Jn 7:19 - Ikan feg

¹⁹ Imbə̀ʼ Muse ya nàʼ mə̀nɔ̀ʼɔ̀ inən? Wə̀d abɔ̀ʼ inən ne nɔ̀ŋɔ̀ mə̀nɔ̀ʼɔ̀ mbe àkə we? Aton ne mbə̰ mbe kə̀bə̀ ni zweti amə àkə gha?

Meta’

¹⁹ Ɨmbə̀ʼ Mose nyaʼa nàʼ tɨkə ɨ nən ə? Àyɨə chəi wə̀d mɔʼɔ rəbɔʼ nən ə nùŋ rɨkə te. Mbə̀ kɨə kə̀b zwiirɨ əmɨ ɨmbə̀ʼ ə yè ə?”

Jn 7:19 교차 참조

Matìyò 12:14

Mə̀Farìsi ya bàd ane, si dù isəg ghò chùʼri yaʼ icheg ne mbi biri zwete Yeso.

Matìyò 21:38

Si ya gha, anyumə̀ ne bəd mbe ne ya nə̀ŋə mben ze ya zə̰ ŋwan məd we, mbi ya ghàm mbɔb mbɔb gha, ‹Aŋa ya àjəgnəb məd gho̰. Mbə̀ yeʼe tì zweti aməd si jəg ighi məd.›

Mk 11:18

Itog bəd mbàn Ŋwiye tì mə̀chwitì mə̀nɔ̀ʼɔ̀ ya zug anug ne wì ya gha. Ane, mbi yaya se kə̀bə̀ inɔnjì ne zweti aməd. Si ya gha, mbi yaya bɔ aməd imbə̀ʼ icheg ne inɔ̰ bəd we ijìm yaya yeti inug mbe ne wì yaya chwìte.

Mk 3:4

Anyumə̀ ne wì ya gha ane, wì ya biri abə bəd mbe gha, “Àkə iku inug weg ne mə̀nɔ̀ʼɔ̀ chwiti gha tì ghiyə igun aneg àzwètì? Àkə ni ghì inug chɔm kə̀ ni ghì inug tibɔ̀ŋ? Anug ne bɔŋi kə ni pumni wə̀d kə̀ ni chə wə̀d?” Bəd mbe ya chim tizi.

Mk 3:6

Mə̀Farìsi mbe ne ya yaʼi angu ya dù ati ati ghò nyìmi ifeti tì mə̀sə̀ʼ ìmbi Erɔ̀d. Mbi ya nyimi ifeti we ni chuʼri icheg ne mbi biri zwete Yeso.

Jn 1:17

Ŋwiye ya chè anjìm Muse nàʼ mə̀nɔ̀ʼɔ̀. Ìchɔ̀mì fɔrɔ tesiʼ si yèʼe anjìm Yeso Kristo.

Jn 10:39

Mbi ya ywìrì kə̀b ni gwì aməd. Si ya gha, wi ya nyaʼ, bu yi inɔb ikye abo.

Jn 11:53

Ni ko ane aneg ze se ghò imbìghè, mbi ya se chùʼrə icheg ne mbi biri zwete Yeso.

Jn 5:16

Itog bəd abə mə̀Ju ya ko se chɔ̀ʼɔ ibɔʼì ighog ìmbi Yeso imbə̀ʼ icheg ne wì ya ghù wə̀d igun aneg àzwètì mə̀Ju.

Jn 5:18

Anyumə̀ ne wì ya ghàmi ane, itog bəd abə mə̀Ju ya se sa̰ iwu ni zweti aməd. Mbi yaya kə̀bə̀ ni zweti aməd kayi məyi imbə̀ʼ icheg ne wì ya gùg mə̀nɔ̀ʼɔ̀ mbe ane aneg àzwètì, à ya imbə̀ʼ icheg ne wì ya gha Ŋwiye ya ìwi Mbaʼ, ane, mə̀grì ìwi nyɔd ane Ŋwiye.

Jn 5:45

Imbə̀ʼ mbə̰ si kɔndi awən gha mə biri puti awən abə ìmə Mbaʼ. Wə̀d ne biri puti awən ya Muse we ne mbə̀ fə nɔŋi ìtən fìŋ igun məd.

Jn 7:1

Yeso ya nɔ̀ʼ a Kàpenàwum si ghò ŋa yḛ̀ yi yaʼ inga Galìli. Chəyi wì ya ywirì kə̀b ni yèn inga Jùdeyà imbə̀ʼ icheg ne itog bəd mə̀Ju mbe angu yaya kə̀bə̀ ni zweti aməd.

Jn 7:25

Anyumə̀ we, bəd mɔ̀ʼɔ ne ya nɔ̀ʼi a Jèrusalèm ya ko se bìre gha, “Àkə kayi wə̀d we ne itog bəd mə̀Ju mbe kə̀bə̀ ni zweti gho̰?

Ɨ̀fàʼì 7:38

Muse ya yaʼ abɔ̀ʼ mə̀Izre inga ibad zɔbi. Wì ya yaʼ tì angirə̀ we ne ya ghàmi ibo ikaŋ Iwum Sanàyì. À ya angirə̀ we ne ya bə̀ yaʼ tì ìmba mə̀mbaʼ aneg. Wì ya niŋ ikən we ne ghìyə̀ gha bəd jəg ìtḛ̀, yèʼe nàʼ ina.

Gàlesìyà 3:19

Icheg ne ze yaʼi ane, àfàʼì mə̀nɔ̀ʼɔ̀ kə ywìrè aghə? Ŋwiye ya yètì mə̀nɔ̀ʼɔ̀ imbə̀ʼ inug tibɔ̀ŋ ne bəd yaya ghìyə̀. Mə̀nɔ̀ʼɔ̀ biri yaʼ ane anene ghò pè ane aneg ne ŋwan we inga aghaŋ inəbi ze Abràham ne Ŋwiye ya kàʼi ibo biri yeʼe. Ŋwiye ya chà mbè angirə̀ gha mbe yeʼe zì mə̀nɔ̀ʼɔ̀ ikye abo abə wə̀d we ne tə̀mə inga ìsàn abə bəd tì Ŋwiye, se dèghè inug bəd abə Ŋwiye.

Gàlesìyà 6:13

Ka bèyi bəd ne mbi fə ŋwed awɔb, chəyi mbɔb mbe nɔ̀ŋɔ̀ mə̀nɔ̀ʼɔ̀ Muse. Mbɔb ya kə̀bə̀ gha mbe ŋwed awən imbə̀ʼ mbɔb se kɔ̀mɔ̀ igo gha, mbɔb fə ghì mbə̰ bḛ, mbi ŋwed awən.