Kòlosè 1:24 - Ikan feg

²⁴ Mə we gyènde amad anìŋ imbə̀ʼ icheg ne Kristo ya zə̰ ngəʼ imbə̀ʼ awən. Mə ya zə̰ ngəʼ fàʼà anìŋ imbə̀ʼ icheg ne Kristo ya zə̰ ngəʼ imbə̀ʼ ìzi nyàmnyɔd, ni ghì gha zì kweg. Nyàmnyɔd məd ze ya ifeti bəd Kristo.

Meta’

²⁴ Mə wɨə ghaʼə rɨ̀nîn ɨchî nɨ mɨə zəə ŋgəʼ ɨmbə̀ʼ əwən, ɨmbə̀ʼ ɨghəm nɨ mə wɨə màànɨ̀ ɨchî nɨ Kristo nyaʼa zə ŋgəʼ ɨmbə̀ʼ i nyamnyod. Nyamnyod ze yɨ ɨfetɨ bə̂d məd.

Kòlosè 1:24 교차 참조

Mk 10:39

Mbi ya ywìtì ibo gha, “E! Tì we tì tì zə̰ iku ngəʼ we bə̀ niŋ mənib mbe.” Yeso ya si ghà inɔb gha, “Mbə̰ biri zə̰ ngəʼ ze ne mə zə̰, bə̀ niŋ mənib icheg ne mə̀ niŋ;

Ɨ̀fàʼì 5:41

Bədtɔm mbe ya nɔ̀ʼ abɔ̀ʼ bəd mbe ne sàʼa aben se yḛ̀ nè gha, Ŋwiye fə niŋ awɔb ane bəd ne koʼi ni zən ngəʼ bə̀ bèrì tìnìrètog imbə̀ʼ Yeso.

Rm 5:3

Kayi məyi ane. Tì ya bə̀ ywìrè kɔ̀mɔ̀ igo imbə̀ʼ icheg ne te zə̰ ngəʼ. Tì ya kɔ̀mɔ̀ igo imbə̀ʼ icheg ne tè kyèri gha ngəʼ ya ghìyə̀ tì kyère icheg ni nyimi fìŋ.

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

1 Kɔrèn 12:27

Ane, mbə̰ məjìm ya nyàmnyɔd Kristo. Wə̀d imɔʼ imɔʼ bèrì àze asiŋi inga nyàmnyɔd Kristo.

2 Kɔrèn 12:15

Mə biri gyen ni nàʼ ighi ijìm ne mə beri bə̀ nàʼ àmə atog imbə̀ʼ awən. Mə mə̀ taŋ kɔ̀ŋ awən anìŋ, mbə wa biri si kɔ̀ŋ amə məyi iki piʼì?

2 Kɔrèn 6:10

Bəd mɔ̀ʼɔ ya nḛ̀ awa kɔ̀ndɔ gha tì we sɔ̀mnɔ̀, si ya gha, tì ya gyènde awa mà nyumə̀ ijìm. Bəd mɔ̀ʼɔ ya nìŋə awa ane bəd ne chəyi àzɔb, si ya gha, mba ya bəd ne ghìyə̀ bəd ndəŋ faŋà bèrè ighi. Bəd mɔ̀ʼɔ ya nìŋə awa icheg ni gha chəyi tì beri aghi, si ya gha, tè bèrì ighi ijìm.

2 Kɔrèn 7:4

Chəyi mə̀ jə̀mə̀ awən kà. Mə ya bə̀ kɔ̀mɔ̀ ìmə igo imbə̀ʼ awən. Anyumə̀ ne tì yaʼi inga ngəʼ, mbə̰ ya nəri ìmə fìŋ bə̀ ghi mə taŋ gyènde.

Efesùs 1:23

Ifeti we ya nyàmnyɔd Kristo. Kristo we swère inug ijìm imbə̀ʼ ifeti we, icheg we ne wì ya swère inug ijìm isiŋi ijìm.

Efesùs 3:1

À ya imbə̀ʼ anug azo̰ ne Ŋwiye fɔ̀ti bəd məjìm ane ìmbi imɔʼ, ne mo Pɔl yaʼi wə̀d ndəŋ. Mo ya wə̀d ndəŋ imbə̀ʼ awən mbə̰ mbe ne kayi mə̀Ju anjìm icheg ne mə chètè ikən chɔm imbə̀ʼ Yeso Kristo.

Efesùs 3:13

Ane, mə we bòʼo ibo inən gha imbə̀ʼ ìtən fìŋ nɔ̀ʼ bɔd imbə̀ʼ icheg ne mo we zə̰ ngəʼ imbə̀ʼ awən. Inug mbo̰ ijìm ya ni wètì awən.

Fìlipì 3:10

Anug ne mə̀ kə̀bi ya ni kyeri Kristo bə̀ taŋ kyèri ika we ne Ŋwiye ya zwemni aməd ane iwu. Mə kə̀b ni bə zə̰ ngəʼ icheg ne məd ya bə zə̰ ngəʼ. Mə bə̀ kə̀b ni ku kwàʼ icheg ne məd ya bə ku.

Kòlosè 1:18

Məd ya Atog ane ifeti bəd Kristo. Ifeti bəd Kristo ya nyàmnyɔd məd. À ya məd ko anug ifeti bəd Kristo. Məd ya ŋwan mbègtog ne Ŋwiye zwemni ane iwu ni ghì gha wì bere ika igun ighi ijìm.

2 Timotì 1:8

Ane, imbə̀ʼ àghò bere awe tìnìrètog ni ghàm imbə̀ʼ anug ìwa Anɔŋisəg kə̀ imbə̀ʼ amə, mo ne yaʼi wə̀d ndəŋ imbə̀ʼ aməd. Àghò chuʼri ìwe nyɔd ni ya zə̰ ngəʼ imbə̀ʼ anug ni chètì ikən chɔm imbə̀ʼ Kristo icheg inum. À ya Ŋwiye we nàʼà ika ina.

Jems 1:2

Ìmbum məfi fɔrɔ ìtum njàbi, mbə̀ ya gyènde mà nyumə̀ ijìm ne mbə̰ mbe chè inga aku àkwàʼrì nɔʼ nɔʼ.