Jn 17:3 - Ikan feg

³ Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Meta’

³ Ɨ̀tènɨ̀ rɨ mì yɨ ni bə̂d kyerɨ əwe, àwɔ̀ we nɨ yeʼ mei we mɔʼ nɨ yeʼ Ŋwìə̀ rəsìʼ. Ɨ̀tènɨ̀ rɨ mì yɨə bə ni bə̂d kyerɨ ə Yeso Kristo we nɨ à nyaʼa tomɨ.

Jn 17:3 교차 참조

Mk 9:37

“Wə̀d ne niŋi ŋwan kwa mɔ̀ʼɔ icheg gho̰ ane ìmə ikum, tengàŋ fə bə̀ niŋ amə. Wə̀d ne niŋi amə, kayi mo ne wì niŋi, wì niŋ yaʼ wə̀d we ne tɔmi amə.”

Lk 9:48

Wì si ghà inɔb gha, “Wə̀d ne niŋi ŋwan kwa kwa gho̰ gha à ya mo cha, tengàŋ fə niŋ amə. Wə̀d ne niŋi amə, wì fə bə̀ niŋ wə̀d we ne cha amə.” Mbə̀ kyeri gha à ya wə̀d kwa kwa yaʼi ìwi kyen abɔ̀ʼ inən mbə̰ məjìm.

Jn 10:36

Àsi mo, ìmə Mbaʼ ya zɔʼ amə chà igun isəg. Mbə̀ kə si chè iye se gha, mə zɔ̀mbɔ̀ Ŋwiye icheg ne mə gha, ‹Mo ya Ŋwan Ŋwiye›?

Jn 11:42

Mə kyèri gha, àghò we kà zùghə mə mà nyumə̀ ijìm. Mə ya ghàmà anìŋ ni ghì gha bəd mbo̰ ne aŋa asiŋi, mbe bḛ gha, à ya àghò cha amə.”

Jn 14:26

Si ya gha, ìmə Mbaʼ biri chà Àwètìbə̀d ane ìmə ikum. À ya wə̀d ne nàʼà tikə abə bəd. Məd ya Azwighi Ŋwiye. Wì biri chwi inug ijìm inən, bə̀ ghì mbə̰ ya wènde inug ijìm mbe ne mə gha inən.

Jn 17:18

Mə fə chà awɔb inga isəg icheg ne àghò ya bə chà amə inga isəg.

Jn 17:21

Mə ya dèghè gha mbɔb məjìm yaʼ ane anug amɔʼ, kwàʼ icheg ne àghò ìmə Mbaʼ, àghò yaʼi inga inum, mo inum bə̀ yaʼ inga ine. Mbɔb inɔb bə̀ yaʼ inga ina imbə̀ʼ bəd igun isəg bḛ gha, à ya àghò cha amə.

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Jn 17:25

Ìmə Mbaʼ ne təmi kòʼ, ka chəyi bəd igun isəg kyeri awe, mo kyèri awe. Ane, mbɔb kyèri gha, à ya àghò cha amə.

Jn 17:8

Mbɔb fə bḛ ìngam we ne àghò ya nàʼi inum gha mə gha inɔb. Mbɔb fə bə̀ bḛ gha, à ya àghò cha amə.

Jn 3:17

Chəyi Ŋwiye ya chà ìwi Ŋwan igun isəg gho̰ gha wì yeʼe saʼ bəd imbə̀ʼ inug tibɔ̀ŋ. Ŋwan məd ya yèʼe ni ghì gha bəd pum.

Jn 3:34

Wə̀d gho̰ ne Ŋwiye cha ya ghàmà Ìngam Ŋwiye imbə̀ʼ icheg ne Ŋwiye we nàʼà àzi Azwighi ibo ne chəyi tì mbi mə̀grì.

Jn 5:44

Mbə̰ ya kɔ̀ŋɔ̀ ni ghì inug ni ghumni awən mbə̰ mbə̰. Chəyi mbə̰ mbe ghìyə̀ inug ne məyi Ŋwiye məd we imɔʼ biri ghumni awən. Ane, mbə̀ kə si chè iye ni nɔ̀ŋì ibḛfiŋ igun inum?

Jn 6:57

Icheg ne ìmə Mbaʼ we ne yaʼi izɔm ya cha amə, mə we izɔm imbə̀ʼ aməd. À ya bə̀ icheg ne wə̀d ne kuri ìmə nyàmnyɔd biri bə yaʼ ika imbə̀ʼ amə.

Jn 7:29

À ya mo kyeri aməd imbə̀ʼ icheg ne mə nɔ̀ʼ abɔ̀ʼ məd. À ya məd bə chà amə.”

Jn 8:19

Anyumə̀ ne wi ya gha ane, mbi ya biri ibo gha, “Ìwe Mbaʼ kə aya?” Yeso ya ywìtì gha, “Chəyi mbə̀ kyeri amə. Chəyi mbə̀ bə kyeri ìmə Mbaʼ. Àkə aghi ne mbə̀ kə kyèri amə, nji mbə biri bə kyeri ìmə Mbaʼ.”

