Jn 7:37 - Ikan feg

³⁷ Igun aneg kyen ze ne iteri ya se mèghè, Yeso ya nɔ̀ʼ təm ghàm ane gì ka ka gha, “Wə̀d ne adɔʼ mənib ze ko aməd, tengàŋ yèʼe inum mə biri nàʼ mənib ibo.

Meta’

³⁷ À nyaʼa əni ze nɨ sɨ nwìə̀, nɨ nyaʼa əni ə kyeŋ ənɨ mbɨ nyaʼə jɨg əchwɨ̂ ze, Yeso nyaʼa nɔ̀ʼ təm rətiə ghàm rɨ̀kǎ ni, “Ədɔʼ ə mɨ ne wə̀d mɔʼɔ, wɨ̀ yeʼe əsɨ num mə̀ naʼ mɨnib ɨ bɔ wɨ̀ nɔ.

Jn 7:37 교차 참조

Matìyò 11:28

“Mbə̀ yeʼe abɔ̀ʼ inum, mbə̰ məjìm mbe ne fə bɔri bə̀ bèʼì mbèʼ ni nìri, mə biri ghì gha mbə̀ zwete.

Matìyò 3:3

Jɔn gho̰ ya wə̀d we ne wə̀dkə̀n Ŋwiye Àzayà ya ghum ghà anug imbə̀ʼ aməd gha, “Wə̀d mɔ̀ʼɔ we kyḛ inga ibad zɔbi gha, ‹Mbə̀ tangi inɔnjì abə Anɔŋisəg. Mbə̀ ghiyə mənɔnjì məd mbe təm!›”

Matìyò 5:6

Ŋwiye zì àbɔrɔ̀bɔd igun bəd mbe ne zi atog ni ghì inug ne təmi kòʼ, imbə̀ʼ icheg ne məd biri nàʼ aghi ne mbɔb mbe kə̀bə̀ inɔb.

Jn 1:23

Wì ya ghà inɔb gha, “Mo ya wə̀d we ne wə̀dkə̀n Ŋwiye Àzayà ya ŋwàʼri imbə̀ʼ aməd gha, ‹Mo ya wə̀d mɔ̀ʼɔ ne kyḛ inga ibad zɔbi gha, mbə̀ sembe inɔnjì abə Anɔŋisəg.›”

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 4:10

Yeso ya ywìtì ibo gha, “Àkə aghi ne àghò kyèri ineʼi we ne Ŋwiye we nàʼà bə̀ kyèri wə̀d we ne bìre mənib ine, nji à ya àghò bìri ibo, wì si nàʼ mənib ne nàʼà ìtḛ̀ ine.”

Jn 4:11

Àyi we ya zug ane, si gha, “Masà, chəyi àghò beri aghi mənib ni toʼ mənib. Ibighi mənib bə̀ sà inga. Mənib ne nàʼà ìtḛ̀ kə àghò biri niŋ aya?

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Jn 5:40

Si ya gha, chəyi mbə̰ mbe kə̀bə̀ ni nɔŋi ìwən ibḛfiŋ igun inum imbə̀ʼ jəg ìtḛ̀.

Jn 6:35

Yeso ya ywìtì inɔb gha, “Mo ya ngə̀ŋ ze ne nàʼà ìtḛ̀. Wə̀d we ne yeʼe inum chəyi njèg biri nɔʼ zaŋ məd. Wə̀d ne zì ìwi ibḛfiŋ igun anug azo̰ ne mə ghà, chəyi adɔʼ mənib biri nɔʼ ko tengàŋ.

Jn 6:37

Bəd məjìm mbe ne ìmə Mbaʼ fə nàʼi inum, mbi biri yeʼe inum. Wə̀d ne biri yeʼe inum, chəyi mə̀ biri kamni aməd.

Jn 6:55

Aton ya gha, ìmə nyàmnyɔd ya kwàʼ tijəg tesiʼ. Àmə anəm ya bə̀ kwàʼ mənoʼ tesiʼ.

