Jn 15:4 - Ikan feg

⁴ Mbə mə̀ chè imbìghè ni yaʼ ane anug amɔʼ tì inum, mə biri bə chè imbìghè ni yaʼ ane anug amɔʼ tì nən. Chəyi fìtab azed mɔ̀ʼɔ ne tì fi ko titam ne chəyi fi yaʼ ywìrè yi ane ìtḭ vayìn. À ya icheg ne mbə̀ bə yaʼ. Chəyi wə̀d abɔ̀ʼ inən ne tì wì ghì inug mɔ̀ʼɔ ane ìwi ighəm ne chəyi məd we ywìrè ane anug amɔʼ tì inum.

Meta’

⁴ Mbə̀ chub ənɨ ənû ə mɔʼ mbɨ num, ɨchî nɨ mə bə̀ chub ənɨ ənû ə mɔʼ mbɨ nən. Ɨchî nɨ chəi ənɨ tɨ fɨtəb kɔ rɨtam ənɨ i ɨghəm kɨrɨ ənɨ fɨ yeʼ ənɨ əzed ə vaìn, əne bə̂ chəi ənɨ tɨ mbə̀ kɔ rɨtam kɨrɨ ənɨ mbə̀ yeʼ ənɨ ənû ə mɔʼ mbɨ num.

Jn 15:4 교차 참조

Matìyò 12:33

Yeso ya chè imbìghè gha, “Àghò mə kon azed chɔm, fitam məd biri yaʼ ìfi chɔm. Àghò mə kon azed tibɔ̀ŋ, fitam məd biri bə̀ yaʼ ìfi tibɔ̀ŋ. Tesiʼ ya gha, azed ya mbe kyère ane fitam.

Lk 8:15

Titam te ne ya fendi igun ìseg chɔm ya chwìye bəd mbe ne beri fìŋ chɔ̀m. Mbɔb ya zùghə Ìngam Ŋwiye, nìŋə nyìme icheg chɔm, nyìʼè fìŋ ni fàʼ anug ne Ìngam Ŋwiye gha.”

Jn 14:20

Aneg ze ghi mə̀ kòʼ, mbə biri kyeri gha mo yaʼ ane anug amɔʼ tì ìmə Mbaʼ. Mbə̰ biri bə kyeri gha mbə̰ mbe ane anug amɔʼ tì inum, mo inum bə̀ yaʼ ane anug amɔʼ tì inən.

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Jn 6:56

Wə̀d ne kuri ìmə nyàmnyɔd bə no àmə anəm tengàŋ biri yaʼ ane anug amɔʼ tì inum, mə bə̀ yaʼ ane anug amɔʼ tì məd.

Jn 8:31

Yeso ya ghà abə mə̀Ju mbe ne ya zi ibḛfiŋ igun məd gha, “Mbə̰ mə̀ nyimi ìmə ìngam, mbə biri yaʼ kwàʼ ìmbum mə̀mə̀nənùg.

Ɨ̀fàʼì 11:23

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.”

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

2 Kɔrèn 13:5

Mbə̀ kwaʼri ìtən nyàmnyɔd bə̀ nḛ̀ gha mbə nɔ̀ŋì ibḛfiŋ igun Kristo. Àmə yaʼ aghi ne mbə̀ bari gha chəyi Yeso Kristo yaʼi inga ìtən fìŋ, ane ya gha mbə fə gùg àkwàʼrì ze.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Efesùs 3:17

Mə we bə̀ chàʼrà Ŋwiye gha ìwən ibḛfiŋ ghiyə Kristo yaʼ inga ìtən fìŋ, mbə̀ bə ya kɔ̀ŋɔ̀ Ŋwiye bə̀ ya kɔ̀ŋɔ̀ ìmbən məfi fɔrɔ ìtən njàbi. Mbə̰ mə̀ ghì ane, mbə biri təm kà inga àkɔ̀ŋì icheg azed ne ighaŋ taŋ nyi aseg bə̀ təm kà icheg nəb ne ati nəb taŋ kà.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

Kòlosè 1:27

Ŋwiye ya kə̀b gha bəd məd kyeri gha anug kyen ze ne yaʼi inə̀mbi ya fɔrɔ abə bəd mbe ne kayi mə̀Ju. Anug ze ya gha, Kristo we inga inən, mbə̰ mbe ne kayi mə̀Ju. Ane ya gha, mbə̰ biri bə nyi inga kə̀tə̀d məd.

Kòlosè 2:6

Icheg ne mbə̀ fə bḛ Yeso Kristo gha məd ya Anɔŋisəg, mbə̀ bə chè imbìghè ni ya fàʼà inug icheg ne məd kə̀bi.

1 Tèsàlonikà 3:5

À ya aton ne mə̀ ya cha Timotì gha wì yeʼe nwendi icheg ne ìwən ibḛfiŋ igun Yeso yaʼi. Chəyi tì mə ya ywìrì nyìʼ. Mə yaya bɔ gha imbə̀ʼ wə̀d we ne kwàʼrà bəd nɔ̀ʼ kwàʼrì awən ghì àza àfàʼì inən ze chè ako.

Mə̀Hibrù 10:39

Chəyi tì yaʼi abɔ̀ʼ bəd mbe ne nìme imbə̀ʼ icheg ne mbi bə̀ndi anjìm. Mba ya abɔ̀ʼ bəd mbe ne pùmə imbə̀ʼ icheg ne tì nɔŋi ibḛfiŋ igun Ŋwiye.

1 Jɔn 2:6

Wə̀d mɔ̀ʼɔ mə̀ gha zìye we ane anug amɔʼ tì Ŋwiye, məd bèrì ni yèn igun ibɔʼì ighog ìmbi Yeso Kristo.

2 Jɔn 1:9

Wə̀d ne chəyi wì chè imbìghè ni ghì inug mbe ne Kristo chwìti, chəyi tengàŋ yaʼi ane anug amɔʼ tì Ŋwiye. Wə̀d ne chè imbìghè ni ghì inug mbe ne Kristo chwìti, ya wə̀d ne yaʼi ane anug amɔʼ tì Ŋwiye fɔrɔ Ŋwan Ŋwiye.