Kòlosè 1:10 - Ikan feg

¹⁰ Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

Meta’

¹⁰ Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

Kòlosè 1:10 교차 참조

Jn 15:16

À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.

Jn 15:8

Mbə mə̀ ya ko titam ndan ndàn ne chwìye gha mbə̰ ya ìmbum mə̀mə̀nənùg, ìmə Mbaʼ ya nìŋə ighumni.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Rm 1:13

Ìmbum məfi fɔrɔ ìtum njàbi ne tì yaʼi ane ifɔti tì Kristo, mə kə̀b gha mbə̀ kyeri gha, mə̀ ya chuʼri nyɔd aghəm nɔʼ nɔʼ ni yeʼe bàd awən ni ghì gha bəd mɔ̀ʼɔ bḛ Yeso icheg ne mə̀ ya bə̀ ghì abə mbin tì bəd ne kayi mə̀Ju. Si ya gha, inug mɔ̀ʼɔ ya təmni amə.

Rm 4:12

Abràham ya bə̀ mbaʼ mbègtog fɔrɔ abə bəd mbe ne mbi ŋweri awɔb ne bə̀ ghìyə̀ inug anjìm icheg ne mbɔb nɔŋi ibḛfiŋ igun Ŋwiye icheg ne Abràham ya bə nɔ̀ŋì ibḛfiŋ igun Ŋwiye bɔŋ mbi se ŋwère məd.

Rm 6:4

Mənib mbe ne tì ya niŋi ya aneni ni chwi gha mba ya ku, mbi bə̀ twə̀ŋi awa tì Yeso. Ane, icheg ne ika Ŋwiye ya zwemne Yeso Kristo, à ya icheg ne tì koʼi ni se chùghə inga ikuchèg feg.

2 Kɔrèn 2:14

Tesiʼ ya gha, tè nàʼ məyakà abə Ŋwiye imbə̀ʼ icheg ne tì yaʼi ane ifɔti tì Kristo. Məd we chè ina imbìghè mà nyumə̀ ijìm ghìyə̀ awa tì yḛ ane iwaŋ icheg mə̀sogyì ne maʼi ibid chè. Məd we ghìyə̀ tì chetè ikən chɔm imbə̀ʼ Anɔŋisəg mà isiŋi ijìm ne te ghò. Ikən chɔm gho̰ ya kwàʼ icheg ifɔ chɔm abə wə̀d ijìm.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

2 Kɔrèn 5:9

Ane, kə̀ tì kə inga nyàmnyɔd ìzo̰ igun isəg aŋa, kə̀ abɔ̀ʼ Anɔŋisəg, tì ya ghìyə̀ ìwa ika ijìm gha Anɔŋisəg ya gyènde tì ina.

2 Kɔrèn 9:8

Ŋwiye we tì wì nàʼ ighi inən abu abu ne che mbe ne mbə̀ kòʼi ni bèrì ni ghì gha mbə biri se ghàpà ighi abə bəd ndəŋ.

Efesùs 1:17

Mə ya chè imbìghè ni ya chàʼrà Ŋwiye gha, Ŋwiye ìwi ìwa Anɔŋisəg Yeso Kristo ne yaʼi Mbaʼ ne bèrì ighumni ijìm, wì naʼa Àzi Azwighi inən imbə̀ʼ Ze ghiyə awən mbə̀ bere iwe. Mə we bə̀ chàʼrà Ŋwiye gha wì chwi tesiʼ imbə̀ʼ Ŋwiye inən imbə̀ʼ mbə̀ kyere aməd icheg chɔm.

Efesùs 2:10

Mba ya abo àfàʼì Ŋwiye ne wì ya tangi ni gha tì chughi ane ifɔti tì Yeso Kristo ni se ghìyə̀ inug chɔm mbe ne Ŋwiye ya fə bi chùʼri nɔ̀ŋì ina gha tì ghiyə.

Efesùs 4:1

Mo ne yaʼi wə̀d ndəŋ imbə̀ʼ icheg ne mə fàʼà abə Anɔŋisəg, mə we bòʼo ibo inən gha mbə̀ chughi kwàʼ ane ikuchèg ne koʼi. À ya ikuchèg ne Ŋwiye ya kàri awən gha mbə̀ chughi angu.

Efesùs 4:13

Ane, mba məjìm biri fɔti ane ibḛfiŋ we imɔʼ, taŋ kyèri Ŋwan Ŋwiye bə̀ kweg kòʼ si yaʼ icheg Kristo.

Efesùs 5:10

Mbə̀ kirə ika ni kyeri aghi ne bɔŋi abə Anɔŋisəg bə̀ fàʼ àzewən.

Efesùs 5:15

Ane, mbə̀ we awən ane ikuchèg ne mbə̰ mbe chùghə angu. Imbə̀ʼ mbə̰ chùghə awən icheg inen. Mbə̀ chughi icheg bəd ne beri iwe.

Efesùs 5:2

Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Fìlipì 4:18

Mə fə bàd ighi mbe ne mbə̀ cha inum. Ighi mbe ne mbə̀ cha mbe kòʼ chè. Mə fə bèrì ìmbum ighi ijìm icheg ne mbə̀ cha Èpàfròditùs wì yeʼe nàʼ ighi inum. Ighi mbe ne mbə̀ ya nàʼi ya icheg ighi àfàtì ne nyòʼro ifɔ chɔm ne ghìyə̀ fìŋ Ŋwiye bɔŋɔ̀.

