Wì ya ghà inɔb gha, “Mbə̀ Nḛ, tì ya anìŋ kɔ̀ʼɔ ghò a Jèrusalèm. Tì mə pè angu, mbi biri nyimi Ŋwan Wə̀d nàʼ abə itog bəd mbàn Ŋwiye tì mə̀chwitì mə̀nɔ̀ʼɔ̀. Bəd mbo̰ biri sɔb isaʼi gha mbe zweti aməd. Mbi biri ghì ane, si nàʼ aməd abə bəd mbe ne kayi mə̀Ju.
Mə̀Ju mbe ya ywìtì ibo gha, “Kayi imbə̀ʼ ayeti inug mɔ̀ʼɔ ne àghò ghi ne te kə̀bə̀ ni tumbi awe. Tì ya kə̀bə̀ ni tumbi awe gha àghò we zɔ̀mbɔ̀ Ŋwiye. Kwàʼ wə̀d-aku icheg ine, àghò we gha, àghò ya Ŋwiye.”
Yeso ya tòʼrì inɔb gha, “Chəyi mə̀ gha inug mbo̰ anìŋ, imbə̀ʼ awən mbə̰ məjìm. Mə kyèri bəd mbe ne mə fə chɔʼi. Si ya gha, anug ze ne yaʼi inga Àŋwàʼrì Ŋwiye biri dù ane tesiʼ. Anug ze ya gha, ‹Wə̀d we ne jə̀ghə tì inum fə bə̀ŋə̀ ane ìmə wə̀d pab.›
Yeso ya si ghà inɔb gha, “Anyumə̀ ne mbə biri nɔ̀ Ŋwan Wə̀d ikaŋ azed abaʼri, mbə biri si kyèri gha mo ya wə̀d we ne mə̀ ya gha inən gha mo ya ìwiwən. Mbə biri bə si kyèri gha, chəyi mə fàʼà anug mɔ̀ʼɔ ane ìmə ighəm. Mə ya ghà məyi inug mbe ne ìmə Mbaʼ we ghà inum gha mə̀ gha.
Kristo ya zeri awa abə ndɔ̀n ze ne mə̀nɔ̀ʼɔ̀ ya zi igun ina. Wì ya ghì ane icheg ne məd ya bèʼi ìza ndɔ̀n igun àzi atog kwàʼ zìye zìye. A ze inga Àŋwàʼrì Ŋwiye gha, “Ndɔ̀n Ŋwiye ze igun wə̀d ne mbi swḛ aməd, wì ku ikaŋ azed abaʼri.”