1 Kɔrèn 15:34

Mbə̀ ywiri taŋ kɔndi icheg chɔm, waʼ inug tibɔ̀ŋ. Chəyi bəd mɔ̀ʼɔ abɔ̀ʼ inən kyeri Ŋwiye. Mə ya ghàmà anìŋ ni nàʼ tìnìrètog inən.

1 Kɔrèn 8:4

Ane, ni ghàm imbə̀ʼ tijəg te ne mbe jə mə̀ŋwiye, tè kyèri gha mə̀ŋwiye ya ati ako. Tè bə̀ kyèri gha chəyi Ŋwiye ndəŋ angu. Ŋwiye ya məyi imɔʼ.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Fìlipì 3:10

Anug ne mə̀ kə̀bi ya ni kyeri Kristo bə̀ taŋ kyèri ika we ne Ŋwiye ya zwemni aməd ane iwu. Mə kə̀b ni bə zə̰ ngəʼ icheg ne məd ya bə zə̰ ngəʼ. Mə bə̀ kə̀b ni ku kwàʼ icheg ne məd ya bə ku.

Fìlipì 3:8

Kayi məyi inug mbo̰. Icheg ne Kristo fə ghi ìchɔ̀mì inum, chəyi ighi ijìm ywìrì bèrì aton inum. Anug kyen ne yaʼi inga inug mbo̰ ijìm ya icheg we ne Ŋwiye ghì ìchɔ̀mì kyen inum mə kyeri Yeso Kristo, àmə Anɔŋisəg. À ya imbə̀ʼ Kristo ne mə waʼi ighi ijìm. Mə fə niŋ gha ighi mbe ijìm ya inyɔrì ighi imbə̀ʼ yaʼ amə ane ifɔti tì Kristo.

1 Tèsàlonikà 1:9

Mbɔb mbe ghàmà yète ikuchèg ne mbə̀ ya niŋi awa icheg chɔm anyumə̀ ne tì ya yeʼe inən. Mbɔb mbe bə̀ ghà icheg ne mbə̀ fə waʼi mə̀ŋwiye ako se fàʼà abə Ŋwiye tesiʼ we ne yaʼi izɔm.

2 Tès 1:8

Wì biri ghum yeʼe ni zì ngəʼ igun bəd mbe ne to̰ awɔb Ŋwiye bə̀ to̰ awɔb ni zugri ikən chɔm we ne ìwa Anɔŋisəg Yeso ya yeʼe tì ìwiwən.

Mə̀Hibrù 3:1

Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.

2 Pità 1:2

Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd. Wì ghiyə ane anjìm icheg ne mbə̀ kyeri aməd bə̀ kyèri Yeso ìwa Anɔŋisəg.

2 Pità 1:3

Ŋwiye fə chè anjìm ìwi ika nàʼ ighi ijìm ne tì koʼi ni bèrì ni chughi ane ikuchèg ne ghùmnə aməd. Wì fə nàʼ ane anjìm icheg ne tì kyeri aməd. Wì ya kàrì awa gha tì bere ati inga ighumni məd bə̀ fɔrɔ inga ìchɔ̀mì məd.

2 Pità 1:8

Aŋa ya ikuchèg ne mbə̀ koʼi ni bèrì. Mbə̰ mə̀ ya ghìyə̀ inug mbo̰ ghò gho imbìghè, mbə̰ biri ya fàʼà inug icheg chɔm bə̀ ghìyə̀ inug chɔm nɔʼ nɔʼ. Ane, ze biri chwi gha inug mbe ne mbə̀ kyeri imbə̀ʼ ìwa Anɔŋisəg Yeso Kristo kayi ati ako.

1 Jɔn 1:2

Anyumə̀ ne ìtḛ̀ we ya chwi ìwi nyɔd kwàʼ asaŋ asaŋ, tì ya bàd aməd. Ane, tì ya anìŋ ghà tesiʼ inən imbə̀ʼ aməd. Tì ya anìŋ bə̀ ghà inən gha məd ya ìtḛ̀ ighə̀m imɔʼ we ne ya yaʼi tì Mbaʼ ne Mbaʼ ghi tì kyèri.

1 Jɔn 1:3

Inug mbe ne tì ya zughi bə̀ bàd, à ya mbo̰ ne te ghà inən anìŋ, ni ghì gha mbə yaʼ ane ifɔti tì ina. Ìwa ifɔti ya tì Mbaʼ bə̀ fɔrɔ tì Ŋwan məd Yeso Kristo.

1 Jɔn 2:23

Wə̀d we ne to̰ yi Ŋwan, fə bə̀ ton yi Mbaʼ. Wə̀d we ne bḛ Ŋwan, fə bə̀ bḛ Mbaʼ.

1 Jɔn 4:6

Àsi awa, mba ya bəd Ŋwiye. Wə̀d we ne kyeri Ŋwiye ya zùghə anug ze ne te ghà. Àsi wə̀d we ne kayi wə̀d Ŋwiye, chəyi tengàŋ biri zug anug ze ne te ghà. Aŋa ya icheg ne tì biri chè angu ni kyeri azwighi ze ne ghìyə̀ gha bəd kyeri tesiʼ igun azwighi ze ne ghìyə̀ bəd ghà inug ako.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.