Kòlosè 2:19

Tiku bəd ìto̰ fə sàŋì anug ni nyimi Kristo ne yaʼi atog abə nyàmnyɔd məd, ne ya ifeti bəd Kristo. À ya Kristo we ghìyə̀ ifeti bəd məd kweghe icheg ne Ŋwiye kə̀bi. À ya məd we nyìme ifeti bəd Kristo kwàʼ icheg ne atog ze nyìme nyàmnyɔd wə̀d ane tinḭ kyen kyen fɔrɔ mə̀nàra.

Kòlosè 2:6

Icheg ne mbə̀ fə bḛ Yeso Kristo gha məd ya Anɔŋisəg, mbə̀ bə chè imbìghè ni ya fàʼà inug icheg ne məd kə̀bi.

Kòlosè 3:20

Mbə̰ bɔn, mbə̀ ya zùgrə ìmbən mə̀mbaʼ fɔrɔ ìmbən mbì ngɔb kwàʼ ane inug ijìm imbə̀ʼ icheg ne à ya ikuchèg ne Anɔŋisəg kə̀bi gha mbə̀ bere.

Kòlosè 4:5

Mbə̀ we awən ane icheg ne mbə̰ mbe ghìyə̀ inug tì bəd mbe ne kayi bəd Kristo. Mbə̀ niŋ apan ze ne mbə̀ yaʼi tì inɔb ghì inug ne chwìye gha mbə̰ ya bəd Kristo.

1 Tèsàlonikà 2:12

Tì yaya tìmbè awən, bə̀ chè imbìghè ni nəri awən bə̀ bòʼo ibo inən gha mbə̀ chughi ane ikuchèg ne biri ghì gha fìŋ Ŋwiye bɔŋɔ. À ya məd kàri awən gha mbə̀ yeʼe nyi inga anug ìfɔ̀n məd fɔrɔ inga ighumni məd.

1 Tèsàlonikà 4:1

Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə.

2 Timotì 2:4

Chəyi mə̀sogyì ne fàʼà beri ni zì ìwɔb nyɔd ane inug ne chè inga aben. Aton ya gha, mbi mə̀ ghì ane, chəyi tì mbi ghì gha atog wə̀d igun mə̀sogyì we ne chɔʼi awɔb wè gyendi.

Tayitùs 3:1

Àghò Tayitùs, àghò wendi abə bəd Kristo mbe a Kred gha mbe ya zùgrə itog bəd Kristo mbe ne tùmbə̀ awɔb bə̀ zùgrə bəd Kristo mbe ne beri ika igun inɔb. Imbə̀ʼ mbi ya ghìyə̀ awɔb tìzughə̀ inɔb. Mbe chuʼri ìwɔb nyɔd ni ya zàmbà ghìyə̀ inug chɔm.

Tayitùs 3:14

Ìmba bəd mənyìʼ nàni icheg ni ya zìyè atog ghìyə̀ inug chɔm. Mbɔb mə̀ ya ghìyə̀ ane mbɔb biri wètì bəd ndəŋ. Ane, chəyi mbɔb biri yaʼ icheg bəd ne chəyi aghi niŋi ane inɔb.

Mə̀Hibrù 11:5

À ya anjìm ibḛfiŋ ne Ŋwiye ya niŋi Enɔ̀g izɔm ghò ikaŋ àbɔ̀ŋɔ. Chəyi wə̀d mɔ̀ʼɔ ya ywirì bàd aməd imbə̀ʼ icheg ne məd ya fə ghò ikaŋ àbɔ̀ŋɔ. Bɔŋ wì ya se ghò ikaŋ àbɔ̀ŋɔ bəd ya kyeri aməd icheg wə̀d ne ghìyə̀ inug ne Ŋwiye kɔ̀ŋi.

Mə̀Hibrù 13:16

Ane, imbə̀ʼ tì wàʼa awa anug ni ya ghìyə̀ ìchɔ̀mì abə bəd tì anug ni ya ghàpà ighi ne tì beri tì bəd imbə̀ʼ icheg ne à ya icheg aghi àfàtì ne ghìyə̀ Ŋwiye gyènde.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

2 Pità 1:8

Aŋa ya ikuchèg ne mbə̀ koʼi ni bèrì. Mbə̰ mə̀ ya ghìyə̀ inug mbo̰ ghò gho imbìghè, mbə̰ biri ya fàʼà inug icheg chɔm bə̀ ghìyə̀ inug chɔm nɔʼ nɔʼ. Ane, ze biri chwi gha inug mbe ne mbə̀ kyeri imbə̀ʼ ìwa Anɔŋisəg Yeso Kristo kayi ati ako.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.

1 Jɔn 3:22

Ŋwiye we nàʼà ighi ijìm mbe ne te kə̀bə̀ ina imbə̀ʼ icheg ne tì we zùgrə mə̀nɔ̀ʼɔ̀ məd bə̀ fàʼà inug ijìm ne bɔŋi ibo.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

3 Jɔn 1:6

Mbi fə mə̀tì icheg ne àghò we kɔ̀ŋɔ̀ bəd abə ifeti bəd Kristo we ne yaʼi aŋa. Mə boʼ ibo ine, àghò wete awɔb, chà awɔb mbe gho ane ikuchèg ne Ŋwiye biri kɔ̀ŋ.