mbe ikaŋ àbɔ̀ŋɔ asiŋi ne chəyi mbi biri nɔʼ bɔb kə̀ bə kə̀ kɔ̀pɔ.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.