Jn 4:23 - Ikan feg

²³ Tesiʼ ya gha, nyùmə̀ we yèʼe ne bəd Ŋwiye biri ya ghùmnə aməd ane icheg ne koʼi. Nyùmə̀ we fə pè. À ya nyùmə̀ ne bəd Ŋwiye biri ya zùghə inug abə Azwighi Ŋwiye se ghùmnə aməd ane icheg ne koʼi. À ya ane imbə̀ʼ icheg ne, à ya tiku bəd te ne Ŋwiye ya kə̀bə̀ gha mbe ya ghùmnə aməd.

Meta’

²³ Nyùmə̀ wɨə yeʼe, əne wɨ̀ fə yeʼe i, nɨ bə̂d bɨrɨ wumnɨ ə Mbǎʼ ɨchî nɨ Əzwî ə chwiə. Zɨə bɨrɨ yeʼ ni mbɨ wumnɨ əməd ɨchî nɨ wɨ̀ yeʼ ə. Bə̂d mbe nɨə ghɨ̀ əne mbɨə wumnɨ ə Mbǎʼ ɨchî nɨ wɨ̀ kə̀bɨ ni mbɨ wumnɨ əməd.

Jn 4:23 교차 참조

Jn 1:17

Ŋwiye ya chè anjìm Muse nàʼ mə̀nɔ̀ʼɔ̀. Ìchɔ̀mì fɔrɔ tesiʼ si yèʼe anjìm Yeso Kristo.

Jn 12:23

Yeso gha ywìtì gha, nyùmə̀ fə kòʼ ne Ŋwiye biri ghì gha mbe ghumni Ŋwan Wə̀d.

Jn 16:2

Bəd biri kamni awən inga məchamì Ŋwiye. Nyùmə̀ we yèʼe ne wə̀d ne zwète awən biri kɔndi gha zìye ya fàʼà yaʼ àfàʼì ne Ŋwiye kə̀bi.

Jn 16:32

Nyùmə̀ we yèʼe ne mbə̀ biri sàkà. Tesiʼ ya gha, nyùmə̀ we fə yeʼe. Wə̀d imɔʼ imɔʼ biri ghò ini inga achan. Mbə̰ biri waʼ amə tèzìʼì. Si ya gha, chəyi mə̀ biri yaʼi tèzìʼì imbə̀ʼ icheg ne ìmə Mbaʼ we yi tì inum.

Jn 4:21

Yeso ya ywìtì ibo gha, “Abo, àghò zug anug ne mə ghà ine. Nyùmə̀ we yèʼe ne chəyi mbi biri ya ywìrè ghùmnə ìmə Mbaʼ məyi ikaŋ iwum aŋa, kə̀ a Jèrusalèm.

Jn 5:25

Mə ya ghà tesiʼ inən gha, nyùmə̀ we yèʼe. Nyùmə̀ we fə pè ne bəd ne fə ku biri zug gì Ŋwan Ŋwiye. Ane, bəd ne zughi biri jəg ìtḛ̀.

Jn 5:28

Imbə̀ʼ anug azo̰ chè yi awən imbə̀ʼ icheg ne nyùmə̀ we yèʼe ne bəd mbe ne ya fə ku, ne yaʼi inga iseg, biri zug gì məd.

Rm 1:9

Ŋwiye we ne mə fàʼà ibo kwàʼ ane ìmə fìŋ ijìm ni chètì ikən chɔm imbə̀ʼ Ŋwan məd, məd kyèri kwàʼ tesiʼ gha mə we wènde awən kwàʼ aghəm ajìm, anyumə̀ ne mə̀ chàʼrà Ŋwiye.

Rm 8:15

Azwighi ze ne Ŋwiye fə nàʼi inən ya kayi ni ghì gha mbə̀ yaʼ ìbòʼì bə̀ ya bɔ. Azwighi ze ya ni ghì gha mbə̀ yaʼ bɔn Ŋwiye. À ya Azwighi ze ze bə̀ nàʼà ika ina tì kara Ŋwiye gha, “Ìwa Mbaʼ, Ìwa Mbaʼ.”

Rm 8:26

À ya bə̀ ane ne Azwighi Ŋwiye ze wètè awa icheg ne tì bɔri. À ya ane imbə̀ʼ icheg ne chəyi tì kyeri icheg ne tì koʼi ni chàʼra Ŋwiye angu. À ya Azwighi Ŋwiye ze chàʼrà Ŋwiye atog ina. Ze ya chwèmè ghà inug ne chəyi tì tì gha.

Gàlesìyà 4:6

Icheg ne tì si yaʼ bɔn Ŋwiye, wì fə chà Azwighi Ŋwan məd inga ìta fìŋ. À ya Azwighi ze ze nàʼà ika abə wə̀d ni kàrì Ŋwiye gha, “Ìmə Mbaʼ, Ìmə Mbaʼ!”

Efesùs 6:18

Mbə̀ bə ya chàʼrà Ŋwiye icheg ne Azwighi Ŋwiye ze nàʼà ika inən. Mbə̀ ya ghìyə̀ ane mà nyumə̀ ijìm ne mbə̰ mbe chàʼrà Ŋwiye, dèghè inug ibo kə̀ bìre ighi ibo. Ane, mbə̀ chughi ikyeʼi. Imbə̀ʼ mbə̰ bɔrɔ awən ni chàʼra Ŋwiye abə bəd məd məjìm.

Fìlipì 3:3

Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.