Kòlosè 3:2 - Ikan feg

² Mbə̀ nɔŋɔ ìtən tikɔndi məyi igun ighi mbe ne yaʼi ikaŋ àbɔ̀ŋɔ, kayi igun ighi mbe ne yaʼi igun isəg.

Meta’

² Mbə̀ nuŋ tə rɨkɔndɨ àmei ɨgun ɨghɨ mbe nɨ yeʼ ɨkaŋ, kaʼi ɨgun mbe nɨ yeʼ ə si.

Kòlosè 3:2 교차 참조

Matìyò 16:23

Yeso ya ghabri ghà abə Pità gha, “Sàtàn! Nɔ̀ʼɔ inum anjìm! Àghò we kə̰ ìmə inɔnjì. Chəyi àghò nɔŋi ìwe ikɔndi igun anug ne Ŋwiye kə̀bi. Àghò nɔ̀ŋì ìwe ikɔndi yaʼ məyi igun anug ne wə̀d-aku we kə̀bə̀.”

Matìyò 6:19

Yeso ya chè imbìghè gha, “Imbə̀ʼ mbə̰ nɔŋɔ awən ìmbən ighi igun isəg ne ìfùmə fɔrɔ ìsəʼə biri chìkì kə̀ məji tòʼ nəb nyi ji.

Lk 12:15

Wì ya si ghà abə inɔ̰ bəd we gha, “Mbə̀ pata awən bə̀ we awən imbə̀ʼ anug ni ghə̀ʼrì ighi. Chəyi wə̀d we kweʼè chùghə izɔm imbə̀ʼ icheg ne wì beri ighi nɔʼ nɔʼ.”

Lk 16:11

Ane, Àkə mə̀ chəyi mbə̀ nyimi ighi ikab mbe igun isəg aŋa icheg chɔm, wə̀d ne biri si nàʼ ijiʼi ighi ikab inən àkə we?

Fìlipì 1:23

Inug mbo̰ ibe yaʼ inum inga fìŋ. Mə kɔ̀ŋ ni ku amə, ghò abɔ̀ʼ Kristo ne yaʼi anug ne bɔŋi chè.

Kòlosè 3:1

Icheg ne Ŋwiye fə zwemni awən ane iwu tì Kristo, mbə̀ si nɔ̀ŋì ìtən fìŋ igun ighi mbe ne yaʼi ikaŋ àbɔ̀ŋɔ, igun asiŋi ne Kristo chughi angu aba abo jəghi Ŋwiye.

Kòlosè 3:5

Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.