Jn 8:2 - Ikan feg

² Àsi isusu abɔ̀ʼ, wì ya bə̀ndi ghò inga mbàn Ŋwiye. Inɔ̰ bəd ya fete iban məd, wì si chughi aseg se chwìte inug inɔb.

Meta’

² À nyaʼa ɨsɔsɔ əni ze nɨ beenɨ, wɨ̀ nyaʼa wɨrɨ bə̀ndɨ̀ wò ɨŋga mbàn Ŋwìə̀. Bə̂d mɨjìm nyaʼa wò əsɨ məd, əne wɨ̀ nyaʼa chub ə si kɔ chwi ɨnû əmbɨ mɨ̀mə̌d.

Jn 8:2 교차 참조

Matìyò 26:55

Yeso ya si bìri abə tinɔ̰ bəd mbe gha, “Mbə kə̀ si yèʼe ni gwì amə tì tibeg ibid fɔrɔ mboʼ icheg ni gha mo ya tìka iji? Mə yaya chùghə inga mbàn Ŋwiye mà ineg ijìm, chwìte inug inən, chəyi mbə̀ ya gwi amə.

Lk 21:37

Yeso yaya chwìte inug inga mbàn Ŋwiye ineg ijìm. Tikwikwiri tijìm, wì yaya ghò nèghe ikaŋ iwum mə̀Olìf.

Lk 21:38

Àsi tisusu tijìm, bəd məjìm yaya fète inga mbàn Ŋwiye ni zug anug ne məd yaya chwìte.

Lk 4:20

Anyumə̀ ne wì ya màni ni fɔŋ asiŋi àŋwàʼrì ze, wì ya ywìrì kad nàʼ abə wə̀d àfàʼì inga ichamì Ŋwiye, si ghò chùghə yi aseg. Wə̀d ijìm ne ya yaʼi inga ichamì we yaya se nḛ̀ məd nḛ.

Lk 5:3

Yeso ya nyi inga abaŋ igyi àze Sayimùn ghà ibo gha wì tḭ nyi inga atəŋ iki piʼì. Wì ya chughi inga abaŋ igyi ze se chwìte inug abə inɔ̰ bəd we.

Jn 4:34

Yeso ya ghà inɔb gha, “Ìtum tijəg ya ni fàʼ anug ze ne wə̀d we ne cha amə kə̀bi bə̀ màni àfàʼì ze ne wì zi inga ìtum tikye abo.

Jn 8:20

Yeso yaya ghà inug mbo̰ anyumə̀ ne wì yaya chwìte inug inga ikam mbàn Ŋwiye, iban asiŋi ne mbi yaya zìye ituti Ŋwiye. Chəyi wə̀d mɔ̀ʼɔ ya gwi aməd imbə̀ʼ icheg ne chəyi nyùmə̀ məd ni ku ya kiri koʼi.

Jn 8:3

Icheg ne wi yaya ghàmà, mə̀chwitì mə̀nɔ̀ʼɔ̀ tì mə̀Farìsi ya gwi àyi mɔ̀ʼɔ ne we nɔ̀kɔ̀ mbaŋà. Mbi ya niŋ aməd ghò abə Yeso, pè nɔ̀ŋì wì təm imbìghè abə bəd məjìm.

Ɨ̀fàʼì 5:21

Anyumə̀ ne ituʼ ya chəghi, mbi ya ghò nyi inga mbàn Ŋwiye, ko ni chwiti inug icheg ne angirə̀ we ya gha inɔb. Atog wə̀d igun bəd mbàn Ŋwiye tì bəd mbe ne ya yaʼi tì məd ya ghò kàrì itog bəd ne sàʼa aben məjìm tì itog bəd aben mə̀Ju məjìm gha mbe gho fète inga ìwɔb ichamì. Anyumə̀ ne mbi ya gho fète, mbi ya chà bəd gha mbe gho niŋ bədtɔm mbe inga nəb ndəŋ yèʼe.