Jn 21:22 - Ikan feg

²² Yeso ya ywìtì gha, “Mə kə mə̀ kə̀b gha wì chughi izɔm pè ane nyumə̀ ne mə̀ biri ywiri yeʼe, àze inga àkə aghə? Àghò bèni abɔ̀ʼ inum”

Meta’

²² Yeso nyaʼa wììrɨ̀ ɨ bɔ ni, “Mə mɨ kə̀b ni wɨ̀ chub ɨka pè ənɨ mə̀ wɨrɨ yeʼe, əze ə kɨə ye ɨ ne ə? Beenɨ əbɔʼ num!”

Jn 21:22 교차 참조

Matìyò 16:24

Yeso ya si ghà abə mə̀mə̀nənùg məd gha, “Wə̀d mɔ̀ʼɔ mə̀ kə̀b ni yaʼ àmə àmə̀nənùg, tengàŋ mənyìʼ ton inug mbe ne nyàmnyɔd məd ze ghə̀ʼrə̀ si bèʼì àzi azed abaʼri bèni abɔ̀ʼ inum.

Matìyò 24:27

Icheg ne àŋwàŋwaŋ ze wàrà ikaʼi ikaŋ àbɔ̀ŋɔ aba ze ne achwi ze dùwə̀ angu mbi bàrà ghò fɔrɔ aba ze ne achwi ya fḛ angu, à ya bə̀ kwàʼ ane ne Ŋwan Wə̀d biri yeʼe .

Matìyò 24:3

Anyumə̀ ne Yeso ya chughi ikaŋ iwum mə̀olìf, mə̀mə̀nənùg məd ya ghò ibo məyi mbɔb mbɔb pè ghà ibo gha, “Masà, gha nyumə̀ ne inug mbo̰ biri dù ina. Mə̀tə aneni ane nyumə̀ ne àghò biri bə̀ndì fɔrɔ aneni ane nyumə̀ ne isəg biri nwḭ̀yḛ̀.”

Matìyò 24:44

Icheg ne ze yaʼi anìŋ, mbə̰ mənyìʼ chùʼri nyɔd imbə̀ʼ icheg ne Ŋwan Wə̀d biri yeʼe ane nyùmə̀ ne chəyi mbə̰ mbe ghɔ̀mɔ̀ aməd.”

Matìyò 25:31

Yeso ya chè imbìghè ghà abə mə̀mə̀nənùg məd tì inɔ̰ bəd we gha, “Anyumə̀ ne Ŋwan Wə̀d ywirì yèʼe icheg Ifɔn tì ìmbi mbè angirə̀ məjìm, wì biri chughi igun àze atən ifɔn.

Matìyò 8:22

Yeso ya ywìtì ibo gha, “Àghò beni abɔ̀ʼ inum sàŋì bəd ne fə ku mbe twəŋi ìmbɔb iwu bəd.”

Mk 9:1

Yeso ya ywìrì ghà abə ìmbi mə̀mə̀nənùg tì inɔ̰ bəd we gha, “Mə gha tesiʼ inən gha, chəyi bəd mɔ̀ʼɔ abɔ̀ʼ mbo̰ ne təmi aŋa biri ku ne chəyi mbi bari icheg ne Ŋwiye biri tùmbì bəd ane ìwi ika.”

Jn 21:19

Yeso ya ghàm ane ni chwi iku iwu ne Pità biri ku ni nàʼ ighumni abə Ŋwiye. Wì ya ghàm ane, si ghà ibo gha, “Bene abɔ̀ʼ inum!”

Jn 21:21

Anyumə̀ ne Pità ya bàri aməd, wì ya biri abə Yeso gha, “Anɔŋisəg, àsi gho̰ tì wə̀d?”

1 Kɔrèn 11:26

Anìŋ ya chwìye gha, mà nyumə̀ ijìm ne mbə̰ mbe jə̀ghə ngə̀ŋ ìzo̰ bə̀ no toʼ izo̰, mbə̰ ya ghà anug imbə̀ʼ iwu Anɔŋisəg. Mbə̰ biri ya ghà anene pè ane nyumə̀ ne wì biri ywiri yeʼe.

1 Kɔrèn 4:5

Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

1 Tèsàlonikà 2:19

Àkə mə̀we ghi gha tì nɔŋɔ ikɔndi igun ighi mbe ne te ghɔ̀mɔ̀? Àkə mə̀we biri ghì gha tì gyendi? Àkə mə̀we biri ghì gha tì kɔmɔ igo imbìghè abə Anɔŋisəg Yeso anyumə̀ ne wì ywirì yèʼe? Imbə̀ʼ à ya mbə̰?

Jems 5:7

Ìmbum məfi fɔrɔ ìtum njàbi, mbə nyimi fìŋ anene Anɔŋisəg yeʼe. Mbə̀ nḛ icheg ne wə̀d mben we mə̀ nyɔ̀ʼ ighi ngwèd, chùghi se ghɔ̀mɔ̀ gha ighi mbe ko. Wì ya ghɔ̀mɔ̀ ni ko ane mbə̀ŋ chùbi ghò pè inga ichi ka.

Jems 5:8

Mbə̰ inən, mbə̀ bə nyìmi fìŋ təm kà imbə̀ʼ icheg ne Anɔŋisəg we se zàmbi yeʼe.

Ɨnû 1:7

Mbə̀ nḛ, məd we yèʼe inga pàʼ. Bəd məjìm biri bàd aməd, fɔrɔ bèyi bəd mbe ne ya zùmi məd ane ighɔŋ, zweti. Tinəbi tijìm igun isəg biri dèg imbə̀ʼ aməd. À ya icheg ne ze biri yaʼ! À ya ane.

Ɨnû 2:25

Mbèʼ ze ne mə̀ biri zì igun inən ya məyi gha mbə̀ che imbìghè ni nɔ̀ŋì fìŋ igun inum ghò pè ane nyùmə̀ ne mə̀ biri ywiri yeʼe.

Ɨnû 22:20

Wə̀d we ne ghà inug mbo̰ ijìm, wì gha, “À ya tesiʼ! Mə biri zàmbi yeʼe!” À ya ane, Anɔŋisəg Yeso yeʼe!

Ɨnû 22:7

Yeso gha, “Mbə̀ zug, mə biri zàmbi yeʼe! Ŋwiye zì àbɔrɔ̀bɔd igun bəd mbe ne zùgrə inug mbe ne mbi ŋwaʼri inga àŋwàʼrì azo̰”.

Ɨnû 3:11

Mə biri zàmbi yeʼe. Àghò nɔŋɔ fìŋ igun inum, ni ghì gha imbə̀ʼ wə̀d mɔ̀ʼɔ si niŋ yi ineʼi we ne àghò bèri.