Jn 3:5 - Ikan feg

⁵ Yeso ya ywìtì ibo gha, “Mə ghà kwàʼ tesiʼ ine gha, Chəyi wə̀d ne tì wì nyi inga anug ìfɔ̀n Ŋwiye, kirəndə mbi gwi aməd ane mənib fɔrɔ ane Azwighi Ŋwiye.

Meta’

⁵ Yeso nyaʼa wììrɨ̀ ni, “Mə ghà rəsìʼ ɨ ne ni chəi wə̀d nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə ənɨ mɨnib bə̀ fɔrɨ ənɨ Əzwî ə Ŋwìə̀.

Jn 3:5 교차 참조

Matìyò 18:3

Wì ya si ghà inɔb gha, “Mə gha tesiʼ inən gha, mbə̰ mənyìʼ kɔ̀pɔ si yaʼ icheg bɔn kwa kwa, nji chəyi mbə̀ biri nyi inga anug ìfɔ̀n ikaŋ.

Matìyò 19:24

Mə ya anìŋ ywìrè ghà inən gha, ze zàm abə kàme ni chè inga ibighi saʼ chè icheg ne ze zami abə wə̀d ikab ni nyi inga anug ìfɔ̀n Ŋwiye.”

Matìyò 21:31

Àkə we abɔ̀ʼ bɔn mbaŋà mbo̰ məbe ne ya fàʼi anug ze ne mbaʼ məd ya kə̀bi?” Mbɔb ya ywìtì gha, “À ya ŋwan mbèg.” Ane, Yeso ya ghà inɔb gha, “Mə gha tesiʼ inən gha, bədtag tì ìkwàrì biri bi nyi inga anug ìfɔ̀n Ŋwiye bɔŋ awən.

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

Matìyò 3:11

Mə ya nàʼà mənib inən ni chwi gha mbə̰ fə bə̀ŋì ìtən fìŋ sìkì inug tibɔ̀ŋ. Si ya gha, wə̀d we ne yèʼe inum anjìm wì bèrì ati chè amə. Chəyi mə̀ koʼi ni bèʼì itami məd. Məd biri chà Azwighi Ŋwiye igun inən bə̀ chà iywid igun inən.

Matìyò 5:20

Mə gha tesiʼ inən gha, àmə chəyi ìmbən inug chɔm bɔŋi chè inug chɔm ìmbi mə̀Farìsi tì mə̀chwitì mə̀nɔ̀ʼɔ̀, nji chəyi mbə̀ biri nyi inga anug ìfɔ̀n ikaŋ.”

Mk 10:14

Si ya gha, anyumə̀ ne Yeso ya bàri anug ze, wì ya gaŋ, si ghà abə ìmbi mə̀mə̀nənùg gha, “Mbə̀ sàŋì bɔn kwa mbe, mbe yèʼe abɔ̀ʼ inum. Imbə̀ʼ mbə̰ kə̰ awən awɔb imbə̀ʼ icheg ne à ya bəd icheg mbo̰ biri jəg anug ìfɔ̀n Ŋwiye.

Mk 16:16

Wə̀d ne bḛ, niŋ mənib, wì biri pum. Àsi wə̀d ne chəyi wì bḛ, Ŋwiye biri zì isaʼi igun məd.

Mk 9:47

Ìwe ighə mə̀ ghì gha àghò ghiyə anug tibɔ̀ŋ, chɔʼ. Ze bɔ̀ŋ gha àghò nyi inga anug ìfɔ̀n Ŋwiye tì ighə imɔʼ, chè icheg ne àghò biri bèrì aghə abe Ŋwiye màʼ awe inga asiŋi ichə.

Lk 13:24

“Mbə̀ kirə ika ni nyi ane inuʼ ikam kwa. Si ya gha, mə gha tesiʼ inən gha, bəd ndan ndàn biri ghum kə̀b ni nyi, si ya gha, chəyi tì mbi nyi.

Lk 13:3

Indèʼ! Mə gha tesiʼ inən gha, mbə̰ mə̀ chəyi mbə̀ bəŋi ìtən fìŋ, mbə̰ inən biri bə ku icheg inɔb.

Lk 13:5

Indèʼ! Mə gha tesiʼ inən gha, mbə̰ mə̀ chəyi mbə̀ bəŋi ìtən fìŋ, mbə̰ inən biri ku icheg inɔb.”

Jn 1:13

Chəyi mbi yaʼi bɔn Ŋwiye icheg we ne wə̀d-aku we gwìye ŋwan, kə̀ icheg we ne wə̀d-aku we chùʼrə, kə̀ icheg ne we kə̀bə̀. À ya kwàʼ məd Ŋwiye nàʼi ati inɔb gha mbe yaʼ ìmbi bɔn.

