Jn 16:2 - Ikan feg

² Bəd biri kamni awən inga məchamì Ŋwiye. Nyùmə̀ we yèʼe ne wə̀d ne zwète awən biri kɔndi gha zìye ya fàʼà yaʼ àfàʼì ne Ŋwiye kə̀bi.

Meta’

² Bə̂d bɨrɨ fid əwən rɨŋga nəb tɨ ə̀kàtɨ̀. À yɨ rəsìʼ ni nyùmə̀ wɨə yeʼe nɨ wə̀d mɔʼɔ we nɨ zwiirɨ əwən bɨrɨ kɔndɨ ni tə wɨə ghɨ̀ə̀ yeʼ ənû ze nɨ Ŋwìə̀ gha ɨ bɔ.

Jn 16:2 교차 참조

Matìyò 10:28

Imbə̀ʼ mbə̰ bɔ awən bəd mbe ne zwète nyàmnyɔd ne chəyi tì mbi zweti azwighi. Mbə̀ bɔ yaʼ Məd we ne tì wì nìmni nyàmnyɔd bə̀ nìmni azwighi inga asiŋi ichə.

Matìyò 24:9

Nyùmə̀ we mə̀ kòʼ, bəd ìpàb biri ya chɔ̀ʼɔ ìmbən ibɔʼì ighog, gwìtè awən nàʼà mbi zwete. Bəd inga iben ijìm biri pàb awən imbə̀ʼ amə.

Lk 6:22

Ŋwiye zì àbɔrɔ̀bɔd igun inən, mbə̰ mbe ne bəd mbe bà̰ awən, to̰ awən, chàpà ìtən tikum bə̀ gha mbə̰ ya bəd ne ghìyə̀ inug tibɔ̀ŋ imbə̀ʼ icheg ne mbə̀ bḛ Ŋwan Wə̀d.

Jn 12:42

Kwàʼ anyumə̀ we, itog bəd mə̀Ju ya nɔŋi ibḛfiŋ igun məd. Si ya gha, chəyi tì mbi ya bḛ asaŋ asaŋ imbə̀ʼ icheg ne, mbi yaya bɔ gha, mə̀Farìsi bìri kamni awɔb chì inga ichamì Ŋwiye.

Jn 16:25

Yeso ya chè imbìghè ni ghà inɔb gha, “Ka mə jiʼì ghà inug mbo̰ inən ane ìngam məgri, mbə̀ kyeri gha, nyùmə̀ we yèʼe ne chəyi mə̀ biri ywiri ghàm inən ane ìngam məgri. Mə biri ghà inug inən asaŋ asaŋ imbə̀ʼ ìmə Mbaʼ.

Jn 16:32

Nyùmə̀ we yèʼe ne mbə̀ biri sàkà. Tesiʼ ya gha, nyùmə̀ we fə yeʼe. Wə̀d imɔʼ imɔʼ biri ghò ini inga achan. Mbə̰ biri waʼ amə tèzìʼì. Si ya gha, chəyi mə̀ biri yaʼi tèzìʼì imbə̀ʼ icheg ne ìmə Mbaʼ we yi tì inum.

Jn 4:21

Yeso ya ywìtì ibo gha, “Abo, àghò zug anug ne mə ghà ine. Nyùmə̀ we yèʼe ne chəyi mbi biri ya ywìrè ghùmnə ìmə Mbaʼ məyi ikaŋ iwum aŋa, kə̀ a Jèrusalèm.

Jn 4:23

Tesiʼ ya gha, nyùmə̀ we yèʼe ne bəd Ŋwiye biri ya ghùmnə aməd ane icheg ne koʼi. Nyùmə̀ we fə pè. À ya nyùmə̀ ne bəd Ŋwiye biri ya zùghə inug abə Azwighi Ŋwiye se ghùmnə aməd ane icheg ne koʼi. À ya ane imbə̀ʼ icheg ne, à ya tiku bəd te ne Ŋwiye ya kə̀bə̀ gha mbe ya ghùmnə aməd.

Jn 9:22

Mbaʼ məd tì ngɔb məd ya ghàm anìŋ imbə̀ʼ icheg ne mbi yaya bɔ itog bəd mə̀Ju. Itog bəd mə̀Ju ya fə sìb gha, wə̀d ne biri bḛ gha, Yeso ya Wə̀d we ne Ŋwiye zɔ̀ʼi, mbi biri kamni aməd chì inga ichamì Ŋwiye.

Jn 9:34

Mbi ya ywìtì gha, “Mbi ya gwi awe inga inug tibɔ̀ŋ. Àghò bə̀ kweg inga inug tibɔ̀ŋ. Àghò kə anìŋ kə̀bə̀ ni chwiti inug ina?” Mbi ya biri ane, si kàmni aməd chì inga ichamì Ŋwiye.

Ɨ̀fàʼì 5:33

Anyumə̀ ne bəd mbe ne sàʼa aben ya zughi anug azo̰, mbi ya gaŋ chè ati, se kə̀bə̀ gha nji mbe zwèti bədtɔm mbe.

Ɨ̀fàʼì 7:56

Wì ya bàd ane si ghà gha, “Mbə̀ nḛ! Mə we bàrà icheg ne ikaŋ àbɔ̀ŋɔ fiʼe bə̀ bàrà icheg ne Ŋwan Wə̀d tə̀mi aba abo jəghi Ŋwiye.”

1 Kɔrèn 4:13

Anyumə̀ ne bəd mbe chìkə̀ ìwa ikum, tì ya ywìtè ane ìngam chɔm. Ni pè amad anìŋ, mba ya icheg imbirì ighi inga isəg. Mba ya bə̀ icheg bəd ne fə bə mànì abə bəd inga isəg.

Fìlipì 3:6

Kə̀ àkə ane anug ni zì atog ane anug, mo yaya zìyè atog ni chɔʼ ibɔʼì ighog abə bəd Kristo. Kə̀ àkə ane anug ni təm kòʼ anjìm mə̀nɔ̀ʼɔ̀ Muse, mo ya wə̀d ne nɔ̀ŋɔ̀ mə̀nɔ̀ʼɔ̀ məjìm ne chəyi tì wə̀d zì isaʼi igun inum.

Ɨnû 6:9

Anyumə̀ ne wì ya fìʼì afeni ìnen ne pè ane ità̰, mə̀ ya nèn aton ikwijə̀ŋ àfàtì, bàd izwighi abə bəd mbe ne mbi ya zweti awɔb anjìm icheg ne mbi yaya chètè Ìngam Ŋwiye fɔrɔ anjìm icheg ne mbɔb ya nyimi anug ni chètì Ìngam Ŋwiye kwàʼ icheg chɔm.