Kòlosè 1:19 - Ikan feg

¹⁹ Ŋwiye ya kɔ̀ŋ ni ghì gha, Kristo ne ya Ŋwan məd wì yaʼ icheg məd ane inug ijìm.

Meta’

¹⁹ Zɨə nyaʼa bɔ̀ŋ əmbɨ ə Ŋwiə̀ ni Wan məd berɨ mɨchî məd mɨjìm ɨŋga ni.

Kòlosè 1:19 교차 참조

Lk 10:21

Anyumə̀ we, Azwighi Ŋwiye ya ghì igyendi sweg inga fìŋ abə Yeso. Wì si gha, “Ìmə Mbaʼ, Anɔŋisəg ne beri ikaŋ fɔrɔ ìseg. Mə nàʼ məyakà ine imbə̀ʼ icheg ne àghò nə̀m inug mbo̰ abə bəd ne kɔ̀ndɔ gha mbɔb bèrì iwe bə̀ kyèri inug, si chwi abə bəd ne chəyi mbi kyeri. E! Ìmə Mbaʼ, à ya icheg ne àghò kə̀bi gha ze yaʼ.

Jn 1:16

Ìchɔ̀mì məd sweg mànì. Wè ghì gha tì ya jəghə ìchɔ̀mì we mà nyumə̀ ijìm. Məd we bə̀ zìye àbɔrɔ̀bɔd igun ina mà nyumə̀ ijìm anjìm fìŋ chɔm məd ne wì beri igun ina.

Jn 3:34

Wə̀d gho̰ ne Ŋwiye cha ya ghàmà Ìngam Ŋwiye imbə̀ʼ icheg ne Ŋwiye we nàʼà àzi Azwighi ibo ne chəyi tì mbi mə̀grì.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

Efesùs 1:23

Ifeti we ya nyàmnyɔd Kristo. Kristo we swère inug ijìm imbə̀ʼ ifeti we, icheg we ne wì ya swère inug ijìm isiŋi ijìm.

Efesùs 1:3

Tì ghumni Ŋwiye ne yaʼi Mbaʼ abə ìwa Anɔŋisəg Yeso Kristo. Icheg ne tì yaʼi ane ifɔti tì Yeso Kristo, Ŋwiye ghì ìchɔ̀mì ina bə̀ ghì Azwighi məd zì àbɔrɔ̀bɔd ne nɔ̀ʼi ikaŋ àbɔ̀ŋɔ igun ina.

Efesùs 1:5

Ŋwiye ya fə chɔʼ awa nɔ̀ŋì gha zìye biri niŋ awa ane ìmbi bɔn anjìm Yeso Kristo. Wì ya ghì ane icheg ne ze bɔŋi ibo bə̀ yaʼ icheg ne wì kɔŋi gha ze yaʼ.

Efesùs 4:10

Ane, wə̀d we ne ya swiʼi aseg, à ya məd ya bə kɔʼ ghò ikaŋ àbɔ̀ŋɔ ni si yaʼ inga ighi ijìm isiŋi ijìm.

Kòlosè 2:3

Ŋwiye nə̀mbì iwe ijìm fɔrɔ ika ni kyeri inug inga Kristo.

Kòlosè 2:9

Aton ya gha, ka Kristo ya yeʼe igun isəg icheg wə̀d, məd ya kwàʼ Ŋwiye ane inug ijìm.

Kòlosè 3:11

Ane, mbə̰ ya si bəd imɔʼ amad anìŋ. Chəyi ywìrè yi icha mɔ̀ʼɔ ane mə̀Ju tì bəd ne kayi mə̀Ju, kə̀ ane bəd ne mbi ŋweri tì bəd ne chəyi mbi ŋweri. Chəyi ywìrè yi wə̀d mɔ̀ʼɔ ne tì mbi kàrì ane wə̀dnàb kə̀ wə̀d ne yaʼi izimi. Chəyi ywìrè yi ifeg kə̀ wə̀d ne yaʼi yi ane ìwi ighəm. Tiku bəd ìto̰ tijìm ya se ane anug amɔʼ icheg ne mbi yaʼi ane ifɔti tì Kristo imbə̀ʼ icheg ne à ya məd beri aku bəd azo̰ ajìm.