Jn 3:3

Yeso ya ywìtì ibo gha, “Mə ghà kwàʼ tesiʼ ine gha, mbi mənyìʼ ywìrì gwi wə̀d ighəm ndəŋ bɔŋ wì se nyḭ̀yḛ inga anug ìfɔ̀n Ŋwiye.”

Jn 3:4

Anug ya chè Nìkòdemòs, wì si ywìrì bìri abə Yeso gha, “Wə̀d kə fə mə̀ kweg si wə̀d kyen, mbi kə ywiri gwi aməd iye? Tì wì ywirì nyi inga fibum abə ngɔb məd, ni gha mbe ywirì gwi aməd ighəm ndəŋ?”

Ɨ̀fàʼì 2:38

Pità ya ywìtì gha, “Wə̀d imɔʼ imɔʼ abɔ̀ʼ inən bəŋə ìzi fìŋ chì ane inug tibɔ̀ŋ bə̀ niŋ mənib ane ikum Yeso Kristo ni chwi gha Ŋwiye fə waʼ inug tibɔ̀ŋ məd. Mbə̰ mə̀ ghì ane, Ŋwiye biri nèʼ awən nàʼ àzi Azwighi inən.

Ɨ̀fàʼì 3:19

Ane, mbə̀ bəŋə ìtən fìŋ, waʼ inug tibɔ̀ŋ, ghò abɔ̀ʼ Ŋwiye, ni ghì gha wì waʼ ìmbən inug tibɔ̀ŋ.

Rm 14:17

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

Rm 8:2

À ya ane imbə̀ʼ icheg ne Azwighi Ŋwiye ze ne ghi gha tì jəg ìtḛ̀ icheg ne tì yaʼi ane ifɔti tì Yeso Kristo, ze fə pumni amə chì ane mə̀nɔ̀ʼɔ̀ mbe ne ghìyə̀ gha wə̀d ya ghìyə̀ inug tibɔ̀ŋ mbe ne zwète bəd.

1 Kɔrèn 15:50

Ìmbum məfi fɔrɔ ìtum njàbi, anug ne mə ghà inən ya gha, chəyi wə̀d ne beri nyàmnyɔd tì anəm inga biri jəg anug ìfɔ̀n Ŋwiye. Chəyi nyàmnyɔd ze ne kùyə biri jəg ighi mbe ne yàʼa ane ighə̀m imɔʼ.

1 Kɔrèn 2:12

Amad anìŋ, Azwighi ze ne tì beri ze nɔ̀ʼ yaʼ abə Ŋwiye kayi inga isəg. À ya Azwighi ze ze wètè awa gha tè kyeri tineʼi te ne Ŋwiye fə nàʼi ina.

1 Kɔrèn 6:11

Bəd mɔ̀ʼɔ abɔ̀ʼ inən yaya ghìyə̀ inug mbo̰. Si ya gha, ika Anɔŋisəg Yeso Kristo fə chè anjìm Azwighi Ŋwiye sò awən bə̀ zèni awən, ghì mbə təm kòʼ imbìghè abə Ŋwiye.

Gàlesìyà 6:15

Kə̀ mbe ŋwed wə̀d kə̀ chəyi, àze kayi anug mɔ̀ʼɔ ze. Anug kyen ne angu ya gha, ikuchèg wə̀d si yaʼ ìwi feg anjìm ibḛfiŋ məd igun Kristo.

Efesùs 5:26

Wì ya ghì ane ni sò awɔb gha mbe zen, bə̀ sò awɔb ane Ìngam Ŋwiye icheg ne mbe sò wə̀d ane mənib.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.

1 Pità 3:21

Mənib mbe ya si yaʼ icheg mənib mbo̰ ne mbə̰ mbe nìŋə amad anìŋ ni chwi gha mbə̰ fə pum. Anyumə̀ ne mbə̰ mbe nìŋə mənib, à ya kayi ni sò tifiŋi inən igun nyɔd. À ya anug ni chwi gha mbə̰ bḛ Ŋwiye ane fìŋ zḛ zḛ. Ane, mbə̰ fə pum anjìm icheg ne Yeso Kristo ya zweme ane iwu.

1 Jɔn 2:29

Mbə̰ mə̀ kyèri gha məd ya wə̀d we ne təmi kòʼ, mbə biri bə kyeri gha wə̀d ne ghìyə̀ inug ne koʼi ya ŋwan Məd.

1 Jɔn 5:1

Wə̀d ne bḛ gha Yeso ya Wə̀d we ne Ŋwiye zɔ̀ʼi ya wə̀d Ŋwiye. Wə̀d ne kɔ̀ŋi Mbaʼ ya bə̀ kɔ̀ŋɔ̀ ŋwan məd.