Kòlosè 3:10 - Ikan feg

¹⁰ Amad anìŋ, mbə̰ fə bèrì ikuchèg feg. À ya Ŋwiye ya nàʼi ikuchèg feg gho̰ ni gha mbə̀ taŋ kyèri aməd we ne ghi mbə bèrì ikuchèg feg we.

Meta’

¹⁰ Tɨ̀nîn, mbə fə nɨŋ nyamnyod fi. Ŋwìə̀ wɨə beŋə nyamnyod fi zɔ̂ ni zɨ̀ jeŋgɨ kyerɨ əməd bə̀ chub ɨghabɨ əməd.

Kòlosè 3:10 교차 참조

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Rm 12:2

Imbə̀ʼ mbə̰ ghiyə awən inug icheg we ne bəd inga isəg mbe ghìyə̀. Ane, mbə̀ saŋa Ŋwiye kɔpi ìwən ikuchèg icheg ne məd we nàʼà tikɔndi feg inən. Àze biri ghì gha mbə̀ kyeri inug mbe ne məd kə̀bi. Inug mbe ne məd kəbi ya inug chɔm tì inug ne wì kɔ̀ŋi fɔrɔ inug ne koʼi ibo.

Rm 13:12

Ituʼ fə se chə̀ghə. Aneg feg fə se pè. Ane, tì waʼ inug tibɔ̀ŋ mbe ne bəd ne yaʼi inga afub mbe ghìyə̀ si niŋ ighi ibid. Ighi ibid mbe ya inug chɔm mbe ne bəd mbe ghìyə̀ inga ìzḛzḛ.

Rm 13:14

Mbə̀ ghiyə gha Anɔŋisəg Yeso Kristo ya tùmbə̀ awən. Imbə̀ʼ mbə̰ nɔŋɔ awən ìtən fìŋ igun ighi mbe ne nyàmnyɔd ze ghə̀ʼrə̀.

Rm 6:4

Mənib mbe ne tì ya niŋi ya aneni ni chwi gha mba ya ku, mbi bə̀ twə̀ŋi awa tì Yeso. Ane, icheg ne ika Ŋwiye ya zwemne Yeso Kristo, à ya icheg ne tì koʼi ni se chùghə inga ikuchèg feg.

Rm 8:29

Bəd mbe ne wì ya fə chɔʼi, wì ya fə chì awɔb nɔ̀ŋì icha gha mbe yaʼ icheg Ŋwan məd. Ane ya ni ghì gha Ŋwan məd yaʼ ŋwan mbèg inga inəbi kyen.

2 Kɔrèn 3:18

Mba məjìm mbe ne chəyi ndwi ze ywirì kən ìta tìfe, ne te bàrà icheg ne ìzḛzḛ Anɔŋisəg we njànda icheg ni gha à ya inga manə̀m, Anɔŋisəg ya kɔ̀pɔ awa tì fùghə məd. Tì ya kɔ̀pɔ yètì yeti ghò imbìghè ni bèrì ìzḛzḛ icheg məd. Ìzḛzḛ we ya nɔ̀ʼɔ ibo, məd we ne yaʼi Azwighi Ŋwiye.

2 Kɔrèn 4:16

À ya aton ze ne chəyi ìta fìŋ te bɔ̀rɔ, ka ìta nyàmnyɔd te kùyə ghò. Ŋwiye we nàʼà ìtḛ̀ feg ina ineg ijìm.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

2 Kɔrèn 5:17

Àze chwi gha wə̀d mɔ̀ʼɔ mə̀ yaʼ ane ifɔti tì Kristo, məd ya si wə̀d feg. Inug anun fə chè, ìmbi feg fə yeʼe.

Gàlesìyà 3:27

Mbə̰ məjìm ne ya yaʼi ane ifɔti tì Kristo anyumə̀ ne mbə̀ ya niŋi mənib, mbə̰ fə si icheg məd.

Gàlesìyà 6:15

Kə̀ mbe ŋwed wə̀d kə̀ chəyi, àze kayi anug mɔ̀ʼɔ ze. Anug kyen ne angu ya gha, ikuchèg wə̀d si yaʼ ìwi feg anjìm ibḛfiŋ məd igun Kristo.

Efesùs 2:10

Mba ya abo àfàʼì Ŋwiye ne wì ya tangi ni gha tì chughi ane ifɔti tì Yeso Kristo ni se ghìyə̀ inug chɔm mbe ne Ŋwiye ya fə bi chùʼri nɔ̀ŋì ina gha tì ghiyə.

Efesùs 2:15

Wì ya nimni mə̀nɔ̀ʼɔ̀ mə̀Ju tì tikə te ne yaʼi inga mə̀nɔ̀ʼɔ̀ fɔrɔ ìwɔb ikuchèg ane ìzi nyàmnyɔd. Kristo ya ghì ane ni gha bəd mbe ne kayi mə̀Ju tì mə̀Ju mbe si yaʼ ane anug amɔʼ ane ifɔti tì məd. Wì ya ghì ane ni gha bəd si chughi ane àbɔrɔ̀bɔd.

Kòlosè 3:12

Mbə̰ ya si bəd Ŋwiye. Wì ya kɔ̀ŋ awən, chɔʼ awən ane ìmbi bəd. Ane, mbə̀ ya bèrè àsɔ̀mnəfiŋ bə̀ ya ghìyə̀ ìchɔ̀mì abə bəd. Mbə̀ ya swìye ìwən nyɔd aseg, bə̀ ya ghìyə̀ inug ane àbɔrɔ̀bɔd bə̀ ya bèrè inyimbifiŋ.

Kòlosè 3:14

Anug kyen igun inug mbo̰ ijìm ya gha, mbə̀ ya kɔ̀ŋɔ̀ bəd məjìm imbə̀ʼ icheg ne à ya àkɔ̀ŋì ze nyìme inug ijìm ane mbi imɔʼ.

Filemɔ̀n 1:6

Mə we chàʼrà Ŋwiye gha, àghò təm kà icheg ne àghò nɔŋi ìwe ibḛfiŋ igun Kristo icheg ina. Ane, Ŋwiye ghiyə àghò taŋ kyèri inug chɔm chɔm ijìm mbe ne tì beri icheg ne tì yaʼi ane ifɔti tì Kristo.

Mə̀Hibrù 6:6

Aton ya gha, icheg ne mbɔb mbe ywìrè bə̀ndə̀ anjìm ghìyə̀ inug tibɔ̀ŋ, ane ya gha, mbɔb mbe ywìrè kɔ̀mbɔ̀ Yeso ŋwan Ŋwiye igun azed abaʼri bə̀ ywìrè zìyè tìnìrètog igun məd asaŋ asaŋ ighəm ndəŋ.

1 Jɔn 2:3

Tì mə ya zùgrə tikə Ŋwiye, nji ze biri chwi gha tè kyèri aməd.

1 Jɔn 2:5

Wə̀d ne zùgrə Ìngam Ŋwiye ya wə̀d ne kɔ̀ŋi Ŋwiye mànì. Anìŋ ya icheg ne tè kyère gha tì we ane ifɔti tì Ŋwiye.

Ɨnû 21:5

Məd we ne ya chughi igun atən ifɔn ze ya gha, “Mbə̀ nḛ, mə tàngi ighi ijìm ane mbi feg!” Wì ya bə̀ ghà inum gha, “Àghò ŋwaʼra anug azo̰ imbə̀ʼ icheg ne inug mbo̰ ya inug tesiʼ ne tì bəd bḛ.”