Jn 7:28

Yeso yaya kiri chwite inug inga mbàn Ŋwiye. Ane, wì ya si ghàm ane gì ka ka gha, “E! Mbə̰ mbe tì mbə̰ kyeri amə bə̀ kyèri asiŋi ne mə̀ nɔʼi angu. Si ya gha, chəyi mə̀ yeʼe igun isəg ane ìmə ighəm. Wə̀d we ne cha amə, ya wə̀d ne ghà tesiʼ. Chəyi mbə̀ kyeri aməd.

1 Kɔrèn 10:21

Chəyi tì mbə̰ no inga toʼ Anɔŋisəg ywìrì no inga toʼ izwighi tibɔ̀ŋ. Chəyi tì mbə̰ bə̀ jəg igun fiŋaŋi Anɔŋisəg ywìrì jəg igun fiŋaŋi izwighi tibɔ̀ŋ.

1 Kɔrèn 10:4

Mbɔb mə̀jìm ya bə̀ no iku mənib ifibì ne Ŋwiye ya bə nàʼ inɔb. Mbɔb məjìm ya no mənib ne yaya dùwə̀ inga igho we ne Ŋwiye ya nàʼi inɔb. Igho we yaya yḛ̀ tì inɔb. Igho we ya yaʼ Kristo.

1 Kɔrèn 11:25

À ya bə̀ ane ne, anyumə̀ ne mbi ya fə jəghi mànì, wì ya bə̀ niŋ toʼ mənoʼ ghà gha, “Toʼ mənoʼ ìzo̰ ya àmə anəm ne mə̀ wàri ikan feg inga. Mbə̀ ya no anìŋ mà nyumə̀ ijìm ni ya wènde amə.”

1 Kɔrèn 12:13

Kə̀ mbə̰ kə mə̀Ju kə̀ bəd ne kayi mə̀Ju, kə̀ məfeg kə̀ bəd ne kayi məfeg, tì ya niŋ mənib anjìm Azwighi Ŋwiye ze amɔʼ. Ane, tì fə fɔti si nyàmnyɔd imɔʼ. Ŋwiye ya zì Azwighi ze amɔʼ inga ina.

Efesùs 5:18

Imbə̀ʼ mbə̰ si no awən be imbə̀ʼ icheg ne mbə̰ mə̀ no mənoʼ be, mbə biri nyi inga anug ni nɔ̀kì mə̀yi kə̀ mbaŋà abu abu. Mbə̀ saŋa yaʼ Azwighi Ŋwiye ze sweg inga inən.

Ɨnû 21:6

Wì ya ghà inum gha, “Inug ijìm fə mèg, Mo ya Iko bə̀ yaʼ Ìnwḭ. Mo ya Wə̀d mbègtog bə̀ yaʼ Wə̀d ne si nwìyḛ̀. Mə biri nàʼ mənib ane àdùrì ze ne mənib məd mbe nàʼà ìtḛ̀ abə wə̀d we ne adɔʼ mənib ze ko aməd. Wì biri niŋ kwàʼ ako ne chəyi wì nàʼi ikab.

Ɨnû 22:1

Angirə̀ we ya chwi igyi kyen we ne mənib məd mbe nàʼà ìtḛ̀. Igyi we ya zḛ njànda kwàʼ icheg kristà. Wi yaya dùwə̀ aton atən ifɔn àzi Ŋwiye tì Ŋwan njə̀g.

Ɨnû 22:17

Azwighi Ŋwiye tì Àyi igən gha, “Yeʼe!” Wə̀d ijìm ne zughi anug azo̰ mənyìʼ bə̀ gha “Yeʼe!” Wə̀d ne adɔʼ mənib ze ko aməd, wì yeʼe no ane mənib mbe ne nàʼà ìtḛ̀. Wì yeʼe no kwàʼ ako ne chəyi wì nàʼi ikab