Jn 4:34 - Ikan feg

³⁴ Yeso ya ghà inɔb gha, “Ìtum tijəg ya ni fàʼ anug ze ne wə̀d we ne cha amə kə̀bi bə̀ màni àfàʼì ze ne wì zi inga ìtum tikye abo.

Meta’

³⁴ Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Jn 4:34 교차 참조

Matìyò 26:39

Icheg ne wì ya gha ane, wì ya sùngì ghò imbìghè iki piʼì pè kùbri ìfe aseg, chàʼra Ŋwiye gha, “Ìmə Mbaʼ, icheg mə̀ yaʼ àghò chiye ngəʼ ìzo̰ igun inum. Si ya gha, àghò ghiyə yaʼ anug ne àghò kə̀bi, kayi àze ne mə̀ kəbi.”

Matìyò 3:15

Yeso ya ywìtì ibo gha, “Si ze yaʼ ane amad anìŋ imbə̀ʼ icheg ne ze kòʼ gha tì ghiyə inug ijìm icheg ne Ŋwiye kə̀bi.” Anyumə̀ ne wì ya gha ane, Jɔn ya zug bḛ, si nàʼ mənib ibo.

Matìyò 9:19

Yeso ya nɔ̀ʼ ko ni ghò abɔ̀ʼ məd. Mə̀mə̀nənùg məd ya bə̀ bèni ibo anjìm.

Lk 15:10

Mə gha tesiʼ inən gha, à ya bə̀ ane ne mbè angirə̀ Ŋwiye biri ya gyènde anyumə̀ ne wə̀d imɔʼ ne kə̀ ghìyə̀ inug tibɔ̀ŋ bə̀ŋi ìzi fìŋ.”

Lk 19:10

Ŋwan Wə̀d yeʼe ni kə̀b bəd mbe ne nimi bə̀ pumnə awɔb.”

Lk 2:49

Yeso ya ywìtì inɔb gha, “Àkə chəyi mbə̀ kyeri gha mə kə̀ bèrì ni yaʼ inga nəb ìmə Mbaʼ? Aton ne mbə̰ mbe kə̀bə̀ amə àkə gha?”

Jn 17:4

Mə fə ghì bəd ghumni awe igun isəg anjìm icheg ne mə mani àfàʼì ze ne àghò ya nàʼi inum gha mə faʼa.

Jn 19:28

Yeso ya kyeri àzi aghi gha, inug ijìm fə mèg yi. Ane, ni bə ghì gha, anug ze ne mbi ya ŋwàʼri inga Àŋwàʼrì Ŋwiye ze duwə ane tesiʼ, wì ya gha, “Adɔʼ mənib ze ko amə.”

Jn 19:30

Anyumə̀ ne Yeso ya sɔri mənoʼ ŋwàŋi mbe, wì ya gha, “Ze fə mèg.” Wì ya gha ane, si gùndi atog aseg, Ŋwiye niŋ azwighi məd.

Jn 4:32

Yeso ya ton, ghà inɔb gha, “Mə bèrì tijəg ni jəg ne chəyi mbə̀ kyeri anug mɔ̀ʼɔ imbə̀ʼ tiwən.”

Jn 5:30

Chəyi tì mə ghì aghi mɔ̀ʼɔ ane ìmə ika. Mə ya sàʼa bəd məyi icheg ne Ŋwiye gha inum. Mə ya sɔ̀bɔ isaʼi ane icheg ne koʼi imbə̀ʼ icheg ne chəyi mə ghìyə̀ anug ne mə̀ kɔndi. Mə ya ghìyə̀ yaʼ anug ne wə̀d ne cha amə kə̀bi.

Jn 5:36

Si ya gha, mə bèrì anug ne chwìye gha wə̀d ne mə̀ yaʼi ìwiwən ze chè anug ze ne Jɔn ya gha. Àfàʼì ze ne ìmə Mbaʼ zì inga ìmə ikye abo gha mə fàʼà, a ze ghàmà imbə̀ʼ amə. Àfàʼì azo̰ ajìm ze chwìye gha à ya ìmə Mbaʼ cha amə.

Jn 6:33

Ngəŋ ze ne Ŋwiye we nàʼà à ya məd we ne swiʼi ikaŋ àbɔ̀ŋɔ. À ya məd we ne swiʼi ikaŋ àbɔ̀ŋɔ we nàʼà ìtḛ̀ abə bəd igun isəg.”

Jn 6:38

Aton ya gha, mə nɔ̀ʼ ikaŋ àbɔ̀ŋɔ yeʼe ni fàʼ inug mbe ne wə̀d we ne cha amə wì kə̀bi. Chəyi mə̀ yèʼe ni fàʼ yaʼ inug ne mə̀ kəbi.

Jn 8:29

Wə̀d we ne ya cha amə we yi tì inum. Chəyi wì sàŋi mə tèzìʼì imbə̀ʼ icheg ne mə̀ ya ka fàʼà yaʼ anug ze ne bɔŋi ibo.”

Ɨ̀fàʼì 20:35

Ikuchèg gho̰ ne mə̀ yaya fàʼà inug ijìm angu, ya mə̀ yaya chwìte inən gha ze bɔ̀ŋ ni taŋ fàʼ imbə̀ʼ wètì bəd ne chəyi àzɔb. Mə yaya fàʼà ane nè kɔ̀ndɔ ìngam we ne Anɔŋisəg Yeso ya ghàmi məd məd gha, ‹Ŋwiye ya zìyè àbɔrɔ̀bɔd ze igun wə̀d ne nàʼà chè wə̀d ne nìŋə.›”

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.